Sunday, March 30, 2008

အာဏာရှင်ကိုဖြိုလှဲခြင်း


မြန်မာစစ်အစိုးရ၏ ဖိနှိပ်ရက်စက်မှုများနှင့် ဆင်ဆင်တူသော၊ ဆားဗီးယားရှိ လွတ်မြောက်ရေးလှုပ်ရှားမှု အဖြစ်အပျက်များအား ကြည့်မြင်နိုင်ပါသည်။ ၂၀၀၀ခုနှစ်နွေဦးမှာ ဒေါသထွက်နေတဲ့ ဆားဗီးယားလူငယ်များဟာ သူတို့လူငယ်ဘ၀ (၁၀)စုနှစ်တခုလုံးကို အပိုင်ဆီးခဲ့သူတဦးအပေါ် အကြမ်းမဖက်လှုပ်ရှားမှုစတင်လိုက်ပါတယ်။ သူကတော့ သိမ်မွေ့သလိုနဲ့ကောက်ကျစ်စဉ်းလဲတတ်သူ၊ ဥရောပရဲ့ အရက်စက်ဆုံးအာဏာရှင်ဖြစ်သူ ၊ ဘော်လ်ကန်ဒေသ လူသတ်သမားဟု နံမည်ကြီးသူ ဆလိုဗိုလ်တန် မီလိုဆိုဗစ်ပါ။
မီလိုဆိုဗစ်ဟာ ခရိုအေးရှား၊ ဘော့စနီးယား။ဒေသတွေမှာ စစ်ပွဲတွေဖြစ်အောင်ဖန်တီးခဲ့သူပါ။ သူ့လက်ထက်မှာ လူမျိုးစုတွေ မျိုးတုန်းအောင်သတ်ဖြတ်တာတွေ၊ အကျဉ်းစခန်းတွေကို မတရားပို့ဆောင်နှိပ်စက်တာတွေလုပ်ခဲ့တယ်။

အလုပ်လက်မဲ့တွေ၊ ဆင်းရဲမှုတွေ။ လာဘ်ပေး လာဘ်ယူမှုတွေ၊ ဖိနှိပ်မှုတွေ၊ ကြောက်ရွံ့မှုတွေဖြစ်ပေါ်ခဲ့ပြီး လူတသန်းနီးပါး ဒုက္ခသည်အဖြစ်ရောက်ရှိခဲ့ပါတယ်။ ဆားဗီးယားပြည်သူပြည်သားများ အာဏာရှင်လက်အောက်မှလွတ်မြောက်ရန်၊ လွတ်လပ်ရေးအတွက် မည်သို့မည်ပုံ ကြိုးစားခဲ့ကြသည်ကို သိရှိနိုင်စေရန် တင်ပြလိုက်ပါသည်။

နယူးယောက်မြို့ လူ့အခွင့်အရေးနေ့မှာ မစိုးရိမ်ဆရာတော်ကြီးရဲ့သြ၀ါဒ


၁။ စစ်အစိုးရကို ထောက်ခံရင် ကံကြီးထိုက်မယ်။

၂။ နိုင်ငံရေးသမားတွေ ဟန်ဆောင်လေးဖြစ်ဖြစ် ညီညွှတ်ကြစမ်းပါ။

ဗမာနိုင်ငံ ရှစ်လေးလုံး နိုင်ငံရေးအုံကြမှုကာလအတွင်းက ကျောင်းသားဖုန်းမော် ကျဆုံးခဲ့တဲ့နေ့ကို ဗမာ့နိုင်ငံရေးအဖွဲ့အစည်းများနဲ့ ကျောင်းသားအဖွဲ့အစည်းအားလုံးက ဗမာနိုင်ငံလူ့အခွင့်အရေးနေ့အဖြစ် သတ်မှတ်ခဲ့ကြပါတယ်။ နယူးယောက်မြို့မှာ မတ်၁၅ရက်နေ့၊ စနေနေ့က ကုလသမဂ္ဂပလာဇာ ဒုတိယထပ်မှာ ဗမာနိုင်ငံလူအခွင့်ရေးအထိမ်းအမှတ်နေ့ကို ကျင်းပပါတယ်။ လူ့အခွင့်အရေးနေ့ အထိမ်းအမှတ်ပွဲကို နှစ်ပိုင်းခွဲပြီးကျင်းပရာ ပထမပိုင်းမှာ နယူးယောက် ဗမာလူငယ်များဦးစီးပြီး ဒုတိယပိုင်းကို သာသနာမောဠိအဖွဲ့က ဦးစီးကျင်းပခဲ့ပါတယ်။ ပထမပိုင်းမှာ မန္တလေးတက္ကသိုလ်၊ သမိုင်းဆရာဟောင်း ဦးအောင်ခန့်က အခမ်းအနားမှူးအဖြစ် ဆောင်ရွက်ပြီး ဒုတိယပိုင်းမှာ ဦးစန္ဒာဘာသ(ဘက်ဖဲလို)က အခမ်းအနားမှူးအဖြစ် ဆောင်ရွက်ပါတယ်။

ပထမပိုင်းအခမ်းအနားမှာ ကဗျာဆရာဦးစွမ်းရည်က ဖုန်းမော်ကဗျာရွတ်ဆိုဖွင့်လှစ်ပြီးနောက် အမေရိကန်ပြည်ထောင်စု အရှေ့ပိုင်း၊ အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ) ဥက္ကဋ္ဌဦးအောင်စောဦးက “ဗမာ့စစ်တပ်ရဲ့ လူသတ်မှုသမိုင်းကြောင်း”ကို သုတေသနပြုလုပ်ထုတ်ဖော်ဟောကြားပါတယ်။

ဆက်လက်ပြီး ရှစ်လးလုံးကာလ၊ လူ့ဘောင်သစ်အဖွဲ့ ဥက္ကဋ္ဌဟောင်း ဦးမိုးသီးဇွန်နဲ့ ရှစ်လေးလုံးကျောင်းသားခေါင်းဆောင်ဟောင်းများဖြစ်ကြတဲ့ ကိုရင်အေး၊ ကိုအောင်ကျော်မြင့်၊ ကိုဇော်ဝင်းစသူတို့က ဖုန်းမော်ကျဆုံးစဉ်က အတွေ့အကြုံများကို ပြန်လည်တင်ပြကြပါတယ်။

ဒုတိယပိုင်းမှာ သာသနာမောဠိအဖွဲ့၊ ပဓာန ခေရဆရာတော်ကြီးဖြစ်တဲ့ မစိုးရိမ်ဆရာတော်ကြီး ဦးကောဝိဒနဲ့ ဒုတိယဥက္ကဋ္ဌ ဦးဝိလာသတို့က သြ၀ါဒစကားများပြောကြားသွားကြပါတယ်။ ဆရာတော်ကြီးဦးကောဝိဒက မိမိအနေနဲ့ ရှစ်လေးလုံးကာလတုန်းက ပြည်သူလူထုနဲ့တကွ သံဃာတော်တွေကို မတရားဖမ်းဆီးနှိပ်စက် သတ်ဖြတ်နေတဲ့ စစ်အစိုးရကို ကြည့်နေလို့ မဖြစ်တော့လို့ သံဃာတော်များမှာရှိတဲ့ တခုတည်းသာပိုင်ဆိုင်တဲ့ သပိတ်ကိုအသုံးပြုပြီး ပတ္တနိက္ကုဇ……နခေါ်သပိတ်မှောက်ကံဆောင်မှုကို ဦးဆောင်ပြုလုပ်ခဲ့ပါတယ်။ ဦးသုမင်္ဂလစတဲ့ တိပိဋိက ဓမ္မဓရ ဆရာတော်ကြီးများလဲ ပါဝင်ခဲ့ပါတယ်။

မိမိမှာ မန္တလေး မစိုးရိမ်တိုက်ဟောင်း၊ တိုက်သစ်နှစ်ကျောင်းနဲ့ ရန်ကုန်မှာပါစာချခဲ့ရာမှာ ဗမာပြည်အနှံ့အပြားမှာ တပည့်သံဃာပေါင်း ၆၀၀၀ကျော်ရှိခဲ့လို့ သူတို့လဲပါဝင်ဦးဆောင်ပြီး သပိတ်မှောက်ကြပါတယ်။ ဒါကြောင့် မိမိနဲ့တကွ သံဃာတော်များစွာ ဖမ်းဆီးနှိပ်စက်ခံကြရပြီး တချို့ပျံလွန်ခဲ့ရပါတယ်။ မိမိမှာ ခုနှစ်နှစ်မျ အကျဉ်းချခံရပြီး လွတ်တဲ့အခါ အမေရိကန်ပြည်ထောင်စုကို ထွက်ခဲ့ပါတယ်။ နောက်အခါ ပြည်တွင်းမှ သံဃာတော်များချည်း စုပေါင်း ချီတက်ရင်း မေတ္တာသုတ်ရွတ်ဆို ဆန္ဒပြကြတာကို သေနတ်နဲ့ ပစ်ပြီး ဖမ်းဆီးသတ်ဖြတ်ခဲ့ပြန်ပါတယ်။ ဒါ့ကြောင့် မနေသာလို့ ပြည်ပကနေ သာသနာ့မောဠိအဖွဲ့ကြီးကို ဦးဆောင်ဖွဲ့စည်းပြီး စစ်အစိုးရမပြုတ်မချင်း သံခာများက တတ်နိုင်တဲ့နည်းနဲ့ လုပ်ဆောင်သွားဖို့ ဆောင်ရွက်နေပါတယ်။

သံဃာတော်များ ဖမ်းဆီးနှိပ်စက်သတ်ဖြတ်ခံရပုံတွေကို သမိုင်းပြုစုထားဖို့လိုပါတယ်။ ရှေးခေတ်ကဗမာရေးမှာ မင်းဆိုးမင်းညစ် ရှမ်းသိုးဟန်ဘွားက သတ်ဖြတ်ခဲ့လို့ ဂငယ်သုံးခု ဥသျစ် ဆိုပြီး သမိုင်းတွင်ခဲ့ပါတယ်။ ၈၈၈(ရှစ်ရာရှစ်ဆယ့်ရှစ်)ခုနှစ်မှာ ဖြစ်ပွားခဲ့တယ်လို့ အဓိပ္ပာယ်ရပါတယ်။ (ရှမ်းသိုဟန်ဘွားကို ဘုရင့်နောင်က မင်းဆိုးမင်းညစ်အဖြစ်တော်လှန်ခဲ့ပါတယ်။ ရှမ်းဗမာလူမျိုးရေးကိစ္စမဟုတ်ပါ။ ဘုရင့်နောင်ကပဲ ရှမ်းလူမျိုးကုန်းဘောင်စော်ဘွားကို ပြန်လည် နန်းတင်ခဲ့တာကို သတိပြုမှတ်သားရပါမယ်။)

ဆရာတော်ကြီးက မိမိကိုယ်တိုင် ငွေကုန်ကြေးကျခံပြီး သံဃာ့အရေးတော်ပုံဓာတ်ပုံများ၊ အမျိုးမျိုးပါရှိတဲ့ ရုပ်ပုံကတ်ပြား ၄-၅မျိုးရိုက်နှိပ်ဖြန့်ဝေစေချင်ကြောင်း၊ ပြည်တွင်းမှာလဲ မသိလိုက်ကြသူများ အနှံ့အပြားသိကြရအောင် ပေးပို့ဖြန့်ဝေချင်လို့ ကူညီကြဖို့အကြောင်းကိုလဲ မိန့်ကြားသွားပါတယ်။ ၁၃၀၀ပြည့်အရေးတော်ပုံကာလ ဘုန်းကြီး သတ္တမတန်းကျောင်းသားဘ၀မှာ မန္တလေး ၂၆ဘီလမ်းပေါ်မှာ အင်္ဂလိပ်အစိုးရက သေနတ်နဲ့ ပစ်ခတ်နှိမ်နှင်းလို့ သံဃာတော် ၇ပါးပျံလွန်တော်မူခဲ့ပါတယ်။ အဲဒါလဲသမိုင်းရှိပြိး မန္တလေး-စစ်ကိုင်းသွားကားလမ်း၊ အမရပူရမြို့မရောက်ခင် နေရာမှာ ရဟန်းအာဇာနည်အုတ်ဂူများ တည်ဆောက်ထားရှိပါတယ်။ ကျောင်းသားသမဂ္ဂအဆောက်အဦးကို စစ်တပ်အာဏာပိုင်များက ဗုံးခွဲဖြိုဖျက်ခဲ့တဲ့ ၇-ရက်ဇူလိုင်သမိုင်း၊ အလုပ်သမားလှုပ်ရှားမှုသမိုင်း၊ ရှစ်လေးလုံးသမိုင်းစတဲ့ သမိုင်းဝင်အရေးတော်ပုံတွေကို မော်ကွန်းထိုးထားကြသလို သံဃာအရေးတော်ပုံကြီးကိုလဲ မော်ကွန်းထိုးကြရပါမယ်။ စသည်ဖြင့်လဲ ဟောကြားသွားပါတယ်။

ဆရာတော်ကြီးအနေနဲ့ ပြည်သူလူထုတရပ်လုံးကို ဦးတည်ပြီး သြ၀ါဒပေးသွားတဲ့အဓိက အချက်နှစ်ချက်ရှိပါတယ်။ ပထမအချက်က နိုင်ငံရေးသမားများ ညီညွှတ်ရေးပဲ ဖြစ်ပါတယ်။ ဘုန်းကြီးအနေနဲ့ နိုင်ငံရေးကို မသိဘူး၊ ဒါပေမဲ့ ရှစ်လေးလုံးကာလကတည်းက မတရားတာတွေမြင်လို့ ထပြီး ဦးဆောင်ခဲ့တယ်။ သပိတ်မှောက်ခဲ့တယ်။ ခုပြည်ပရောက်လာတော့လဲ နိုင်ငံရေးနဲ့ ကင်းကင်းပဲ နေခဲ့တယ်။ ခုအခါ နိုင်ငံရေးသမားတွေနဲ့မလွှဲမရှောင်သာ တွေ့ဆုံရတော့ တယောက်နဲ့တယောက်၊ တဖွဲ့နဲ့တဖွဲ့၊ ပုတ်ခတ်တိုက်ခိုက်နေတာနဲ့ အချိန်ကုန်နေကြလို့ သိပ်စိတ်ပျက်မိတယ်။ စစ်အာဏာရှင်ကို မတိုက်နိုင်ဘဲ ကိုယ့်အချင်းချင်းတိုက်နေကြတယ်။ ဒါကြောင့် ခုအခါ ညီညွှတ်ကြစမ်းပါလို့ ပြောချင်တယ်။ ဟန်ဆောင်ဖြစ်ဖြစ်ညီညွှတ်ကြစမ်းပါလို့ သြ၀ါဒပေးသွားပါတယ်။

ဒုတိယအချက်ကတော့ ခုအခါ ပြည်ပရောက်ဗမာများကို မဲပေးဖို့ စစ်အစိုးရက စာတွေပို့နေတယ်။ တချို့ဒကာ ဒကာမတွေကလဲ ဗမာပြည်ကို မပြန်ရမှာစိုးလို့ မဲပေးဖို့ နန့်နန့်တက်နေကြတယ်။ ဘုန်းကြီးလဲ ပြန်ချင်ပါတယ်။ ဒါပေမယ့် အောင့်ထားတယ်။ စစ်အစိုးရကို မဲပေးထောက်ခံသူတွေဟာ စစ်အစိုးရနဲ့ကြံရာပါတွေ ဖြစ်သွားပါလိမ့်မယ်။ သံဃာတွေက စစ်အစိုးရကို သပိတ်မှောက်ထားတာ ခုထက်ထိ မလှန်သေးဘူး။ သပိတ်မှောက်တယ်လို့ တင်စားပြောတာ။ ဟိုဘက်အိမ်က ဆူနေတယ်လို့ ပြောတာဟာ အိမ်ကြီးကဆူတာ မဟုတ်ဘူး။ အဲဒီအိမ်ထဲကလူတွေ ဆူနေတာကို ဥပမာနည်းနဲ့ တင်စားပြောတာ။ ဘုန်းကြီးများသပိတ်မှောက်တယ်ဆိုတာ စစ်အစိုးရကို သာရေးနာရေးကအစလုံးဝမဆက်ဆံဘူးလို့ ကြေငြာတာ။
သံဃာသပိတ်မှောက်ခံရသူများဟာ ကံကြီးထိုက်တတ်တယ်။ သူတို့လဲ အလွန်ဆုံးနှစ်လအတွင်းမှာပဲ ကံကြီးထိုက်လိမ့်မယ်။ သူတို့ကို မဲမပေးကြနဲ့လို့ ဘုန်းကြီးတို့က မပြောကောင်းဘူး။ ၀ိနည်းနဲ့ ထောက်နိုင်တယ်။ ပေးချင်ပေးကြ။ ပေးသူတွေဟာ သူတို့ကို ထောက်ခံ အားပေးရာကျလို့ သူတို့နဲ့အတူကံကြီးထိုက်လိမ့်မယ်လို့ သတိပေးလိုက်တယ်။ ဗမာပြည်ကိုလဲ လှမ်းပြီးအော်ပြောလိုက်မယ်။ စစ်အစိုးရကို အားပေးထောက်ခံသူတွေကံကြီးထိုက်မယ်။ သတိထားလို့။ ဒါကြောင့် ပြည်ပက ဒကာဒကာမတွေလဲ နန့်နန့်တက်မနေကြနဲ့။ ဘုန်းကြီးတို့လဲ တောင့်ထားမယ်။
ဒကာ ဒကာမတွေလဲ ခဏအောင့်ထားလိုက်ကြ။ ကံကြီးထိုက် မခံကြရစေနဲ့လို့ သတိပေးလိုက်ပါတယ်။ စသဖြင့် သြ၀ါဒပေးသွားပါတယ်။
ဆရာတော်ကြီး သြ၀ါဒပေးပြီးတဲ့နောက် ဒုတိယဥက္ကဌ ဦးဝိလာသနဲ့ ရဟန်းပျိုသမဂ္ဂဦးအဂ္ဂဓမ္မတို့က သြ၀ါဒများနဲ့ အတွေ့အကြုံများကို မိန့်ကြားတင်ပြပြီးနောက် ဦးဇင်း ဦးခေမိဿရဦးဆောင်ပြီး သံဃာများနဲ့ သံဃသြ၀ါဒလာရောက်ခံယူကြသူ ဒကာ ဒကာမများက သံဃာအရေးတော်ပုံ ပိုစတာများကို ကိုင်၍ဆင်းပြီး နယူးယောက်မြို့လယ်မှာ လမ်းလျောက်ဆန္ဒပြရင်း အခမ်းအနားကို ရုပ်သိမ်းလိုက်ပါတယ်။

၁။ စစ်အစိုးရကို ထောက်ခံသူတွေ ကံကြီးထိုက်မယ်။
၂။ နိုင်ငံရေးသမားတွေ ဟန်ဆောင်လေးဖြစ်ဖြစ် ညီညွှတ်ကြပါ။
ဦးကောဝါဒ (မစိုးရိမ်ဆရာတော်ကြီး)
သာသနာ့မောဋိအဖွဲ့၊ ပဓာန ဓေရဆရာတော်

ဆရာတော်ကြီးရဲ့ မိန့်ခွန်း မှတ်တမ်းတင်သူ
မောင်စွမ်းရည်
၁၆ မတ် ၂၀၀၈
နယူးယောက်

ပြတ်ပြတ်သားသားကန့်ကွက်ကြပါစို့


မိတ်ဆွေများရဲဘော်များခင်ဗျား။

မကြာခင် ကျင်းပတော့မဲ့ နအဖရဲ့လူထုဆန္ဒခံယူပွဲနဲ့ပတ်သက်ပြီး မြန်မာ့ဒီမိုကရေစီအင်အာစုများအတွင်း ပြည်တွင်းမှာရောပြည်ပမှာပါသဘောထား (၂)ရပ်ကွဲပြားနေတာတွေ့ရပါတယ်။ တစုကဒီဆန္ဒခံယူပွဲကိုလုံးလုံးလျားလျားသပိတ်မှောက်ရေးဖြစ်ပြီး လူထုကိုဆန္ဒခံယူပွဲမှာ သွာရောက်မဲမပေးကြဖို့လှုံ့ဆော်နေကြပါတယ်။ နောက်တစုကတော့ဒီဆန္ဒခံယူပွဲမှာ လူထုရဲ့အသဲကြားကမဲတပြားကို အကျိူးရှိရှိအသုံချဖို့ဖြစ်ပြီးလူထုကိုဆန္ဒခံယူပွဲမှာသွာရောက်ပြီး ကန့်ကွက်မဲပေးဖို့လှုံဆော်တိုက်တွန်းနေကြပါတယ်။
အားလုံးရဲ့တူညီမှုကတော့နအဖကတဖက်သတ်ရေးဆွဲထားတဲ့စစ်အာဏာရှင်စနစ်ကို တရားဝင်အသက်သွင်းပြီး မြန်မာပြည်သူတွေကိုရာသက်ပန်စစ်ကျွန်ဇာတ်သွင်းမဲ့ အခြေခံဥပဒေအတုအယောင်ကိုကန့်ကွက်ကြခြင်းပါဘဲ။
အခုကျွန်တော်တို့နအဖရဲ့အခြေခံဥပဒေမူကြမ်းကိုလေ့လာခွင့်ရပါပြီ၊ သူတို့ရှေ့ကကြိမ်ဖန်များစွာပြောထာသလိုပါပဲ၊ ကျနော်တို့အာလုံးမျှော်လင့်ထားသလိုပါပဲ၊ ဒီအခြေခံဥပဒေမူကြမ်းဟာ ၁၄နှစ်ကျော်ကြာ လက်ရွေးစင်ခေါင်းခေါက်ရွေးထားတဲ့လက်ပါးစေများနဲ့ကျင်းပတဲ့အမျိုးသားညီလာခံကချမှတ်ထာတဲ့အခြေခံမူများ၊ အသေးစိတ်မူများနဲ့ထပ်တူထပ်မျှပါပဲ၊ ဒီအခြေခံမူတွေကိုပဲပုဒ်မနံပါတ်တပ်လိုက်တာပါ၊

ဒီအခြေခံဥပဒေဟာစစ်အာဏာရှင်စနစ်ကိုတရားဝင်ပြုဖို့ကာကွယ်ရေးဦးစီးချုပ်ကို အမြင့်ဆုံးအာဏာတွေပေးဖို့နဲ့စစ်တပ်ဆိုတာကို တိုင်းပြည်ရဲ့အခွင့်ထူးခံလူတန်စားအဖြစ်ဖန်တီးပြီး ပြည်သူလူထုကိုကျေးကျွန်များအဖြစ်အသက်သွင်းဖို့ရေးဆွဲထားတယ်ဆိုတာအထူးပြောဖို့မလိုတော့ပါဘူး။ ပြီးတော့ဒီအခြေခံဥပဒေဟာတိုင်ပြည်ရဲ့လက်ရှိနိုင်ငံရေး။စီပွားရေး၊လူမှုရေး၊လူမျိူးစုရေးပြဿနာတွေကိုလည်းမဖြေရှင်းနိုင်တဲ့အပြင်ပိုပြီးဆိုးဝါးစေလိမ့်မယ်ဆိုတာကိုလည်း အထူးပြောဖို့မလိုတော့ပါ။ ဒါပေမဲ့ဒီဖွဲ့စည်းပုံအခြေခံဥပဒေမူကြမ်းမှာ နအဖကထပ်ပြီးဖန်တီးထာတဲ့ကောက်ကျစ်စဉ်းလဲမှု၊လှည့်ဖျားမှုတခုကိုတော့အရေးတကြီးထောက်ပြချင်ပါတယ်။

အမျိုးသားညီလာခံကချမှတ်တဲ့အခြေခံမူများထဲမှာအခန်း (၁၄) အသွင်ကူးပြောင်းရေးကာလပြဌန်းချက်များပုဒ်မ (၁)မှာ ဒီလိုဆိုထားပါတယ်။
“ဤဖွဲ့စည်ပုံအခြေခံဥပဒေသည်ပြည်လုံးကျွတ်ဆန္ဒခံယူပွဲတွင်ဆန္ဒမဲပေးပိုင်ခွင့်ရှိသူအာလုံးထက်ဝက်ကျော်ထောက်ခံဆန္ဒမဲဖြင့်အတည်ပြဌာန်းပြီးသည့်နေ့မှစ၍နိုင်ငံတော်တ၀ှမ်းလုံး၌ အာဏာတည်သည်”ဒီပြဌန်းချက်အရဆိုရင် မြန်မာနိုင်ငံလူဦးရေ (၅၄)သန်းမှာမဲပေးပိုင်ခွင့်ရှိသူ (၃၂)သန်းကျော်ရှိတယ်လို့ခန့်မှန်းထားတဲ့အတွက်နအဖအနေနဲ့ဒီဖွဲ့စည်းပုံကိုအတည်ပြုနိုင်ဖို့အတွက်အနည်ဆုံး(၁၆)သန်းကျော်ထောက်ခံမဲရဖို့လိုပါတယ်။
ဒါပေမဲ့ယခု ကျွန်တော်တို့တွေ့မြင်နေရတဲ့ဖွဲ့စည်းပုံအခြေခံဥပဒေမူကြမ်းရဲ့အခန်း(၁၄) ကူးပြောင်းရေးကာလပြဌန်းချက်များပုဒ်မမှာတော့ ဒီလိုပြောင်းလဲသွားပါတော့တယ်၊“ပြည်လုံးကျွတ်ဆန္ဒခံယူပွဲတွင်ဆန္ဒမဲပေးပိုင်ခွင့်ရှိသူအားလုံး၏ ထက်ဝက်ကျော်မဲပေးသည့်ဆန္ဒမဲ၏ မဲအများဖြင့်အတည်ပြုပြဌန်းလိုက်သည့်ဤဖွဲ့စည်းပုံအခြေခံဥပဒေသည်ပြည်ထောင်စုလွှတ်တော်ပထမအကြိမ်အစည်းအဝေးစတင်ကျင်းပသည့်နေ့မှစ၍နိုင်ငံတော်တ၀ှမ်းလုံး၌အာဏာတည်သည်”
ဒီပြဌာန်းချက်အရဆိုရင်နအဖဟာသူ့ရဲ့ဖွဲ့စည်းပုံကိုအတည်ပြုဖို့အတွက်စုစုပေါင်းမဲပေးပိုင်ခွင့်ရှိသူမျာထဲမှ ၅၀%ကျော်ကမဲပေးပြီး အဲဒီထဲကမဲအများစုကိုပဲရဖို့လိုပါတယ်။ မဲပေးခွင့်ရှိသူဦးရေ (၃၂)သန်းရှိတယ်လို့ခန့်မှန်းထားတာမို့ (၁၆)သန်းကျော်ကမဲရုံကိုလာပြီးမဲပေးရင်ဆန္ဒခံယူပွဲအထမြောက်တယ်။ ဒီထဲကမှ (၈)သန်းကျော်ကထောက်ခံမဲပေးရင်သူ့ရဲ့ဖွဲ့စည်းပုံကိုအတည်ပြုတယ်လို့ဆိုပါတယ်။ဒါဟာဖြင့်နအဖအနေနဲ့သူကိုတိုင် (၁၄)နှစ်ကျော်ရေးဆွဲလာခဲ့တဲ့အခြေခံမူကိုဖေါက်ဖျက်လိုက်တာပါပဲ၊ဒါဟာဖြင့်နအဖဟာအမျိုးသာညီလာခံကိုမလွဲမရှောင်သာတက်ရောက်ခဲ့ရတဲ့တိုင်းရင်းသားအပစ်ရပ်အဖွဲ့များကိုအကြီးအကျယ်စော်ကားလိုက်တာပါပဲ၊ဒါဟာဖြင့်နအဖဟာဆန္ဒခံယူပွဲမှာပြည်သူလူထုရဲ့ကန့်ကွက်မှုကိုဘယ်လောက်တောင်ကြောက်ရွံနေတယ်ဆိုတာကိုထုတ်ဖော်ပြသလိုက်တာပါပဲ၊

ကျနော်တို့သတိထားရမဲ့အချက်ကလေးတွေထပ်ရှင်းပြချင်ပါတယ်။ ၁၉၈၈-ခုနှစ်နောက်ပိုင်းဗမာပြည်ကွန်မြူနစ်ပါတီပြိုကွဲပြီးတဲ့နောက် တရုတ်နဲ့နအဖစစ်အုပ်စုဆက်ဆံရေးပြေလည်မှုကြောင့် ယူနန်ပြည်နယ်ကနေတရုတ်တွေမြန်မာနိုင်ငံတွင်းကိုအလုံအရင်းနဲ့ဝင်ရောက်လာခဲ့ကြတာအခုဆို၂သန်းကျော် ၃သန်းလောက်ရှိနေပါပြီ၊ စစ်အစိုရကအထူးအခွင့်အရေးတွေပေးထားလို့စီးပွားဖြစ်ချမ်းသာနေကြတဲ့ဒီတရုတ်တွေဟာမန္တလေး၊လားရိူး၊ကျောက်မဲစတဲ့မန္တလေးတိုင်း၊ ရှမ်ပြည်နယ်၊ ကချင်ပြည်နယ်ဒေသတွေမှာစုဝေးနေထိုင်ကြပြီး နိုင်ငံသားကဒ်သို့ဧည့်နိုင်ငံသားကဒ်တွေကိုင်ထားကြပါတယ်။ အခုနအဖရဲ့ဆန္ဒခံယူပွဲဆိုင်ရာဥပဒေမှာလည်းထူးထူးခြားခြားဧည့်နိုင်ငံသာတွေ၊ယာယီသက်သေခံလက်မှတ်ကိုင်ဆောင်သူတွေကိုမဲပေးခွင့်ပြုထားပါတယ်။ ဒီတရုတ်တွေကနအဖအလိုကျဆန္ဒခံယူပွဲမှာထောက်ခံမဲပေးကြမှာအသေအချာပါပဲ၊ အဲဒီလိုပဲနအဖအလိုကျထောက်ခံမဲပေးကြမဲ့လက်နက်ချတိုင်ရင်သားအဖွဲ့တွေ၊ကိုးကန့်နဲ့‘၀’ဘိန်ဘုရင်တွေကြံ့ဖွံ့တွေစစ်တပ်မိသားစုတွေပေါင်းလိုက်ရင်နအဖဟာဆန္ဒခံယူပွဲကိုအောင်မြင်စွာကျင်းပနိုင်မှာဖြစ်သလိုလိုအပ်တဲ့ထောက်ခံမဲ(၈)သန်းကျော်ကိုလည်းအလွယ်တကူရနိုင်မှာပါ။

ဒီတော့ကျနော်တို့အတွက်ဆန္ဒခံယူပွဲကိုသပိတ်မှောက်ခြင်ဟာရွေးချယ်စရာနည်းလမ်းမဟုတ်ပါ။ ကျနော်တို့လူတွေဆန္ဒခံယူပွဲကိုမသွားလေ၊ နအဖကကြိုက်လေဖြစ်ပါလိမ့်မယ်၊ဆန္ဒခံယူပွဲကိုသွားပြီးကန့်ကွက်မဲပေးခြင်းနဲ့နအဖရဲ့မသမာမှုတွေကိုဖော်ထုတ်ခြင်းကသာ နအဖရဲ့စစ်အာဏာရှင်စနစ်တရားဝင်ပြုရေးစီမံချက်ကိုအကောင်ဆုံးတိုက်ဖျက်နိုင်မှာပါ။

နအဖကတော့ကောက်ကျစ်တဲ့နည်းလမ်းများနဲ့အနိုင်ရဖို့ကြိုးစားမှာပါ၊ဒါပေမဲ့လည်းမဲပေးတဲ့သူများလေလေ၊ကန့်ကွက်မဲပေးသူများလေလေသူ့အတွက်လိမ်ဖို့ခက်လေဖြစ်ပါလိမ့်မယ်။ ပြီးတော့မဲရုံအားလုံးမှာကျနော်တို့ရဲ့ပြည်သူတွေ၊သံဃာတွေကစောင့်ကြပ်ကြည့်ရူနေကြမယ်ဆိုရင် ဆန္ဒခံယူပွဲရဲ့မသမာမှုတွေကိုလည်းဖော်ထုတ်နိုင်မှာပါ၊နောက်ဆုံးနအဖကသူ့ရဲ့ဖွဲ့စည်းပုံကိုအတင်းအဓမ္မအတည်ပြုလိုက်ရင်တောင်မှဆန္ဒခံယူပွဲဟာမတရားလို့၊မမျှတလို့၊ဥပဒေကိုအသိအမှတ်မပြုကြဖို့ဆက်ပြီးတိုက်ပွဲဝင်နိုင်မှာပါ။
တချို့လည်းပြောကြပါတယ်။ လူထုကကန့်ကွက်လို့ဒီဖွဲ့စည်းပုံကိုနအဖကအတည်မပြုနိုင်ရင်လည်း‘တစ်’ကပြန်စလိမ့်မယ်၊အစကပြန်ပြီးရေးဆွဲရင်နောက်ထပ်(၁၄)နှစ်ကြာအုန်းမယ်။ ဒါကြောင့်ဒီဥပဒေကိုပဲလက်ခံအတည်ပြုလိုက်ကြပါစို့လို့စည်းရုံးလူံ့ဆော်နေတာလည်းရှိပါသေးတယ်။ လုံးဝမှားပါတယ်၊ ဒီဖွဲ့စည်းပုံကိုလူထုကကန့်ကွက်တာဟာ (၁)နအဖကတဖက်သတ်ရေးဆွဲထားတာဖြစ်လို့(၂)လူထုကရွေးကောက်ထားတဲ့ ကိုယ်စားလှယ်များမရှိလို့တိုင်းပြည်ရဲ့နိုင်ငံရေး၊စီပွာရေး၊လူမှုရေး၊လူမျိုးစုရေး၊ပြဿနာတွေကိုဖြေရှင်နိုင်စွမ်းမရှိလို့ပါ။ ပြီးတော့လူထုကဖွဲ့စည်းပုံတခုတည်းကိုသာကန့်ကွက်တာမဟုတ်ပါဘူး။နအဖရဲ့စစ်အုပ်စိုးမှုတခုလုံးကိုပါကန့်ကွက်တာပါ၊ဒါကြောင့်နအဖကအဆင့် (၁)က ပြန်စလိမ့်မယ်လို့ယုံကြည်တာမှားပါတယ်။ ပြန်စရင်တောင်မှ အဲဒီလိုပြန်စမှုဟာရွေးကောက်ပွဲအနိုင်ရပါတီလွှတ်တော်ကိုယ်စားလှယ်များ၊တိုင်ရင်းသားကိုယ်စားလှယ်များနဲ့ဆွေးနွေးညိနိူင်းပြီးမှပြန်စတာမျိုးပဲဖြစ်ပါလိမ့်မယ်။တဖက်သတ်ရေးဆွဲးထာတဲ့ဖွဲ့စည်းပုံကိုလူထုကပြတ်ပြတ်သားသားငြင်းပယ်ပြီးတဲ့နောက်နအဖကိုတဖက်သတ်လုပ်ငန်းစဉ်တွေပြန်စဖို့လူထုကရောတိုင်းရင်းသားအဖွဲ့အစည်များကရောနိုင်ငံတကာမိသာစုကြီးကပါခွင့်ပြုမှာမဟုတ်ပါဘူး။

နိဂုံးချုပ်အနေနဲ့ထပ်ပြီးမေတ္တာရပ်ခံချင်ပါတယ်။
ဆန္ဒခံယူပွဲကိုသပိတ်မှောက်ရေးဟာရွေးချယ်စရာနည်းလမ်မဟုတ်တော့ဘူး။ကျနော်တို့အားလုံးတညီတညာတည်းတသံတသံတည်းနဲ့လူထုကို၊၀န်ထမ်းတွေ၊တပ်မတော်သားတွေ၊ တိုင်းရင်းသားတွေ၊ကြံဖွံ့တွေ၊အာလုံးသောလူထုကိုဆန္ဒခံယူပွဲမှာမဲရုံကိုသွားပြီးကန့်ကွက်မဲတွေပေးကြဖို့၊ ပြတ်ပြတ်သားသားလှုံ့ဆော်ကြပါစို့လို့။

လေးစားစွာ

အောင်ဒင်
U.S. Campaign for Burma

မတ်လ ၂၈၊ ၂၀၀၈

Saturday, March 29, 2008

ပြည်ခိုင်ဖြိုး (သို့မဟုတ်) စစ်အာဏာရှင်စံနစ်၏ ဒေါက်တိုင်များ

ဒီမိုကရေစီနှင့် ဖွံ့ဖြိုးတိုးတက်ရေးအင်အားစု (NDD) မှ ထုတ်ဝေသော ပြည်ခိုင်ဖြိုး (သို့မဟုတ်) စစ်အာဏာရှင်စံနစ်၏ ဒေါက်တိုင်များစာအုပ်ကို ဒီနေရာမှာ ဖတ်နိုင်ပါတယ်။

အမျိုးသားဒီမိုကရေစီအဖွဲ့ ချုပ်မှ ပြောရေးဆိုခွင့်ရှိသူ ဦးမြင့်သိန်း ကွယ်လွန်


အမျိုးသားဒီမိုကရေစီအဖွဲ့ချုပ် အဲန်အယ်လ်ဒီ ပါတီရဲ့ ပြောရေးဆိုခွင့်ရှိသူတစ်ဦးဖြစ်တဲ့ ပြည်သူ့လွှတ်တော်ကိုယ်စားလှယ် ဦးမြင့်သိန်းဟာ အစာအိမ် ကင်ဆာနဲ့ စင်ကာပူနိုင်ငံ မတ်လ ၂၈ ရက်နေ့ ည (8 နာရီ 15 မိနစ်)မှာ ကွယ်လွန်သွားခဲ့ပြီလို့ ဦးမြင့်သိန်းရဲ့ သားဖြစ်သူက အဲန်အယ်လ်ဒီ ပါတီ ပြောခွင့်ရပုဂ္ဂိုလ် ဦးဉာဏ်ဝင်းဆီကို ပြောဆိုတယ်လို့ စုံစမ်းသိရှိရပါတယ်။

စင်ကာပူမှာ ဦးမြင့်သိန်းရဲ့ ကျန်းမာရေးကို အနီးကပ် ပြုစုစောင့်ရှောက် ပေးနေသူ တစ်ဦးကလည်း ဦးမြင့်သိန်း ကွယ်လွန်တဲ့အကြောင်းကို ဗီအိုအေကို အတည်ပြုချက် မကြာခင်က ပေးခဲ့ပါသေးတယ်။ ဦးမြင်သိန်းဟာ မွန်ပြည်နယ် ကျိုက်မရောမြို့နယ်က ပြည်သူ့လွှတ်တော် ကိုယ်စားလှယ် တစ်ဦးလည်း ဖြစ်ပါတယ်။

ဦးမြင့်သိန်းဟာ ပြီးခဲ့တဲ့ စက်တင်ဘာလက အဖမ်းအဆီးခံခဲ့ရပြီးတဲ့နောက်ပိုင်း ရောဂါအခြေအနေ ပိုပြီးတော့ ဆိုးရွားလာလို့ စင်ကာပူမှာ ဆေးဝါးကုသခံယူနေတုန်း အခုလို ကွယ်လွန်သွားခဲ့ရတာပါ။ ဦးမြင့်သိန်း ကွယ်လွန်ချိန်မှာ အသက် ၆၂ နှစ် ရှိပါပြီ။ သူ ကွယ်လွန်သွားတာနဲ့ ပတ်သက်ပြီးတော့ အဲန်အယ်လ်ဒီပါတီရဲ့ ပြောရေးဆိုခွင့်ရှိ ဦးဉာဏ်ဝင်းက ဗီအိုအေကို အခုလို မှတ်ချတ်ချ ပြောဆိုပါတယ်။

“ကျနော်တို့ မွန်ပြည်နယ်ပေါ့ဗျာ ကျနော်တို့ အတူတူပေါ့၊ မွန်ပြည်နယ်မှာ တာဝန် ထမ်းဆောင်တဲ့ နေရာမှာ ဦးမြင့်သိန်းက မွန်ပြည်နယ် စည်းရုံးရေးအဖွဲ့ရဲ့ အတွင်းရေးမှူး၊ အဲဒါအပြင်ကို အဖွဲ့ချုပ်ရဲ့ ပြန်ကြားရေးအဖွဲ့ အဖွဲ့ဝင်၊ ဦးမြင့်သိန်းက ကျနော်တို့ အားလုံးထက်ကို အတက်ကြွဆုံး အပင်ပန်း အခံဆုံး ကြိုးစား ဆောင်ရွက်ခဲ့တယ် ဆိုတာကိုတော့ ကျနော်ပြောနိုင်ပါတယ်။ ဆေးပညာနဲ့ ပတ်သက်ပြီးတော့ ကျနော် မှတ်ချက်တော့ မပြုနိုင်ဘူး။ သို့သော် ကျနော် သိသလောက် ပြောရရင် ဦးမြင့်သိန်းက အစာအိမ်နဲ့ပတ်သက်ပြီးတော့ ရှိနေတယ်။

အဲဒီအချိန်မှာ စက်တင်ဘာမှာ ဦးမြင့်သိန်းက ထိန်းသိမ်းခံရတယ်။ တစ်လကျော်ကျော်လောက် ကြာသွားတယ်။ အဲဒီကာလမှာ ထိန်းသိမ်းခံရတဲ့ကာလမှာ သူက သူ့ဝေဒနာတွေက ပိုတက်လာတယ်။ အပြင်ရောက်တော့မှာ သူက ဒါနဲ့ပတ်သက်ပြီးတော့ ဆေးတွေဘာတွေ စစ်လိုက်တဲ့အခါမှာ အစာအိမ်ကင်ဆာ ဆိုတာ သိရတယ်။ ဦးမြင့်သိန်းက ဒီလို အထိန်းသိမ်းမခံရရင် ရောဂါကို ကြိုတင်ကာကွယ်နိုင်မယ်၊ ကြိုတင် ကုသနိုင်မယ်။ ဒီအခြေအနေတွေကို ဦးမြင့်သိန်းက လက်လွှတ်ခဲ့ရတယ်လို့ ကျနော် အဲဒီလိုပဲ နားလည်ပါတယ်။ အထူး ၀ီရိယ ရှိတယ်။ အထူး အရည်အချင်းရှိတဲ့ ပုဂ္ဂိုလ် တစ်ဦး ကျနော်တို့ ဒီလို ဆုံးရှုံးရတာဟာ အဲန်အယ်လ်ဒီပါတီရဲ့ ဆုံးရှုံးမှုကြီး တစ်ရပ်ပဲလို့ ကျနော်တို့ နားလည်ပါတယ်။

ဦးမြင့်သိန်းက ကျနော်တို့ အထွေထွေ အတွင်းရေးမှူး ဒေါ်အောင်ဆန်းစုကြည်နဲ့လည်း မောင်နှမ ကဲ့သို့ ရင်းနှီးပြီးတော့ အဲဒီလို အလုပ်ကို ကြိုးစားပြီးတော့ ဆောင်ရွက်ခဲ့တဲ့ ပုဂ္ဂိုလ်တစ်ဦးလို့ ကျနော် ဒီလို တွေ့ရှိကြောင်း ကိုလည်း ပြောချင်ပါတယ်။ ကျနော် အထူး ၀မ်းနည်းတယ်။ ကျနော် အလွန် စိတ်မကောင်းဖြစ်တယ် ဆိုတာ ပြောချင်ပါတယ်။”

ဦးမြင့်သိန်းဟာ ဦးအောင်ကြည်ရဲ့ သားဖြစ်ပြီး၊ ၁၉၄၇ ခုနှစ်မှာ မွေးဖွားသူ ဖြစ်တယ်။ စစ်ကိုင်းတိုင်း၊ ငါန်းဇွန်မြို့ဇာတိသားလည်း ဖြစ်တယ်။
ဦးမြင့်သိန်းဟာ ၁၉၆၈ ခုနှစ်မှာ စီပွားရေး တက္ကသိုလ်က ဝါဏိဇ္ဇ၊ ဝိဇ္ဇာဘွဲ့ရခဲ့ပြီး၊ ၁၉၇ဝ ပြည့်နှစ်မှာ သမ ဝါယမ ဝန်ကြီး ဌာနမှာ အလုပ် ဝင်ရောက် လုပ်ကိုင် ခဲ့တယ်။ သထုံ၊ မတ္တရာ၊ ဆီဆိုင်၊ တောင်ကြီး၊ ဘုတလင်၊ ဆိပ်ကမ်း၊ ရန်ကုန် ရုံးချုပ်နဲ့ ကျိုက်မရော မြို့တို့မှာ သမ ဝါယမ ဦးစီး ဌာန၊ မြို့နယ် ဦးစီးမှူး စတဲ့ တာဝန် တွေကို ထမ်းဆောင် ခဲ့တယ်။ ၁၉၈၉ ခုနှစ်၊ ဖေဖော်ဝါရီ လမှာ အငြိမ်းစား ယူခဲ့သူ ဖြစ်တယ်။

Friday, March 28, 2008

ဒီချုပ်လူငယ်များက ကန့်ကွက်မဲပေးရန် NO လှုပ်ရှားမှု စတင်


ဓာတ်ပုံ ။ ။ citizen journalist

နယူးဒေလီ။ ။ နအဖ ၏ လူထုဆန္ဒခံယူပွဲတွင် ကန့်ကွက်မဲပေးရေး NO လှုပ်ရှားမှုတရပ်ကို အမျိုးသား ဒီမိုကရေစီအဖွဲ့ချုပ် လူငယ်များက ယနေ့ (တော်လှန်ရေးနေ့) ၌ ရုံးချုပ်ရှေ့တွင် လုပ်ဆောင်ခဲ့ကြသည်။

အဖွဲ့ချုပ်လူငယ် ၂ဝ ကျော်က NO တံဆိပ် ကပ်ထားသည့် တီရှပ် အဖြူ၊ အပြာ၊ အနီ တို့ကို ဝတ်ဆင်ကာ ၆၃ နှစ်မြောက် တော်လှန်ရေးနေ့ အခမ်းအနား မစတင်ခင် ရန်ကုန်တိုင်း ဗဟန်းမြို့နယ် ရွှေဂုံတိုင်လမ်းရှိ ရုံးချုပ်ရှေ့တွင် ဆန္ဒ ဖော်ထုတ်ခဲ့ကြခြင်း ဖြစ်သည်။


"ရှပ်အဖြူ၊ အနီ၊ အပြာတွေမှာ NO စာလုံးရေးထားပြီး အပေါ်မှာက ' ပြတ်ပြတ်သားသား ဆန့်ကျင်ကြ' စာတန်း ကပ်ထားတဲ့ ရှပ်တွေကို ဝတ်ပြီးတော့ ဖက်ဆစ် တော်လှန်ရေးအလံတွေ ကိုင်ပြီးတော့ ဒေါ်အောင်ဆန်းစုကြည် လွတ်မြောက်ရေး၊ နိုင်ငံရေး အကျဉ်းသားများ လွတ်မြောက်ရေးတွေ၊ ကမ္ဘာမကြေ သီချင်းဆိုတယ်။ နောက်ပြီး လူထု ဆန္ဒခံယူပွဲအလိုမရှိ ဆိုပြီး အော်ကြတာပေါ့ ' ဟု အဖွဲ့ချုပ်လူငယ်တဦးက မဇ္ဈိမကို ပြောသည်။

အဖွဲ့ချုပ်လူငယ်များက တနာရီကြာမျှ ကြွေးကြော်သံများ ဟစ်အော်ခဲ့ကြသည်။

ကြံ့ဖွံ့နှင့် အထူး ရဲသတင်းတပ်ဖွဲ့ဝင်အချို့ လာရောက်ကာ ဓာတ်ပုံရိုက် သတင်း ယူခဲ့ကြသော်လည်း တစုံတရာ နှောင့်ယှက်ခြင်း မရှိခဲ့ကြောင်းနှင့် "ဒါကတော့ အဖွဲ့ချုပ် လူငယ်တွေရဲ့ ကိုယ့်ဆန္ဒကို ကိုယ်ထုတ်ဖော်တာ။ လာကြည့်တဲ့ ပြည်သူလူထုတွေမှာလည်း တစုံတရာ မက်ဆေ့ခ်ျတော့ ရသွားမှာပေါ့" ဟု ဟု အဆိုပါ လူငယ်က ပြောသည်။

အမျိုးသား ဒီမိုကရေစီအဖွဲ့ချုပ်က ကျင်းပသည့် တော်လှန်ရေးနေ့ အခမ်းအနားတွင်မူ နဝတ၏ ပြည်သူ့လွှတ်တော် ခေါ်ယူပေးရေး ကတိကဝတ်များ ဖြစ်သည့် ၁၉၈၉ ရွေးကောက်ပွဲဥပဒေပုဒ်မ (၃) နှင့် ၁၊၉ဝ ကြေညာချက် အပိုဒ် ၁၂ တို့နှင့်အညီ နအဖ ကိုယ်တိုင်က ပြည်သူ့လွှတ်တော် ခေါ်ယူပေးရေးကို တောင်းဆိုခဲ့သည်။

ထို့အပြင် ၈၈ မျိုးဆက် ကျောင်းသားခေါင်းဆောင်များ၊ သံဃာတော်များနှင့် နိုင်ငံရေးအကျဉ်းသားများ အားလုံးကို ပြန်လွှတ်ပေးရေး၊ နှစ်ရှည် ထောင်ဒဏ်ကျခံနေရသည့် ရှမ်းဒီချုပ်ပါတီ ဥက္ကဋ္ဌ ဦးခွန်ထွန်းဦးအပါအဝင် ရှမ်းခေါင်းဆောင်များကို ချွင်းချက်မရှိ ပြန်လွှတ်ပေးရန် နအဖကို တောင်းဆိုခဲ့ကြသေးသည်။

သည့်နောက် မြို့နယ်များရှိ အဖွဲ့ချုပ် စည်းရုံးရေးအဖွဲ့ဝင်များ၏ ရုံးခန်းများကို ချိတ်ပိတ်ထားခြင်းမှ ပြန်ဖွင့်ပေးပြီး စည်းရုံး လှုပ်ရှားခွင့်များ ပြန်ပေးရန်နှင့် ၉ဝ ရွေးကောက်ပွဲတွင် ပါဝင်ခဲ့ကြသည့် နိုင်ငံရေးပါတီများကို မှတ်ပုံတင်အသစ် ထုတ်ပေးပြီး စည်းရုံး လှုပ်ရှားခွင့် ပြန်ပေးရန်လည်း တောင်းဆိုခဲ့သည်။

အခမ်းအနားသို့ ဝါရင့် နိုင်ငံရေးသမားများနှင့် နိုင်ငံခြားသံရုံးများမှ သံတမန်များ အပါအဝင် လူဦးရေ ၅ဝဝ ကျော် တက်ရောက်ခဲ့ကြပြီး အခန်းအနားအပြီး အဖွဲ့ချုပ် လူငယ်များက အိန္ဒိယရောက် မြန်မာ့ ဒီမိုကရေစီအင်အားစုများ ရေးသားတင်ဆက်သည့် ဘုန်းဘုန်းချမှ လုံးလုံးရမယ် တိုက်ပွဲခေါ် မြန်မာ့ရိုးရာ အတာသင်္ကြန် သံချပ်များမှ နှစ်သက်ရာ သီချင်းများကို သံချပ်ထိုးကာ နအဖ အစိုးရ၏ ချို့ယွင်းချက်များကို ဝေဖန်ခဲ့ကြသည်။

source။ ။ မဇ္ဈိမ

တပ်ချုပ်ကြီး လိမ်ညာနေဟု အတိုက်အခံများ တုံ့ပြန်


ဗိုလ်ချုပ်မှူးကြီးသန်းရွှေက လာမယ့် ၂၀၁၀ ခုနှစ်ကျရင် အရပ်သားအစိုးရကို အာဏာလွှဲပေးမယ်လို့ ဒီနေ့ ပြောဆိုခဲ့တာနဲ့ပတ်သက်ပြီး ဝေဖန်သံတွေ မျိုးစုံထွက်နေပါတယ်။ ဒီနေ့ မြန်မာပြည်တွင်း နိုင်ငံရေးလောကသားတွေဘက်က ဗိုလ်ချုပ်မှူးကြီးသန်းရွှေက အာဏာလွှဲပေးမယ်ဆိုတဲ့ကိစ္စအပေါ် ဘယ်လိုဝေဖန်မှုတွေ ရှိနေတယ်ဆိုတာ ထိုင်းအခြေစိုက် ဗွီအိုအေမြန်မာပိုင်း သတင်းထောက် မအေးအေးမာက တင်ပြပေးထားပါတယ်။


မြန်မာစစ်အစိုးရအကြီးအကဲ ဗိုလ်ချုပ်မှူးကြီးသန်းရွှေရဲ့ ပြောကြားချက်နဲ့ပတ်သက်ပြီး အမျိုးသားဒီမိုကရေစီအဖွဲ့ချုပ်ကတော့ ယုံကြည်ရခက်တဲ့အကြောင်း အထောက်အထားတွေနဲ့ ပြောလာပါတယ်။ အမျိုးသားဒီမိုကရေစီအဖွဲ့ချုပ် ပြောရေးဆိုခွင့်ရှိသူ ဦးဉာဏ်ဝင်းက …
“ဒီပြောကြားချက်နဲ့ပတ်သက်ပြီး အချက်နှစ်ချက်ပြောချင်တယ်။ ပထမတချက်က ဒါဟာ ဘာမှသိပ်မထူးဆန်းဘူးလို့ ပြောချင်တယ်။ ဘာကိုမူတည်လဲဆိုတော့ ၂၀၁၀ မှာ ရွေးကောက်ပွဲလုပ်မယ်လို့ ကြေညာထားတယ်။ ရွေးကောက်ပွဲကျင်းပလို့ရှိရင် ကျင့်စဉ်အရ အာဏာလွှဲပေးရမှာပဲ။ ဒါကြောင့် ဒါ သိပ်မထူးဆန်းဘူးလို့။ ဒုတိယတချက်အနေနဲ့ ကျနော်တို့ ယုံကြည်ရခက်ပါတယ်။ န၀တဥက္ကဋ္ဌတုန်းကလည်း ဒီလိုပဲပြောခဲ့တယ်။ န၀တဥက္ကဋ္ဌပြောခဲ့တာလည်း ယနေ့ထိ အကောင်အထည်မပေါ်သေးဘူး။ ဒါကြောင့် အခုတခါထပ်ပြောတော့ ကျနော်တို့ ယုံကြည်ဖုိ့ မဖြစ်နိုင်ဘူးလို့ပဲ ပြောချင်ပါတယ်။”

စက်တင်ဘာလှုပ်ရှားမှုကြီးအတွင်း ပါဝင်ခဲ့တဲ့ ကံ့ကော်တောကျောင်းဆရာတော် ဦးပညာသာမိကလည်း သူ့အနေနဲ့ မယုံကြည်တဲ့အကြောင်း အခုလိုပြောပါတယ်။
“ဦးဇင်းတို့အနေနဲ့ လုံးဝကို အယုံအကြည်မရှိပါဘူး။ ဘာဖြစ်လို့လဲဆိုတော့ ၁၉၉၀ ပြည့်နှစ်ရွေးကောက်ပွဲမှာ အနိုင်ရခဲ့တဲ့ အန်န်အယ်လ်ဒီပါတီကို အာဏာလွှဲပြောင်း ပေးမယ်ဆိုပြီး သူတို့ပြောခဲ့တာရှိတယ်။ ဒါပေမယ့် အဲဒီကိစ္စကို ယနေ့ထက်ထိ အကောင်အထည်မဖော်ရုံတင်မက အာဏာကို မလွှဲပြောင်းပေးဘဲနဲ့ အန်န်အယ်လ်ဒီပါတီကိုတောင်မှ အသိအမှတ်ပြုတဲ့ပါတီအဖြစ် သတ်မှတ်တာမရှိဘူး။”

ရခိုင်အမျိုးသားဒီမိုကရေစီအဖွဲ့ချုပ် ခေါင်းဆောင်တဦးဖြစ်တဲ့ ဦးထွန်းဝင်းကလည်း အခုလိုပြောပါတယ်။
“ဦးတို့အနေနဲ့ လုံးဝမယုံကြည်ပါဘူး။ အခုဆိုရင် သူတို့လိမ်နေတာ အနှစ် ၂၀ နီးပါးရှိပါပြီ။ စောစောက ရွေးကောက်ပွဲအပြီးမှာ ဗိုလ်ချုပ်မှူးကြီးစောမောင်က ပြောခဲ့ပါတယ်၊ ရွေးကောက်ပွဲပြီးရင် စစ်တပ်က စစ်တန်းလျားကိုပြန်မယ်လို့ ပြောခဲ့ပါတယ်။ အဲဒီပုဂ္ဂိုလ်လည်း မရှိတော့ပါဘူး။ သူ့ကိုဆက်ခံတဲ့ပုဂ္ဂိုလ်ကလည်း ၉၀ ခုနှစ်ရွေးကောက်ပွဲကို မသိချင်ယောင်ဆောင်ပြီး အမျိုးသားညီလာခံကို သူတို့စိတ်ကြိုက် လူတွေခေါ်ပြီးတော့လုပ်တယ်။ သူတို့ပြောတဲ့စကားကို သူတို့ပယ်ဖျက်တယ်။”
ဗိုလ်ချုပ်မှူးကြီးသန်းရွှေရဲ့ မတ်လ ၂၇ ရက်နေ့မိန့်ခွန်းနဲ့ပတ်သက်ပြီး မြန်မာ့ဒီမိုကရေစီရေး လိုလားသူတွေကတော့ ဗိုလ်ချုပ်မှူးကြီးရဲ့ ပြောကြားချက်တွေကို အယုံအကြည်မရှိတဲ့အကြောင်း ပြောဆိုနေကြပါတယ်။

တောသားကြေညာစာတမ်း

သွားလေရာရာ
ဝါ၀ါ မည်းမည်း ဖြူဖြူ
လူတွေ လူတွေ
လူတွေ အမျိုးမျိုး။

တွေ့ရသမျ
၀၀ ဖြိုးဖြိုး၊ ပြုံးပြုံးရွှင်ရွှင်
မြင်ရင် ‘ဟိုင်း’ ‘ဟောင်း’နဲ့
ခေါင်းညိတ်ကြ၊ ပြုံးပြကြ
ခွေးကရှေ့ကပြေး၊ ကြောင်လေးကို ပခုံးပေါ်တင်
လူတင် မကပါဘူး
ခွေးကလဲ ၀၊ ကြောင်ကလဲ ၀လို့မို့
ခွေးကလဲ မစင်မနမ်း
ကြောင်ကလဲ ကြက်ကိုမဖမ်းဘူး
ငြိမ်းချမ်းရေးဟာ ‘ဗိုက်’ ပေါ်မှာ တည်ရော့ထင်
‘အရိုက်’ပေါ်မှာ မတည်၊ ‘အကိုက်’ပေါ်မှာလဲမတည်
‘အမိုက်’ပေါ်မှာလဲ မတည်၊ ‘အတိုက်’ပေါ်မှာလဲ မတည်ဘူး
ကြိုက်သော်ရှိ၊ မကြိုက်သော်ရှိ
စရိုက်ပျော်ဘိသနဲ့ အမေရိကန်။

ပြည်ထောင်စုက ငါးဆယ်
လူမျိုးကြီးငယ် ရာထောင်မက
ဘုရားကလဲ စုံ၊ တရားကလဲ စုံ
စကားကလဲ စုံ၊ အစားကလဲ စုံ
ဆူးပုံ သဲပုံ က၊ ရေခဲပုံ ရွှေမည်းပုံ အထိ
ရေအစုံ မြေအစုံ၊ အမွေစုံ
စုံလဲ စုံပါဘိ၊
စုံပေသည့်လဲ၊ အချင်းမများဘူး
အချင်းများရင်လဲ၊ သတင်းသမားတွေက
မင်းလားဟဲ့ ရှုပ်ချင် ပြန်သလားဆိုပြီး
ရုပ်မြင်သံကြားမှာ
ဆိုင်ရာ ပိုင်ရာ ‘ကညော့’တဲ့ပြီး
‘ဒိုင်ရာလော့’မှဖြင့်
‘ဒိုင်ရာနာ’အလား၊ ပြေးပေါက်မှားလိမ့်မယ်။

ဒါ အမေရိကား
ကိုယ့်လမ်း ကိုယ်သွားကြစတမ်း
အလကား လာပြီး ရှုပ်ရှုပ်ရှုက်ရှုက်နဲ့
‘ရုဒ်မက်’ဆိုတဲ့၊ ဗယုတ်ဗယက်တွေလဲ မရှိဘူး။

အကျိုးမများဘဲ ပလီပလာ အကြံနဲ့
အမျိုးသားညီလာခံလဲ မရှိဘူး။
လော်မာသရဲပြီး၊ ပေါ်တာ ဆွဲတာလဲ မရှိဘူး။
စပျစ်ဝိုင်ကလပ်နဲ့၊ ‘ခေတ်ပြိုင်’ဖတ်လဲ
ဖတ်သာဖတ်၊ ဖတ်ရုံနဲ့တော့ မဖမ်းဘူး။
တို့များကို မငြိမ်သက်နဲ့
ဇိမ်ပျက်အောင် ကလိမ်ကလက်
အိမ်ဖျက်တာလဲ မရှိဘူး။

‘ဘွတ်ရှ် ’ကိုပဲဆဲဆဲ၊ ‘ဘလဲယား’ကိုပဲ ချဲချဲ
ချဲတဲ့ ငနဲတသိုက်ကို၊ အကဲ အမိုက်ဆိုပြီး
ရဲလိုက်လိမ့်မယ် မထင်လေနဲ့
မလိုက်ဘူး။

ကနေဒီကို ကြိုက်ကြိုက်၊ ကယ်ရီကိုပဲ ကြိုက်ကြိုက်
‘ဒီမို’ကိုပဲ ကြိုက်ကြိုက်၊ ‘ဟိုမို’ကိုပဲ ကြိုက်ကြိုက်
မိန်းမချင်းကိုပဲ ကြိုက်ကြိုက်၊ ယောကျာ်းချင်းကိုပဲ ကြိုက်ကြိုက်
ကြိုက်ချင်ရာကြိုက်၊ မကြိုက်ချင်ရာ မကြိုက်နဲ့
မကြိုက်တာကို မကြိုက်လို့ ဗြောင်ငြင်းလဲ
ထောင် မသွင်းပါဘူး။

တောင်တွင်းက အောင်သင်းပဲ ဟော ဟော
အောင်ဝေးဆိုတဲ့ ကောင်လေးပဲ ပြော ပြော
ဟောချင်တာကို ဟော၊ ပြောချင်တာကို ပြော
မမောသမျ ဟောကြ ပြောကြပေရော့
သဘောမကျလို့၊ ဒေါသဖြစ်ရင်လဲ
စစ်ဗိုလ်ချင်း ကြက်ခွပ်ခိုင်းကွဲ့
ရိုင်းတယ်လို့မရှိ ။
ကလောင်နဲ့ ကလော် ကလော်
ကာတွန်းနဲ့ ကလိကလိ
ရိချင်တိုင်း ရိလို့ ရသဗျား။

ဒီနယ် ဒီအရပ်မှာ
တပ်မတော်သားဆိုပြီး
အရပ်စော်ကားလို့တော့ မရဘူး။

သေနတ်ဆွဲပြီး၊ ပါးစပ်ပြဲတိုင်း
အရပ်ဆဲလို့လဲ မရဘူး။

သေနတ်ထောင်ပြီး
အရပ် လှောင်ချင်လို့လဲ မရဘူး။
သေနတ်နဲ့ ချိန်ပြီး
အရပ် နှိမ်ချင်လို့လဲ မရဘူး။

မင့်ဘာသာ စစ်သား ဖြစ်ဖြစ်
မင့်ဘာသာ အလစ်သမား ဖြစ်ဖြစ်
အယစ်သမားဖြစ်ရင်လဲ လေမသန်အောင်
‘သေနံ့’တဟောင်ဟောင် ထွက်ရုံနဲ့ပဲ
လမ်းမမှာ မဆဲခင်
ဖမ်းကြတော့မှာပါပဲ။

မူးရင်ပဲ မောင်းမောင်း၊ မောင်းရင်ပဲ မူးမူး
ဗိုလ်မှူးသားလဲ မရဘူး၊ ဗိုလ်ရူးသားလဲ မရဘူး
မူးလို့ကတော့ မူးသူဟာ ထောင်ဒဏ် ငွေဒဏ်ပေါ့
ဒဏ်ပေးရင်လဲ အကြေးအဖြစ်
ဈေးဆစ်လို့ဖြင့် မရပေဘူး။
ဗမာမှာ အရပ်ဂျပိုးတွေလို
အသပြာ လပ်ထိုးလို့လဲ မရပေဘူး။
သေနတ် မိုးလို့လဲ မရပေဘူး။

အမေရိကန်ပါတဲ့
အဖေပေတည့် မခံဘူး။

သူအဖေ သူအဖိုးဆိုပြီး
ဥပဒေ နှစ်မျိုးမရှိဘူး။

ဓနရှင် အရင်းများသူတွေက
ဘ၀ရှင်မင်းတရားတွေလို မရိုင်းဘူး။

ဧကရာဇ်ပဲ ဖြစ်ဖြစ်၊ ပဒေသရာဇ်ပဲ ဖြစ်ဖြစ်
ဘုံဝါဒပဲ ဖြစ်ဖြစ်၊ အစုံဝါဒပဲ ဖြစ်ဖြစ်
ဖြစ်ချင်ရာ ဖြစ်ကြစမ်း
ဟစ်ချင်ရာ ဟစ်ရရင် ကြိုက်မယ်
ပစ်ချင်ရာ ပစ်ရင် မကြိုက်ဘူး
ချစ်ချင်ရာ ချစ်ခွင့်ကို ပေးပါလော့။
ဗဟုဝါဒမှာ၊ ဘသူ့ ဘာကမှ မထိပါးရင်
ငါ ဒီမိုကရေစီ ဆိုပါတော့
ငါ ကြည်ညိုပေပြီ မှတ်စို့၊ အရပ်တို့။ ။

မောင်စွမ်းရည်
မေ ၂၈၊ ၂၀၀၄

Thursday, March 27, 2008

မြေအောက်လှုပ်ရှားမှုကို ၈၈မျိုးဆက် ဆက်လက်လုပ်ဆောင်မည်

တချို့ ခေါင်းဆောင်တွေ အဖမ်းခံရပြီး တချို့ ခေါင်းဆောင်တွေ တိမ်းရှောင်နေ နေရပေ မဲ့ လည်း မြေအောက် လှုပ်ရှားမှုကို ဆက်လက် လုပ်ဆောင် သွားမယ်လို့ ၈၈ မျိုးဆက် ကျောင်းသားခေါင်းဆောင်တွေက ထုတ်ဖော် ပြောကြားလိုက်ပါတယ်။မြန်မာ နိုင်ငံ တွင်း လျှို့ဝှက် လှုပ်ရှားနေတဲ့ ၈၈ မျိုးဆက်ကျောင်းသားခေါင်းဆောငိ တဦးဖြစ်သူ ကိုထွန်းမြင့်အောင်က ဗန်ကောက် အခြေစိုက် အေအက်ဖ်ပီ သတင်းဌာန ရဲ့ ဆက်သွယ်မေးမြန်းချက်ကို မြန်မာနိုင်ငံတွင်း တနေရာက တယ်လီဖုန်းနဲ့ ဖြေကြားရာမှာ အခုလို ပြောဆိုလိုက်တာပါ။

မိမိတို့ပြောကြားလိုတဲ့ သတင်းစကားတွေ ၊ အကြောင်းအရာတွေကို စာရွက်စာတမ်းတွေ။တီရှပ်တွေ၊အီးမေး တွေက တဆင့် လူထုထဲရောက်အောင် ဖြန့်ချီနေတယ်လို့လည်းသူကပြောဆိုပါတယ်၊လူထုကြားထဲလူထုကြားထဲ စကားပြောခွင့် မရပေမဲ့ ဗွီဒီယို ရိုက်ကူးပြီး စီဒီခွေတွေနဲ့ ဖြန့် ချီနေတယ်လို့လည်းဆိုပါတယ်။

လာမဲ့ ဆန္ဒခံယူပွဲမှာ လူထု အနေနဲ့ မဲရုံကိုသွားရောက်ပြီးရဲရဲဝံ့ဝံ့ ကန့်ကွက်မဲပေးဘို့နှိုးဆော်နေကြောင်းလည်း ကိုထွန်းမြင့်အောင်က အေအက်ဖ်ပီ သတင်းဌာန ကိုပြောဆို ပါတယ်၊ ကန့်ကွက်မဲပေးခြင်းအားဖြင့် အာဏာပိုင်တွေ အနေနဲ့ ပြည်သူလူထုကို ဖမ်းဆီးခွင့် မရှိကြောင်း လည်း သူကပြောဆိုပါတယ်။
ဒီအတော အတွင်း ၂၆ ရက်နေ့ နေ့စွဲနဲ့၈၈ မျိုးဆက်ကျောင်းသားများ အဖွဲ့နဲ့ မြန်မာနိုင်ငံလုံး ဆိုင်ရာ သံယာ့ တပ်ပေါင်းစု တို့က ပူးတွဲကြေညာချက် တစောင်ထုတ်ပြန်လိုက် ပါ တယ်၊ အဲ့ ဒိကြေညာချက် မှာ မြန်မာနိုင်ငံ ဆိုင်ရာ ကုလသမဂ္ဂ အထူးကိုယ်စားလှယ် မစ္စတာ ဂမ်ဘာရီ အနေနဲ့ သူ့ရဲ့ခရီးစဉ်နဲ့ ပတ်သက်လို့လုံခြုံ့ရေးကောင်စီကို မတ်လ ၁၈ ရက်နေ့ က အစီရင်ခံ စာတင်သွင်းရာမှာ ပကတိ အခြေအနေမှန်အတိုင်း လုပ်ငန်းစဉ် မအောင်မြင်ကြောင်း တင်ပြရမဲ့ အစား လုံခြုံ့ရေးကောင်စီကို လမ်းကြောင်း သွေဖီစေပြီး စစ် အစိုးရ အပေါ် သက်သက် ညှာညှာ သဘောထား၊ ထားရှိစေခဲ့ကြောင်း၊ ဒီအတွက် မစ္စတာ ဂမ်ဘာရီရဲ့ လုပ်ရပ်ကို ကန့်ကွက်ကြောင်း ဖော် ပြထားပါတယ်။
ဒါ့ အပြင်၊ ကုလသမဂ္ဂ လုံခြုံရေးကောင်စီ အနေ နဲ့မြန်မာနိုင်ငံနဲ့ ပတ်သက်လို့ ထိရောက်တဲ့ အရေးယူ ဆောင်ရွက်မှုတွေ မလုပ်ဆောင်နိုင်ခြင်းအပေါ်လည်း စိတ်ပျက်မိကြောင်း ဖော်ပြထားပြီး၊ အတွင်းရေးမှူးချုပ် ဘန်ကီမွန်းအနေနဲ့ လုံခြုံ့ရေးကောင်စီ ကို မြန်မာနိုင်ငံနဲ့ ပတ်သက်ပြီး မလိုက်နာမနေရ လိုက်နာရမဲ့ ဆုံးဖြတ်ချက်တွေ ချမှတ်ပေးဘို့တောင်းဆိုခြင်းမရှိတာကိုလည်း စိတ်ပျက်လက်ပျက်ဖြစ်ရကြောင်း ဖော်ပြပါရှိပါတယ်။
source ။ ။ rfa

ကိုကျော်ကိုကို၏ ကျန်းမာရေးနှင့် သက်ဆိုင်သော ဗကသ၏ ကြေညာချက်





Wednesday, March 26, 2008

Walk On


ပေးပို့သူ။ ။ABSDF ရဲဘော်ဟောင်းတဦး

Say NO to Beijing Olympics 2008


Graphic Design - ကိုမျိုး

နအဖ ဆန္ဒခံယူပွဲ သို့ ကန့်ကွက်မဲ သွားပေးစို့


Tuesday, March 25, 2008

တရုပ်အိုလံပစ်ကော်မတီ ဥက္ကဌ စကားပြောနေစဉ် ကန့်ကွက်ဆန္ဒပြခြင်း




တရုပ်အိုလံပစ်ကော်မတီ ဥက္ကဌ စကားပြောနေစဉ်မှာ ကန့် ကွက် ဆန္ဒပြသူတဦးက ပြေးဝင်လာပြီး ပီကင်းအိုလံ ပစ်ကို ကန့် ကွက်ရှုတ်ချနေစဉ် ပီကင်းရုပ်မြင်သံကြားအစီအစဉ်တွေမှာ ဒီဆန္ဒပြပွဲမြင်ကွင်းကို ဖေါ်ပြမသွားပဲ ဆင်ဆာ လုပ်လိုက်ကြောင်းကြားသိရပါသည်။

ဂျပန်နိုင်ငံတွင် အခြေခံဥပဒေကို ကန့်ကွက်ရန် တောင်းဆို

၂၀၀၈ ခုနှစ် မတ်လ၂၃ ၇က်နေ့ ဂျပန်နိုင်ငံ နဂိုယာမြို့တွင် မြန်မာ့ဒီမိုကရေစီအရေး လိုလားသူမြန်မာများ မှဦးဆောင်ကာ sign campaign တရပ်ကို ကျင်းပပါသည်။

ဂျပန်နိုင်ငံ အစိုးရအနေဖြင့် မြန်မာနိုင်ငံ စစ်အစိုးရ စိတ်ကြိုက် ရေးဆွဲသော အခြေခံဥပဒေကို ကန့်ကွက်ရန် တောင်းဆို ခြင်းဖြစ်သည်။ဂျပန်ပြည်သူများထံမှ လက်မှတ်ကိုစုဆောင်းကာ ဂျပန်နိုင်ငံ နိုင်ငံခြားရေးဌာန သို့ပေးပို့ရန် ဖြစ်ကြောင်းသိရှိရသည်။

Monday, March 24, 2008


From - Irrawaddy

Sunday, March 23, 2008

လူထုကို နှိမ်နင်းရန် နအဖ၏ အစီအစဉ်များ




ပြည်သူ့ဆန္ဒခံယူပွဲနဲ့ ပတ်သက်ပြီး ပြည်သူတွေ ဒွိဟဖြစ်နေ


စစ်အစိုးရ ကျင်းပမဲ့ ပြည်သူ့ဆန္ဒခံယူပွဲနဲ့ ပတ်သက်ပြီး ဆန္ဒမဲ ပေးသင့်၊ မပေးသင့် ပြည်သူတွေ ဒွိဟဖြစ်နေကြပြီး အင်အယ်လ်ဒီ၊ အမျိုးသားဒီမိုကရေစီအဖွဲ့ချုပ်အဖွဲ့ဝင်တွေဖြစ်တဲ့ ပြည်သူ့လွှတ်တော် ကိုယ်စားလှယ်တွေကို လာရောက်အကြံတောင်း မေးမြန်းကြတာတွေရှိကြောင်း သိရပါတယ်။
တချို့ကတော့ မိမိတို့ရဲ့ ဆန္ဒအမှန်ကို ဖော်ထုတ်ပြီး မဲသွားပေးဖို့အကြံပြုပေမဲ့ တချို့ကတော့ ဒီလို အကြံပြုဖို့အတွက် အင်အယ်လ်ဒီ၊ အမျိုးသားဒီမိုကရေစီအဖွဲ့ချုပ်ဗဟိုရဲ့ ညွှန်ကြားချက်ကို စောင့်ဆိုင်းနေကြောင်း ပြောဆိုပါတယ်။

အင်အယ်လ်ဒီ၊ အမျိုးသားဒီမိုကရေစီအဖွဲ့ချုပ်ကလည်း ဒီကိစ္စနဲ့ပတ်သက်ပြီး မကြာခင်မှာ ညွှန်ကြားချက် ထုတ်ပြန်ဖို့ရှိတယ်လို့လည်း သိရပါတယ်။ ဦးဘအောင်က ဆက်သွယ်မေးမြန်းထားတာကို အောက်တွင် နားဆင်နိုင်ပါတယ်။

source ၊ ၊ R F A

Saturday, March 22, 2008

သခင်ကိုယ်တော်မှိုင်း (သို့) ငြိမ်းချမ်းရေးကလောင်


ဆရာကြီးမှိုင်းကို အဖဦးစံဒွန်း နှင့် အမိဒေါ်အုန်း တို့မှ ၁၈၇၆၊ မတ်လ (၂၃) ရက်နေ့မှာ ဖွားမြင်ခဲ့ပါတယ်။ မြန်မာ(ကောဇာ)သက္ကရာဇ် အားဖြင့် ၁၂၃၇၊ တပေါင်းလပြည့်ကျော် (၁၄) ရက်၊ ကြာသပတေးနေ့ပါ။ ငယ်ငယ်က မောင်လွမ်းမောင် ရယ်လို့ ခေါ်ဆိုကြပြီး၊ ကျီးသဲလေးထပ် ဆရာတော်ကြီးရဲ့ တပည့်ရင်းလို့ ဆိုနိုင်ပါတယ်။ ကုန်းဘောင်ခေတ်နှောင်းရဲ့ အဘိုးမဖြတ်နိုင်တဲ့ ပညာမွေတွေကိုတော့ နာမည်ကျော် မန္တလေးမြို့မြတောင်ကျောင်းတိုက်မှာ ဆည်းပူးခဲ့တာပါ။ အရွယ်က ၇နှစ်၊ ဘွဲ့တော်က ပဏ္ဍိတ။ ဘွဲ့တော်နှင့်လိုက်အောင်လည်း နောင်တချိန် “ပဏ္ဍိတ” ဖြစ်လာခဲ့သူပါ။

ဘ၀ရဲ့အချိုးအဆစ် တခုအဖြစ် ၁၈၈၅ခု၊ နိုဝင်ဘာလ ၂၉ ရက်နေ့ မှာ သီပေါဘုရင်နှင့် အလယ်စုဖုရား ပါတော်မူတာကို စာတော်ဝန်ဦးခဲ ကျောင်းပေါ်မှ တွေ့ခဲ့ရတယ်လို့ အဆိုလေးလည်းရှိပါတယ်။ အစိုးရက စစ်တဲ့ ၇တန်းစာမေးပွဲကိုအသက် ၂၂ နှစ်မှာအောင်မြင်ခဲ့ပြီး မော်လမြိုင်မြို့ မြန်မာတိုင်း သတင်းစာမှာ ပဏ္ဍိတလေး ဆိုတဲ့ကလောင်အမည်နှင့် စာပေဘ၀ စတင်ခဲ့ပါတယ်။ ရန်ကုန်ကို ရောက်ပြီး စာပြင်ဆရာလေးအဖြစ် ဘ၀ဖြတ်သန်းတော့အသက် ၂၄နှစ် ရှိပါပြီ။ ၁၉၀၃ခုနှစ်မှာ ပွဲစားကြီး ဦးနုရဲ့သမီး မရှင်နှင့်အကြောင်းပါပြီး အိမ်ထောင်စတင် တည်ထောင်ခဲ့ပါတယ်။ နောက်တော့ ရန်ကုန်သတင်းစာမှာ ဇာတ်စာတွေရေးရာက နာမည်ရလာကာ မော်လမြိုင် မြန်မာတိုင်း သတင်းစာမှာ အယ်ဒီတာ ဖြစ်လာပါပြီး မောင်သမာဓိ ဆိုတဲ့ ကလောင်သစ်နှင့် လက်စွမ်းပြခဲ့ပါတယ်။

၁၉၀၅ခုနှစ်မှာ မောင်လွမ်းမောင် ရဲ့စာပေစာမျက်နှာသစ် ပွင့်လာခဲ့ပါတယ်။ အဲဒါကတော့ မော်လမြိုင်ရာဇ၀င် ကို ရွှေတောင်မောင်လွမ်း အနေနှင့်ထုတ်ဝေနိုင်ခဲ့လို့ပါ။ ကဗျာသာရမဉ္ဇူ နှင့် ပရမတ္တသံခိပ်အဖြေ(ဒုတွဲ) ဆိုသည့် ကျမ်းကြီးနှစ်ဆောင် ကို ပြုစုရေးသားခဲ့တာလည်း ဒီကလောင်နှင့် ပါပဲ။ ထူးဆန်းတာကတော့ မော်လမြိုင်နတ်လမ်းညွှန် ကို မစောညွှန့် ဆိုတဲ့ ကလောင်အမည်နှင့် ရေးသား ဖြစ်ခဲ့တာပါ။ အဲ့ဒီနောက် ကဗျာသာရတ္တသဂြိုလ်၊ မြန်မာရာဇ၀င်ချုပ်၊ ရွှေနတ်တောင်ဘုရားသမိုင်း စတဲ့ စာအုပ်တွေကို ရွှေတောင်ဆရာလွန်း ဆိုတဲ့အမည် နှင့် ဆက်လက်ရေးသားခဲ့ပြီး သူရိယသတင်းစာ စထွက်တော့ အယ်ဒီတာအဖြစ် တာဝန်ထမ်းဆောင်ခဲ့ ပြန်ပါတယ်။ သူရိယသတင်းစာရဲ့ နာမည်ကျော် ကြာဋ္ဋီကာ ဆောင်ပါးတွေကိုရေသားခဲ့တဲ့ မစ္စတာမောင်မှိုင်းဆိုတာလည်း ရွှေတောင်ဆရာလွန်းပါပဲ။ လက်မှုပညာဋ္ဋီကာနှင့် နိုင်ငံခြားသာသနာပြု လေးချိုးကိုရေးသားတော့လည်း မစ္စတာမောင်မှိုင်း ဆိုတဲ့အမည် ကို ဆက်လက်အသုံးပြု ခဲ့ပါတယ်။ ဗိုလ်ဋ္ဋီကာ ဆောင်းပါးတွေကို ရေးပြီး၊ ဆောင်းပါး ပေါင်းချုပ်ကြီး ထုတ်ဝေနေစဉ်မှာ ချစ်ဇနီး ဒေါ်ရှင် အနိစ္စရောက်ခဲ့ပါတယ်။

၁၉၁၆ခုနှစ်မှာ နောင်တချိန် လျှမ်းလျှမ်းတောက် ကျော်ကြားလာမည့် မှာတော်ပုံ ၀ထ္ထုကြီးကို စတင်ရေးသားခဲ့ပြီး၊ မဏိဟတ် နန်းတွင်းဇာတ်တော်ကြီးကို တည်းဖြတ်ထုတ်ဝေ ခဲ့ပါတယ်။ အီနောင် နန်းတွင်းဇာတ်တော်ကြီး၊ ကေလာသီရိ နန်းတွင်းဇာတ်တော်ကြီး နှင့် ဓမ္မစေတီမင်း ၀ထ္ထုတို့ကိုတော့ ဆရာလွန်း အနေနှင့် ပြန်လည်ရေးသားပါတယ်။ ၁၉၁၉ခုနှစ်မှာ ပဲခူးရာဇ၀င် နှင့် မှာတော်ပုံ(ဒုတွဲ) တို့ကို ရေးသားနေစဉ် ဦးဘဖေ၊ ဦးပု နှင့် ဦးထွန်းရှိန်တို့ ဘိလပ်သွား အရေးဆိုတော့ သြဒိဿပတ္တနာ လေးချိုးကြီး ဖြင့်ကောင်းချီးပေးခဲ့ပြန်ပါတယ်။ ၁၉၂၀မှာ ဒေါင်းဋ္ဋီကာ ရေးဖွဲ့ခဲ့ပြီး၊ တိုက်တိုက်ဆိုင်ဆိုင် ဦးထွန်းရှိန် ကွယ်လွန်တော့ ဒေါင်းအမေ ဆွေတမိမှာဖြင့် လေးချိုးနှင့် ဂုဏ်ပြုခဲ့ပါတယ်။ အဲ့ဒီနှစ် မှာပဲ မှာတော်ပုံ(တတွဲ) ကိုရေးသားပြီး၊ တက္ကသိုလ်များ သပိတ်ကာလမှာ အမျိုးသားကောလိပ် အတွက် မြန်မာစာနှင့် ရာဇ၀င် ပါမောက္ခ အဖြစ်တာဝန်ယူခဲ့သောကြောင့် နောင်တက္ကသိုလ်သမိုင်းတလျှောက် စံတင် ဂုဏ်ပြုခဲ့ကြခြင်း ဖြစ်ပါတယ်။

ဗြိတိသျှအင်ပါယာရဲ့နန်းမွေခံ ဝေလမင်းသား မြန်မာနိုင်ငံကို တိုင်းခန်းလှည့်လည်စဉ်က၊ အထူးဧည့်ခံ ရန် ဂုဏ်ပြုရတု စပ်ဖို့ ဦးမေအောင်မှ ပန်ကြားသောအခါ၊ “တို့နိုင်ငံကို ကျွန်ပြုတဲ့ ဘုရင်မမြေးကို ချီးမကျူး” ဟု ကြီးစွာသောမျိုးချစ်စိတ်ဖြင့် ငြင်းပယ်ခဲ့ပါတယ်။ စုံနံသာမြိုင် နှင့် မျောက်ဋ္ဋီကာကိုတော့ ၁၉၂၂ခု မှာရေးဖွဲ့ခဲ့ပြီး၊ ကျော်ကြားတဲ့ မှန်နန်းရာဇ၀င်တော်သစ် ကို လည်းတည်းဖြတ် ထုတ်ဝေခဲ့ပါတယ်။ မျောက်ဂဏ္ဌိ၊ မစ္စတာမောင်မှိုင်း ဆောင်းပါးပေါင်းချုပ် (ပတွဲ)၊ ရွှေကလေးဘွဲ့၊ မြင်းဋ္ဋီကာ၊ ဆွာရက်ဋ္ဋီကာ၊ ခွေးဋ္ဋီကာ၊ ရာဇ၀င်နီတိ၊ တဆူဋ္ဋီကာ၊ ဆယ်ကဋ္ဋေကျော်ဋ္ဋီကာ၊ အစရှိတဲ့ နာမည်ကျော်စာပေများကို ဒဂုန်မဂ္ဂဇင်း အယ်ဒီတာ ဘ၀ဖြင့် ဆက်တိုက် ရေးသားခဲ့ပြီး၊ အရမ်းကာရ၀ိသောဓနိဆောင်းပါး၊ ဘိုင်းကောက်ဋ္ဋီကာ၊ တရုပ်ဒီပနီ၊ စံဖဲ နှင့် ပုံတောင်နိုင်ဆောင်းပါး တို့ကို ဗြိတိသျှဘားမားမဂ္ဂဇင်း အုပ်ချုပ်ရေးမှုး အဖြစ်တာဝန်ထမ်းဆောင်ရင်း ရေးသားခဲ့ကာ ကိုလိုနီခေတ် အမျိုးသားစာပေကို ဦးဆောင်လာပါတော့တယ်။

၁၉၂၈ခု နှင့် ၁၉၂၉ခု များမှာ ဗြိတိသျှအစိုးရက တောပုန်းကြီးဗိုလ်စံဖဲကို ကြိုးမိန့်ချသောအခါ ဆရာကြီးမှိုင်း မှ ကမကထပြု၍ အယူခံဝင်ပေးခဲ့ပါတယ်။ တိုင်းတပါးသားများက မြန်မာများကို စီမံပိုင်ခွင့်မရှိ ဟုယူစပုံလည်း ရပါတယ်။ ၁၉၃၀ခုနှစ်မှာ သာယာဝတီ ဂဠုန်ဆရာစံ ဗိသိတ်ခံ တော့ ဂဠုန်ပျံဒီပနီဋ္ဋီကာ ဆောင်းပါးများနှင့် ဂုဏ်ပြုခဲ့ပါတယ်။ ဒေါင်းဂဏ္ဌိ၊ ညီညွတ်ရေးရာဇ၀င်၊ ရာဇ၀င်နီတိ အစရှိတဲ့ အမျိုးသားငြိမ်းချမ်းရေးနှင့် ညီညွတ်ရေး စာပေများ ဆက်တိုက်ရေးသားခဲ့ပြီး၊ ၁၉၃၄ခုနှစ် နိုဝင်ဘာ ၃၀ရက် မှာ ကျင်းပတဲ့ တက္ကသိုလ်အမျိုးသားနေ့ အခမ်းအနားရဲ့ သဘာပတိအဖြစ် တာဝန်ယူခဲ့ကာ မျိုးဆက်သစ်လူငယ်များကို ဦးဆောင်မှု ပြုခဲ့ပြန်ပါတယ်။

တကယ်တော့ ၁၉၃၄ခုနှစ်ဟာ ဆရာကြီးမှိုင်းရဲ့ တော်လှန်ရေးကဏ္ဍသစ်ကို စတင်ပေးခဲ့တဲ့နှစ်ပါ။ ရေနံချောင်းမြို့မှာကျင်းပခဲ့တဲ့ ပထမအကြိမ် သခင်များညီလာခံမှာ ကြည်ညိုလေးစားသူများ၏ တင်မြှောက်မှုကြောင့် နာယကကြီးဖြစ်လာကာ လွတ်လပ်ရေးကျိုးပမ်းမှု ရဲ့ ဦးဆောင်မှုများမှာ ပါဝင် လာခဲ့ပါတော့တယ်။ အဲဒီနောက်၊ စွယ်တော်စစ်တမ်း၊ အမျိုးနှင့်စာပေ၊ မြန်မာလူမျိုး၊ အစရှိတဲ့ စာတမ်းကြီးများရေးဖွဲ့၍ ကလောင်စွမ်းဖြင့် တိုက်ပွဲဝင်ခဲ့ပါတယ်။

၁၉၃၆ခု၊ ဇွန်လ၊ မြင်းခြံမြို့ မှာကျင်းပတဲ့ တို့ဗမာအစည်းအရုံး ရဲ့ ဒုတိယအကြိမ်ညီလာခံကို တက်ရောက်ခဲ့ပြီး ဗြိတိသျှတို့ရဲ့(၉၁)ဋ္ဌာနအုပ်ချုပ်ရေးကို ခွေးဂဏ္ဌိ နှင့်သရော်ခဲ့ပါတယ်။ ၁၉၃၇-၃၈ ကာလများမှာတော့ သုတေသနဒီပနီ၊ ခေတ်ကာလပြုပြင်ပြောင်းလဲရေး၊ ၀သုန်ဤမြေ၊ စွယ်တော်ဂဏ္ဌိ၊ သခင်ဋ္ဋီကာ တို့ကိုရေးဖွဲ့ခဲ့ပါတယ်။ ၁၉၃၈ခု၊ ဧပြီလ ၂၂ရက်နေ့မှာတော့၊ “လွတ်လပ်ရေးကို လက်ဝါးနှင့် တောင်းယူ၍မရ၊ သူပုန်ထရမည်။” လို့ ပုသိမ်မြို့တရားပွဲမှာ လျှမ်းလျှမ်းတောက်တောက် ဟောပြောခဲ့ပြန်ပါတယ်။

၁၉၃၉ခုနှစ်၊ ဇန်န၀ါရီလ ၁၄ရက် ရန်ကုန်မြို့လူထုအစည်းအဝေးကြီးမှာ အရင်းရှင်စနစ်ကိုရှုတ်ချခဲ့ပြီး၊ ဇွန်လ ပုသိမ်မြို့မှ “တို့ငတ်နေတာ ဗြိတိသျှတွေကြောင့်” လို့ ဟောပြောပြန်တဲ့အတွက် ချောင်းရိုက်တာ ခံခဲ့ရတဲ့အပြင် နှစ်လတရားဟောခွင့်လည်း ပိတ်ခံရပါတယ်။ အဲဒီနှစ် ဒီဇင်ဘာလမှာပဲ ကြည့်မြင်တိုင် လူထုအစည်းအဝေးကြီးမှာ ဆိုရှယ်လစ်ဝါဒကို ဗုဒ္ဓတရားတော်နှင့် ချိန်ထိုးပြသခဲ့လို့ နောင်အနာဂါတ် မြန်မာ့နိုင်ငံရေးလောကမှာ ကွန်မြူနစ်ကြီး ဆိုပြီး လူတချို့ရဲ့ အထင်ခံခဲ့ရပါတယ်။ ဗမာ့ထွက်ရပ်ဂိုဏ်းကြီး ကို အောက်တိုဘာလမှာ ဖွဲ့စည်းတော့လည်း ဆရာကြီးရဲ့ ဦးဆောင်မှု တွေနှင့်ပါ။

၁၉၄၀၊ ဇန်န၀ါရီလဆန်းမှာကျင်းပသည့် တောင်သူလယ်သမား အစည်အရုံး နှစ်လည်ညီလာခံမှာ ဗြိတိသျှနယ်ချဲ့စနစ်ကို တွန်းလှန်၍ ဆိုရှယ်လစ်စနစ်ဖြင့် နိုင်ငံပြုပြင်ရန် အတည့်အလင်းတိုက်တွန်းခဲ့ လို့ ဗြိတိသျှအစိုးရက ရန်သူတော်အဖြစ်သတ်မှတ်ခဲ့ပါတော့တယ်။ အဲဒီနှစ်မှာသားတပည့်တွေဖြစ်တဲ့ သခင်အောင်ဆန်းတို့ မြေအောက်တော်လှန်ရေးစတင်တော့ ဆရာကြီးလည်းမြေလျှိုးခဲ့ရတာ ၁၉၄၂ခု လောက်အထိပါ။

ဂျပန်ခေတ် ဖက်ဆစ်စနစ်ရဲ့ အနိထ္ထရုံတွေကို ကြုံရတော့ မိမိရဲ့ သားတပည့် ဗိုလ်ချုပ်အောင်ဆန်းကို “အောင်ဆန်းရယ်၊ နင်တို့ပင့်လာတဲ့ ဘုရားများကလဲ သောင်းကျန်းလိုက်တာကွယ်” လို့ ကရုဏာဒေါသော နှင့် သတိပေးခဲ့ ဖူးပါတယ်။ ဂျပန်တွေ ဆရာကြီး လက်ဝဲယိမ်း မှန်းရိပ်မိလာတဲ့အခါ မြေထပ်လျှိုးခဲ့ရပြန်ပါတယ်။ ၁၉၄၅ခုမှာ ဒုတိယကမ္ဘာစစ်ကြီး ပြီးတော့ ဆရာကြီး တို့ဗမာအစည်းအရုံး ရဲ့ ဥက္ကဋ္ဌ ပြန်ဖြစ်လာခဲ့ပါတယ်။ ၁၉၄၇ခု၊ ဇူလိုင်လ မှာ အမျိုးသားခေါင်းဆောင်ကြီး ဗိုလ်ချုပ်အောင်ဆန်း နှင့် လုပ်ဖေါ်ကိုင်ဖက်တွေ ကျဆုံးတော့ အာဇာနည်ဗိမာန်ဋ္ဋီကာ နှင့် ငိုချင်းချခဲ့ ပါ တယ်။ လွပ်လပ်ရေးခေတ်၊ ၁၉၅၀ခု၊ ဇန်န၀ါရီလ မှာတော့ ဆရာကြီးကို နိုင်ငံတော်က အင်္လကာကျော်စွာ ဘွဲ့ဖြင့် ကျေးဇူးဆပ်ခဲ့ပါတယ်။

၁၉၅၂ခု မှ ၁၉၅၇ခု များအတွင်းမှာ မြန်မာ-နိုင်ငံတကာ ငြိမ်းချမ်ရေးအတွက် ခရီးများစတင်ခဲ့ပါတယ်။ ထိုစဉ်က ကျော်ကြား ခဲ့သည့် ခရူးရှော့ (Nikita Khrushchov)၊ မော်စီတုန် (Mao Tse-tung)၊ ဟိုချီမင်း (Ho Chi Minh) တို့ကပါ အရေးတယူ ဂါရ၀ ပြုခဲ့ကြပါတယ်။ ၁၉၅၅ခုနှစ်မှာ ဆိုဗီယက်ပြည်ထောင်စုမှ အပြည်ပြည်ဆိုင်ရာ ငြိမ်းချမ်းရေးဆုကို ချီးမြှင့်ခဲ့ပါတယ်။ ၁၉၆၀ခုနှစ်၊ အရှေ့ဂျာမနီနိုင်ငံ၌ ဆေးကုသရန်သွားစဉ်က Hamburg University မှလည်း ဂုဏ်ထူးဆောင် ပညာရေးပါရဂူဘွဲ့ကို ချီးမြှင့်ခဲ့ပါတယ်။

မြန်မာ့ငြိမ်းချမ်ရေး၊ ကမ္ဘာငြိမ်းချမ်ရေး တို့ကို ကျိုးပမ်းရင်း ၁၉၆၄ခုနှစ်၊ ဇူလိုင်လ ၂၃ရက်နေ့မှာ ဆရာကြီး သခင်ကိုယ်တော်မှိုင်း သူချစ်သည့် မြန်မာပြည်ကို မျက်ကွယ်ပြုသွားခဲ့ပါတယ်။ ဆရာကြီးရုပ်ကလပ်ကို ကန်တော်မင်ပန်းခြံ ဂူဗိမာန်သို့ ပို့ဆောင်ဂူသွင်းခဲ့ကြပါတယ်။ ဘ၀တလျှောက်လုံး အမျိုးသားရေး အတွက်နှစ်မြုပ်ခဲ့ပြီး၊ တိုင်းပြည်လွတ်လပ်သည့်အခါမှာလည်း မည်သည့်ရာထူးမျှ မခံစားပဲ အိမ်အိုလေးထဲမှာပဲ ခေါင်းချသွားခဲ့သည့်၊ ပြည်သူတို့ချစ်သည့် ဆရာကြီး သခင်ကိုယ်တော်မှိုင်း အနိစ္စရောက်သွားခဲ့သော်လည်း ဆရာကြီးရဲ့ တော်လှန်ရေးနှင့် စာပေ၀ိဉာဉ် ကတော့ မြန်မာတို့ရင်ထဲမှာ ထာဝစဉ်ရှင်သန်နေစဲဖြစ်ကြောင်း ဂုဏ်ပြုဖော်ပြအပ်ပါတယ်။

အဘိုးမှိုင်း ကောင်းရာသုဂတိလားပါစေ။

ဘဇံလင်း ဘလော့မှ ကူးယူဖော်ပြပါသည်။



လန်ဒန်တိုင်းသတင်းစာ၌ ဖော်ပြခဲ့သော ဆရာကြီးသခင်ကိုယ်တော်မှိုင်း အတ္ထုပ္ပတ္တိ

မောင်ထင် ဘာသာပြန်သည်
မြန်မာ့နိုင်ငံရေးနိုးကြားသော ခေတ်ဦး၌လည်းကောင်း၊ မြန်မာ့လွတ်လပ်ရေးသို့ ရှေ့ရှုသော ခေတ်၌လည်းကောင်း၊ အလွန်သြဇာတိက္ကမ ကြီးမားသော သခင်ကိုယ်တော်မှိူင်းသည် လွန်ခဲ့သော ကြာသာပတေးနေ့က ရန်ကုန်မြို့တွင် ကွယ်လွန်အနိစ္စရောက်သည်။ ကွယ်လွန်သောအခါ အသက် (၈၉) နှစ်ရှိလေပြီ။
သခင်ကိုယ်တော်မှိူင်းသည် လှည်းသမားတဦး၏ သားဖြစ်သည်။ ပြည်မြို့အနီး ရွာတရွာတွင် မွေးဖွားသည်။ ထိုရွာမှာ မြန်မာမင်းဆက်တို့၏ လွတ်လပ်သော နိုင်ငံတော်နှင့် ဗြိတိသျှတို့ သိမ်းပိုက်လိုက်သော ပဲခူးနယ်စပ်ကြားတွင် တည်ရှိသည်။ ရိုးရာဓလေ့အတိုင်း ငယ်စဉ်က မိမိဖွားရာဇာတိရှိ ဗုဒ္ဓဘာသာဘုန်းတော်ကြီးကျောင်းတွင် ပညာသင်ယူခဲ့ပြီးနောက် မန္တလေး ရွှေမြို့တော်၌ ဆက်လက်ပညာသင်ယူခဲ့၏။

ထိုအခါ သခင်ကိုယ်တော်မှိူင်းသည် ဗြိတိသျှတို့က နောက်ဆုံးမင်းဆက် မြန်မာဘုရင်ကို
နန်းချသည့် အရေးအခင်း၌ ကိုယ်တွေ့မျက်မြင်ကြုံခဲ့ရသည်။ ၁၈၉၄ ခုနှစ် တွင် စာပုံနှိပ်စက်တခု၌
ဝင်ရောက် အလုပ်လုပ်ရန် ရန်ကုန်မြို့သို့လာခဲ့သည်။ ထိုအချိန်၌ ဆရာလွန်းဟု တွင်သည်။ ထိုအမည်မှာ မူလအမည်ကို အနည်းငယ်လွှဲပြောင်းထားသော အမည်ဖြစ်သည်။ (အင်္ဂလိပ်တို့၌ အမည်ရှေ့တွင် မောင်၊ ကို၊ ဦး၊ ဆရာစသော ဂုဏ၀ုဒ္ဓိကို ဖော်ပြသည့်အလေ့အထမရှိ။ ထို့ကြောင့် ငယ်စဉ်ကမောင်လွန်း၊ လူပျိုအရွယ်၌ ကိုလွန်း၊ အသက်ကြီးလာသောအခါ ဦးလွန်း၊ ဆရာသမား ဖြစ်လာသောအခါ ဆရာလွန်းဟူ၍ အမည်အမျိုးမျိူး ပြောင်းလဲလာပုံကို အင်္ဂလိပ်သတင်းစာဖတ် ပရိသတ်တို့ ရုတ်တရက်နားလည်ရန်ခက်သည်။ ထို့ကြောင့် ဆရာလွန်း အကြောင်းကိုရေးသား
ရာ၌ ထိုအမည်သည် အနည်းငယ်ပြောင်းလဲလာသောအမည်ဟု သိလွယ်အောင်ရေးခြင်းဖြစ်သည်။ ဘာသာပြန်သူ) ထို့နောက် ဆရာလွန်းသည် ပြဇာတ်များကိုရေးသည် သူရေးသော ပြဇာတ်များမှာ ပုဒ်ရေ (၈၀) ခန့်ရှိသည်။

ဆရာလွန်းသည် နဘေထပ်ကာရန်များနှင့် ကဗျာသီကုံးရေးသားရာ၌ အလွန်သွက်သွက်လက်လက် ရေးတတ်သည် ဖြစ်ရကား၊ ယင်းအရည်အချင်းသည် သူ သတင်းစာလောကထဲသို့ ၀င်ရောက်ရာ၌ များစွာအထောက်အပံ့ ဖြစ်လေသည်။ သတင်းစာလောကထဲသို့ ၀င်လာခါစ၌ မော်လမြိုင်တွင်
ထုတ်ဝေသော သတင်းစာတွင် ပထမဆောင်ရွက်သည်။ သို့သော် မကြာမီ ၁၉၁၁ ခုနှစ်တွင် ရန်ကုန် မြို့၌ ထုတ်ဝေသော သူရိယသတင်းစာတွင် ၀င်ရောက်လုပ်ကိုင်ရာ နိုင်ငံရေးကို စိတ်ပါဝင်စား လာလေသည်။

သခင်ကိုယ်တော်မှိူင်းသည် မြန်မာ့ရိုးရာယဉ်ကျေးမှုနှင့် ကြီးပြင်းခဲ့သူ ဖြစ်သည့်အလျောက် အင်္ဂလိပ်စာကို သင်ယူခြင်းမပြုခဲ့ချေ။ တသက်ပန်လုံး မြန်မာ့အဂ္ဂိရတ်ပညာတွင် ထထကြွကြွ လိုက်စားခဲ့သည်။ သူရိယသတင်းစာသည် မြန်မာသတင်းစာတို့တွင် နိုင်ငံရေးဆိုင်ရာ အရေး အသားတို့ကို ပထမဦးဆုံးရေးသားထားသော သတင်းစာဖြစ်သည်။

သခင်ကိုယ်တော်မှိူင်းနှင့် ရေးဘော်ရေးဘက်တို့သည် ထိုစဉ်က ဟုမ္မရူး ကိုယ်ပိုင်အုပ်ချုပ်ရေး အကြောင်းကို သတင်းစာထဲ၌ဆွေးနွေးလေ့ရှိရာ ယင်းသို့ဆွေးနွေးသည်ကို သဘောတူ၍ ကြိုဆိုသည်။ အင်္ဂလိပ်တို့၏ အပြုအမူကို ခုံမင်၍ မြန်မာအမည်ရှေ့တွင် မစ္စတာဟု ခေါင်းတပ်သော သူတို့ကို သရော်သောအားဖြင့် ထိုခေတ်က ကျော်ကြားသော မြန်မာဝတ္ထုတပုဒ်၌ ပါသောအမည် တခုကိုယူ၍ မိမိကိုယ်ကိုမိမိ မစ္စတာမောင်မှိူင်းဟု ကလောင်အမည်ကိုပေးသည်။

သူရိယသတင်းစာတွင်လုပ်ကိုင်နေသော ဆယ်နှစ်တာအတွင်းဝယ် မြန်မာတို့သည် အတိတ်၌ ဇာတိဂုဏ်ရောင် ထွန်းပြောင်ခဲ့သည်ကို ပြန်လည်သတိရစေခြင်းငှာ “ဋီကာ” အဖွဲ့များကို ရေးသား သည်။ ထို့ပြင် မြန်မာစာပေများကိုလည်း ပြုစုသည်။ ထိုအရေးအသားများကို နိုင်ငံအစိုးရက အရေးယူခြင်းမပြုသော်ငြားလည်း ထိုအရေးအသားတို့သည် အခြားတပါးသောသူတို့က တိုက်ရိုက်ရေးသားသော အရေးအသားများထက်ပို၍ မြန်မာနိုင်ငံရေး အတွေးအခေါ်တို့ကို
ဖြန့်ချီရာ၌ အဆင့်အတန်းမြင့်မြင့်နှင့် ထိရောက်သည်။ သခင်ကိုယ်တော်မှိူင်းသည် ထိုခေတ်က နိုင်ငံရေးသမားများ ကိုယ်ကျိုးရှာ၍ အရည်အချင်းမပြည့်မ၀နှင့် ပျော့ညံ့ညံ့ အလုပ်လုပ်သည်
ကိုလည်း ရှုတ်ချဝေဖန်လေ့ရှိသည်။

သခင်ကိုယ်တော်မှိူင်းသည် ၁၉၃၄ ခုနှစ်တွင် ပါတီသစ်တပါတီအနေဖြင့် ထင်ရှားလာသော တို့ဗမာ အစည်းအရုံးကို သူ၏ သြဇာတိက္ကမနှင့် ၀င်ရောက်အားပေးကူညီရာ၊ ၁၉၃၆ ခုနှစ်တွင် နာယက ဖြစ်လာလေသည်။ ထိုအခါ တို့ဗမာအစည်းအရုံးဝင်တို့၏ ဓလေ့ကိုလိုက်၍ မိမိကိုယ်တိုင် သခင် နာမည်ကို ခံယူသည်။ ဤသည်တွင် ကွယ်လွန်သည်အထိ သခင်ကိုယ်တော်မှိူင်းအမည်ဖြင့် ထင်ရှား သည်။

တို့ဗမာအစည်းအရုံး၌ ဆောင်ရွက်သောအခါ နောင်အခါတွင် ခေါင်းဆောင်ဖြစ်လာကြမည့် ခေတ် လူငယ်များကို အကြံအဥာဏ်တို့ဖြင့် အားပေး အားမြှောက်ပြုရာ ထိုလူငယ်များတသိုက်တွင် မြန်မာ့လွတ်လပ်ရေးကို ဗြိတိသျှတို့နှင့်စေ့စပ်၍ ရအောင် ယူခဲ့သော ဗိုလ်ချုပ်အောင်ဆန်းနှင့် မြန်မာနိုင်ငံဝန်ကြီးချုပ်အဖြစ်ဖြင့် နှစ်ပေါင်းများစွာ ဆောင်ရွက်ခဲ့သော ဦးနုတို့ အပါအ၀င်ဖြစ်သည်။ မြန်မာနိုင်ငံကို ဂျပန်တို့သိမ်းပိုက်စဉ်က သခင်ကိုယ်တော်မှိူင်းသည် ၀န်ကြီးအဆင့်အတန်းရှိသော ရာထူးဌာနန္တရတခု၌ ခေတ္တ၀င်ရောက်လုပ်ကိုင်ခဲ့ပြီးနောက် စစ်ကြီးပြီးသောအခါ ထိုရာထူးမှထွက်၍ အငြိမ်းစားနေထိုင်ခဲ့သည်။

မြန်မာစာပေကို အကြောင်းပြု၍ သခင်ကိုယ်တော်မှိူင်းအား အင်္လကာကျော်စွာဘွဲ့ကို အပ်နှင်းသည်။ သခင်ကိုယ်တော်မှိူင်းသည် ကမ္ဘာ့ငြိမ်းချမ်းရေးအဖွဲ့ဝင်တဦး ဖြစ်သည့်အားလျော်စွာ ၁၉၅၄ ခုနှစ်တွင် စတာလင် ငြိမ်းချမ်းရေးဆုကို ချီးမြှင့်ခြင်းခံရသည်။ မိမိ၏ ကိုယ်ပိုင်လွတ်လပ်ခွင့်ကို အချုပ်အချယ် ပြုမည့် ရာထူးဌာနန္တရတို့ကို ငြင်းပယ်၍ တသက်ပတ်လုံး မြန်မာ့လွတ်လပ်ရေး အကျိုးငှာသာလျှင် ဆောင်ရွက်ခဲ့လေသည်။

ဘာသာပြန်သူ၏မှတ်ချက် - လန်ဒန်တိုင်းသတင်းစာသည် ပါတီဂိုဏ်းဂဏ သြဇာခံသတင်းစာ
မဟုတ်၊ လွတ်လပ်စွာရေးသားသည့် ပေါ်လစီကို လက်ကိုင်ပြုသည့် သတင်းစာဖြစ်သည်။
ထို့ကြောင့် ထိုသတင်းစာ၏ အာဘော်ကို အခြားတပါးသော နိုင်ငံတို့က ကြိုက်သည်လည်း
ရှိလိမ့်မည်။ မကြိုက်သည်လည်းရှိလိမ့်မည်။

မြန်မာနိုင်ငံကို ဂျင်နရယ်ပရင်ဒါဂတ် ၀င်ရောက်သိမ်းပိုက်စဉ်က လန်ဒန်တိုင်းသည် အင်္ဂလိပ် စစ်တပ်တို့၏ အပြုအမူကို ပြစ်တင်ရှုတ်ချသော သတင်းများရေးသားသည်။ သို့ရာတွင် မြန်မာ နိုင်ငံသည် ဗြိတိသျှနိုင်ငံဖြစ်လာသော အခါမူကား ဗြိတိသျှတို့၏ အကျိူးစီးပွားကိုငဲ့၍သာ ရေးသားသည်။ မြန်မာနိုင်ငံ အုပ်ချုပ်ရေး အပြောင်းအလဲစီမံကိန်းများ ပေါ်ပေါက်သော ၁၉၂၀
တ၀ိုက်ခေတ်၌မူကား လန်ဒန်တိုင်းသည် မြန်မာကိုယ်စားလှယ် ဦးဘဘေ၊ ဦးသိန်းမောင်စသော ပုဂ္ဂိုလ်တို့ကို ကူညီ၍ မြန်မာ့အာဘော်ကို တင်ပြပေးသည်။ ဤသဘာဝကား ကမ္ဘာ့အရေးအခင်း
တို့၌ လွတ်လပ်စွာ စဉ်းစားဆင်ခြင်၍ လွတ်လပ်စွာ အဆုံးအဖြတ်ပေးသော သဘာဝပင်ဖြစ်သည်။ ထို့ကြောင့် ထိုသတင်းစာအာဘော်ကို ကြိုက်သော်ရှိ၊ မကြိုက်သော်ရှိ အများက လေးစားကြ
ပေသည်။

ထင်ရှားသော ပုဂ္ဂိုလ်တို့ ကွယ်လွန်သောအခါ လန်ဒန်တိုင်းသည် နာရေးသတင်းကဏ္ဍ၌ ကွယ် လွန်သူ ပုဂ္ဂိုလ်တို့၏ အတ္ထုပ္ပတ္တိကို ဖော်ပြလေ့ရှိသည်။ ဤသို့ဖော်ပြရာ၌လည်း တော်ရုံတန်ရုံ ပုဂ္ဂိုလ်တို့ကို ဖော်ပြလေ့မရှိချေ။ ၀ိဇ္ဇာပညာရေးရာ၊ သိပ္ပံပညာရေးရာ၊ စာပေရေးရာ၊ အနုပညာ
ရေးရာ၊ ကမ္ဘာ့ရေးရာတို့တွင် ကမ္ဘာ့ဂန္တ၀င်ထဲ ၀င်ထိုက်သည်ဟု ယူဆမှသာလျှင် ဖော်ပြလေ့ရှိသည်။ ယင်းသို့ဖော်ပြရာ၌လည်း ကမ္ဘာနှင့်စပ်ဆိုင်သော ပုဂ္ဂိုလ်ဖြစ်လျှင် ရန်သူမိတ်ဆွေဟူ၍ သဘော မထားဘဲ တတ်နိုင်သမျှ တိတိကျကျ လေ့လာစုံစမ်း၍ ဖော်ပြလေ့ရှိသည်။

စစ်စစ် ဗြိတိသျှအင်ပါယာဝါဒ မျက်စိနှင့်ကြည့်လျှင် သခင်ကိုယ်တော်မှိူင်းသည် အင်ပိုင်ယာ နယ်ချဲ့ သမားတို့၏ အဓိကရန်သူ ဖြစ်ပေသည်။ သို့ပါလျက်နှင့် လန်ဒန်တိုင်းသည် သခင်ကိုယ်တော်မှိူင်းကို ရန်သူကဲ့သို့မကြည့်၊ မျိူးချစ်စာပေပညာရှင်တဦးကဲ့သို့သာမြင်သည်။ ဤအမြင်ဖြင့် ရေးသားခြင်း
သည် အရေးခံရသူကို ဂုဏ်ပြုသည်နှင့်အမျှ ရေးသူကိုလည်း ဂုဏ်တက်စေသည်။ ကျနော်လေ့လာ ကြည့်၍ရသမျှနှင့် ပြောရမည်ဆိုပါက မြန်မာခေါင်းဆောင်တို့တွင် ဤကဲ့သို့ ရေးသားဂုဏ်ပြုခံရ
သူမှာ သခင်ကိုယ်တော်မှိူင်းသာလျှင် အာဒိ (ရှေးဦး) ပုဂ္ဂိုလ်ဖြစ်သည်။

လန်ဒန်တိုင်းသတင်းစာတွင် ဖော်ပြခဲ့သော ရက်စွဲမှာ ၁၉၆၄ ခုနှစ် ဇူလိုင်လ (၂၅) ရက်နေ့ဖြစ်သည်။

သခင်ကိုယ်တော်မှိူင်း “၁” ရာပြည့်ကော်မတီမှ ကူးယူသည်။

(၂၀၀၆ ခုနှစ်ထုတ် အောင်စောဦး ပြုစုသည့် “ငြိမ်းချမ်းရေးဖခင်ကြီး ဒေါက်တာသခင်ကိုယ်တော်မှိူင်း နှစ် (၁၃၀) ပြည့် အထူးထုတ်” စာအုပ်မှ ကူးယူဖော်ပြသည်။)

source။ ။ ခောတ်ပြိုင်

Friday, March 21, 2008

ရဲရဲချီ


အာဏာကို ချုပ်ကိုင်
နိုင်ငံကို ထွင်းဖောက်တော့
ကျောက်သံပတ္တမြားတွေ ထွက်လာတယ်၊
သားသမီးတွေနဲ့
ဇနီး ခြွေရံသင်းပင်းတွေက
ရွှေဒင်္ဂါးကိုတောင် ထွေခင်းကစားနေကြသတဲ့။

ပြည်သူအပေါင်းကတော့
မျောက်လောင်း မျောက်လောင်းပါပဲ။

ငတ်သမျှအကြောင်း
ပါးစပ်က မောင်းခတ်သူတွေကိုလည်း
တပ်ခင်းပြီး နှိမ်နင်းတော်မူတယ်။

တိုးတက်တဲ့ကမ္ဘာမှာ
အမျိုးဖျက်သတ္တဝါတွေ ကြီးစိုးပြီး
ဟီးရိုး လုပ်နေတာ ခံရ
ပြန်မထနိုင်တာ ရှက်ဖွယ်ပါလား။

မသာ ဓားပြတွေက
အာဏာရအောင် အတင်းအုပ်ပြီး
မင်းလုပ် အုပ်ချုပ်နေကြသတဲ့၊
အကျင့်ယုတ်သူတွေ ကောင်းစား
ပြည်သူတွေက သူတောင်းစား
မတရားမှုက မင်းမူ
နာလန်မှ ထူနိုင်ပါတော့မလား။

လွတ်ကြောင်းကြံနေတဲ့
ခွပ်ဒေါင်းအလံတွေလည်း
နိုင်ငံတော်အတွင်း
သံခြေကွင်း အစွပ်ခံနေရရှာပြီ။

ခံနိုင်ရည်ရှိရှိ
သံမဏိ စိတ်ဓာတ်နဲ့
ပြတ်သားတဲ့ အားမာန်
တော်လှန်ရေးအလံလွှင့်
ရဲရဲရင့်ရင့် ချီတက်ကြမှ
အောင်ပွဲရမယ်။ ။

တင်မိုး
နိုဝင်ဘာ ၁ဝ၊ ၂ဝဝ၇

Thursday, March 20, 2008

ကုလအတွင်းရေးမှူးချုပ်ထံ လွှတ်တော်ကိုယ်စားလှယ်များ၏ ပေးစာ ပျောက်ဆုံး

ကုလသမဂ္ဂ အတွင်းရေးမှူးချုပ်ဆီကို ရွေးကောက်ခံ ပြည်သူ့ လွှတ်တော် ကိုယ်စားလှယ် (၅)ဦးက ပေးပို့လိုက်တဲ့စာ ဟာ ကုလသမဂ္ဂကို မရောက်ပဲ လမ်းမှာပျောက်ဆုံးသွားတယ်လို့ သိရပါတယ်။
ပြီးခဲ့တဲ့ မတ်လ (၄)ရက်နေ့က ရွေးကောက်ခံလွှတ်တော်ကိုယ်စားလှယ် (၅)ဦးက ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းအတွက် စာတစောင်ကို ရန်ကုန်မြို့ ကုလသမဂ္ဂ ဖွံဖြိုးရေး အစီအစဉ် ယူအင်ဒီပီ ရုံးကို ပေးပို့ခဲ့ပါတယ်။ ဒါပေမဲ့ စာပေးပို့ပြီး နှစ်ပတ်ကြာတဲ့အထိ တစုံတရာ အကြောင်းပြန်ကြားချက် မရရှိခဲ့ပါဘူး။

မစ္စတာဘန်ကီမွန်းဆီကို စာရေးသားပေးပို့ခဲ့ကြသူတွေကတော့ ရခိုင်ပြည်နယ် ဂွမြိုနယ် မဲဆန္ဒနယ် ရွေးကောက်ခံ ကိုယ်စားလှယ် ဦးညီပု၊ ဧရာဝတီတိုင်း ပန်းတနော်မြို့နယ် ရွေးကောက်ခံ ကိုယ်စားလှယ် ဒေါက်တာ တင်မင်းထွတ်၊ချင်းပြည်နယ်တွန်းဇံမြို့နယ် ရွေးကောက်ခံကိုယ်စားလှယ် ဦးပုကျင့်ရှင်းထန်၊ စစ်ကိုင်းတိုင်း ကန့်ဘလူမြို့နယ် ရွေးကောက်ခံ ကိုယ်စားလှယ်တွေဖြစ်ကြတဲ့ ဒေါက်တာမြင့်နိုငိနဲ့ ဦးသိန်းဖေ တို့ဖြစ်ကြပါတယ်။ သူတို့ရဲ့ပေးစာထဲမှာ မြန်မာစစ်အစိုးရရဲ့ အခြေခံ ဥပဒေမူကြမ်းမှာ အတိုက်အခံတွေကို ပါဝင်ခွင့်ပြုမထားတာကြောင့် ဒီဥပဒေမူကြမ်းကို အသိအမှတ် မပြုဖို့ မစ္စတာ ဘန်ကီမွန်းကို တိုက်တွန်းထားတာပါ။
မတ်လ ၁၈ရက် ပြီးခဲ့တဲ့အင်္ဂါနေ့ ကုလသမဂ္ဂရုံးချုပ် စည်းဝေးပွဲမှာ ရွေးကောက်ခံ ကိုယ်စားလှယ်တွေရဲ့ ပေးစာရမရ မေးမြန်းတဲ့အခါ အတွင်းရေးမှူးချုပ်ရဲ့ ပြောခွင့်ရပုဂ္ဂိုလ်က အဲဒီစာရမရ စုံစမ်းကြည့်ပေးမှာဖြစ်ကြောင်း၊ ဒီစာဟာ မစ္စတာဘန်ကီမွန်းဆီ တိုက်ရိုက်သွားတာမဟုတ်ပဲ သူ့ရဲ့ရုံးကို တိုက်ရိုက် သွားတာဖြစ်ကြောင်း ပြောကြားလိုက်ပြီး ဒီကိစ္စနဲ့ပတ်သက်ပြီး မစ္စတာဂမ်ဘာရီကိုလည်း မေးမြန်းကြည့်ဖို့လည်း အကြံပြုလိုက်ပါတယ်။
ဒီစာဟာ မစ္စတာဂမ်ဘာရီကိုပေးတဲ့စာမဟုတ်ပဲ မစ္စတာဘန်ကီမွန်းကို တိုက်ရိုက်ပေးတဲ့စာဖြစ်ပေမဲ့ Inna City သတင်းဌာနက မစ္စတာဂမ်ဘာရီကိုလည်း ဒီစာအကြောင်း မေးမြန်းခဲ့ပါတယ်။ မစ္စတာဂမ်ဘာရီကလည်း ဒီစာအကြောင်းသူမသိရကြောင်း ပြန်လည်ဖြေကြားးခဲ့ပါတယ်။
ညနေပိုင်းအစည်းအဝေးမှာ ကုလသမဂ္ဂပြောခွင့်ရပုဂ္ဂိုလ် ရုံးက ပြန်ကြားရာမှာ မြန်မာစစ်အစိုးရရဲ့ အခြေခံဥပဒေမူကြမ်းကို အသိအမှတ်မပြုဖို့ မစ္စတာဘန်ကီမွန်းကို တောင်းဆိုထားတဲ့ မြန်မာ ရွေးကောက်ခံ ကိုယ်စားလှယ်တွေရဲ့စာကို လက်ခံရရှိခြင်းမရှိပါဘူးလို့ ဖြေကြားခဲ့ပါတယ်။
တကယ်တော့ နိုင်ငံတကာမှာ ယူအင်ဒီပီရုံးတွေဟာ ကုလသမဂ္ဂရဲ့ လက်တံတွေဖြစ်တာမို့ ကုလသမဂ္ဂဆီ ပေးပို့တဲ့စာတွေကို အတွင်းရေးမှူးချုပ်ထံ ပေးစာဆိုင်ရာရုံးကို လိပ်မူပြီး ပေးပို့နိုင်ကြ တာပဲဖြစ်ပါတယ်။ ဒီနှစ်အစောပိုင်းတုန်းကလည်း ဘူရွန်ဒီနိုင်ငံက အတိုက်အခံအမတ် ၄၆ ယောက်က သူတို့ရဲ့ အသက်အန္တရာယ်ခြိမ်းခြောက်ခံရတဲ့အတွက် ကုလသမဂ္ဂရဲ့ကာကွယ်မှုကို တောင်းခံတဲ့ စာတစောင် ယူအင်ဒီပီရုံးကို ပေးပို့ခဲ့ပေမဲ့ ကုလသမဂ္ဂရုံးချုပ်ကို ရောက်မလာခဲ့ပါဘူး။

source ။ rfa

သတင်းစာဆရာကြီး လူထုစိန်ဝင်း၏ ရဲရဲတောက်စကား


- မြန်မာပြည်သူတွေရဲ့ သူရဲကောင်းစိတ်ဓာတ်ကို ယုံကြည်ကြ။

- People power ကို ယုံကြည်ကြ။

- People power နဲ့ အာဏာရှင်စနစ်ကို ချေမှုန်းပစ်ကြ။

နောက်ခံဓာတ်ပုံ။ ။ခေတ်ပြိုင်

Wednesday, March 19, 2008

ပုန်းအောင်းနေသည့် ဗကသ ခေါင်းဆောင် (၂) ဦး ဖမ်းဆီးခံရ


ခေတ်ပြိုင်-ပီတာအောင်/ ၁၈ မတ် ၂၀၀၈

ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသ) ခေါင်းဆောင် ကိုကျော်ကိုကိုနှင့် ကိုဉာဏ်လင်းအောင် တို့ကို နအဖစစ်အစိုးရအာဏာပိုင်များက ပြီးခဲ့သည့် တနင်္ဂနွေနေ့တွင် ဖမ်းဆီးလိုက်ကြောင်း ဗကသ နိုင်ငံခြားရေးရာကော်မတ်ီက ကြေညာသည်။ ဗကသ နိုင်ငံခြားရေးရာကော်မတီ တာဝန်ခံ ကိုမင်းနိုင် က “ (၁၆) ၇က်နေ့ ညပိုင်းမှာ ကိုကျော်ကိုကို ကို သူပုန်းနေတဲ့အိမ်မှာ ၀င်ဖမ်းသွားတယ်။ ကိုဉာဏ်လင်းအောင်ကို အရင်မိတာ။ ဘယ်ကိုဖမ်း သွားတာလဲတော့ အတိအကျမသိရသေးဘူး။ နအဖက သူတို့ကို တောက်လျှောက်လိုက်ပြီးတော့ ဖမ်းဖို့ကြိုးစားခဲ့တယ်။ သူတို့ အဖမ်းမခံရဘဲ တိမ်းရှောင်နိုင်ခဲ့တယ်။ (၁၆) ရက်နေ့မှာတော့ အဖမ်းခံလိုက်ရတယ်” ဟု ပြောသည်။

ကိုကျော်ကိုကိုသည် စီးပွားရေးတက္ကသိုလ်မဟာဘွဲ့ ကျောင်းသားတဦးဖြစ်ပြီး ကိုဉာဏ်လင်းအောင်မှာ စီးပွားရေး တက္ကသိုလ် နောက်ဆုံးနှစ်ကျောင်းသားဖြစ်သည်။ ၎င်းတို့သည် ယမန်နှစ် သြဂုတ်က ပြင်ဆင်ဖွဲ့စည်းလိုက်သည့် ဗကသအဖွဲ့တွင် ခေါင်းဆောင်များအဖြစ် တာဝန်ယူ ထားပြီး စက်တင်ဘာအရေးအခင်းတွင် တက်ကြွစွာပါဝင်ခဲ့သူများ ဖြစ်သည်။

ကျောင်းသားအင်အားစုများကို ဖမ်းဆီးထောင်ချရုံဖြင့် ကျောင်းသားလှုပ်ရှားမှု ရပ်တန့်သွားမည် မဟုတ်ဘဲ မတရားသည့် စစ်အာဏာရှင်များကို ဆက်လက်ဆန့်ကျင် တိုက်ပွဲဝင်သွားမည်ဟု ဗကသ နိုင်ငံခြားရေးရာကော်မတီက ကြေညာချက်ထုတ်ပြန်သည်။

ကိုမင်းနိုင်က “နအဖစစ်အုပ်စုကတော့ သူ့အာဏာကို ထိပါးမယ်ထင်လို့ရှိရင် ဘယ်သူ့ကိုမှ ညှာတာမှာမဟုတ်ဘူး။ ဖမ်းဖို့ဆီးဖို့ အမြဲတမ်းကြိုးစားနေမှာပဲ။ ဒါပေမယ့် ဘယ်လိုပဲ ကြိုးစား ကြိုးစား လူငယ်မျိုးဆက်ဆိုတာ အဆက်ပြတ်သွားတာမဟုတ်ဘူး။ ကျောင်းသားမျိုးဆက်ဆိုတာ ဆက်ပြီးရှိနေဦးမှာပဲ။ တဗိုလ်ကျတဗိုလ်တက်ပေါ့။ လက်ဆင့်ကမ်းပြီး ဒီတာဝန်ကို ဆက်ပြီးယူသွားကြမှာပဲ” ဟု ပြောသည်။

စစ်အာဏာပိုင်များသည် နိုင်ငံရေးအကျဉ်းသားများကို နှိပ်စက်ညှဉ်းပန်းရာ၌ နာမည်ကြီးပြီး ဖမ်းဆီးပြီးနောက် စစ်ကြောရေးကာလတွင် အဆိုးရွားဆုံးဆက်ဆံလေ့ရှိသဖြင့် ဖမ်းဆီးခံရသည့် ကျောင်းသားခေါင်းဆောင်နှစ်ဦးအတွက် အလွန်အမင်းစိုးရိမ်ပူပန်မိကြောင်း နိုင်ငံရေး အကျဉ်းသားများကူညီစောင့်ရှောက်ရေးအသင်း (မြန်မာနိုင်ငံ) က ယနေ့ ထုတ်ပြန်ကြေညာသည်။ ။

‘ဘုန်းဘုန်းချမှ လုံးလုံးရမယ်‘သံချပ်အခွေ စတင်ဖြန့်ချိနေပါပြီ

မိတ်ဆွေများခင်ဗျား...



ဘုန်းဘုန်းချမှ လုံးလုံးရမယ် အမည်ရ မြန်မာ့ရိုးရာအတာသင်္ကြန် တိုက်ပွဲခေါ်သံချပ်ခွေကို အိန္ဒိယရောက် မြန်မာ့ဒီမိုကရေစီအင်အားစုများက စတင်ဖြန့် ချိနေပါပြီ။

နားသောတဆင်လိုသူတွေများ၊ ၀ယ်ယူအားပေးဖြန်ချိလိုသူများအနေနဲ့ 
yeyintaung@gmail.com သို့ဆက်သွယ်မှာယူနိုင်ပါတယ်။

စာသားစာအုပ်၊ စီဒီတချပ် ဒါမှမဟုတ် ကက်ဆက်ခွေတခွေနဲ့  ကာဗာပို့ပေးမှာဖြစ်ပါတယ်။
(မရောက်ရောက်အောင် ပေးပို့ သွားမှာဖြစ်ပါတယ်)

လေးစားစွာဖြင့်
မြန်မာ့ဒီမိုကရေစီအင်အားစုများ
နယူးဒေလီ (အိန္ဒိယ)

Tuesday, March 18, 2008

နိုးထချိန် တန်ပေပြီ


နေ့က တိဗက်ပြည်ကို တရုတ်ဝင်သိမ်းတာ (၄၉) နှစ်မြောက် ပြည့်တဲ့ အထိမ်းအမှတ်နဲ့ ပြည်ပရောက် တိဗက်လူမျိုးတွေ တရုတ် အစိုးရဆန့်ကျင်ရေး လှုပ်ရှားမှုများ ကမ္ဘာအနှံ့ ဆိုသလို ဆောင်ရွက်ကြတာကို တွေ့ရပါတယ်။ ဒါ့အပြင် တရုတ်မှာ သည်နှစ် လုပ်မဲ့ အိုလံပစ်ပွဲတော်ကို ဆန့်ကျင်ဆန္ဒပြ ကြတာလည်း ဖြစ်ပါတယ်။ တရုတ်သိမ်းပိုက် ထားတဲ့ တိဗက်နိုင်ငံရဲ့ မြို့တော် လာဆာမှာလည်း တိဗက်ဘုန်းတော်ကြီး (၃၀၀) ခန့် တရုတ် သိမ်းပိုက် ထားခြင်းကို ဆန့်ကျင်တဲ့ ဆန္ဒပြပွဲတွေ လုပ်ခဲ့ လို့ ဘုန်းတော်ကြီး ငါးဆယ်၊ ခြောက်ဆယ်လောက် အဖမ်းခံရတယ် ဆိုတာလည်း ကြားသိရပါတယ်။

တိဗက်တို့ရဲ့ အဝေးရောက်မြို့တော်လို့ ဆိုရမဲ့ အိန္ဒိယနိုင်ငံမြောက်ပိုင်း တောင်ပေါ်ဒေသမှာ တည်ရှိတဲ့ ဒြရမ်ဆာလာမြို့ မှာလည်း ဒလိုက်လားမားကိုယ်တိုင် တိဗက်လူမျိုးများကို ဟောပြောပါတယ်။ မူလက ဒလိုင်လားမားရဲ့ ပေါ်လစီ က တရုတ် လက်ကနေ လုံးဝလွတ်လပ်ရေး ရဖို့ ဖြစ်ပါတယ်။ သို့သော် အခုအခါမှာတော့ ဒလိုင်လားမားရဲ့ တောင်းဆိုချက်က တိဗက် ဒေသဟာ စစ်မှန်တဲ့ ကိုယ်ပိုင်အုပ်ချုပ်ရေးရ ဒေသဖြစ်ဖို့သာ တောင်းဆိုပါတယ်။
မူရင်း- ရွက်မွန်ဘလောက်မှ ကူးယူဖေါ်ပြပါသည်။

အိန္ဒိယနိုင်ငံရဲ့ မြို့တော် နယူးဒေလီမှာလည်း တိဗက်တွေ အမြောက်အများ တရုတ်သံရုံးရှေ့မှာ ဆန္ဒပြကြပါတယ်။ အလားတူပဲ နီပေါနိုင်ငံ ခတ္တမန်ဒူ မြို့တော်မှာလည်း တိဗက်လူမျိုးများ စုရုံးဆန္ဒပြခဲ့ပါတယ်။ အမေရိကန်မှာ ဆိုရင်လည်း ဆန်ဖရစ်စစ္စကို မြို့တော်မှာ ပြကြပါတယ်။ လန်ဒန်မှာလည်း တရုတ်သံရုံးရှေ့မှာ တိဗက်တွေ ဆန္ဒပြကြပါတယ်။ အိုလံပစ် ပွဲတော် မွေးဖွားရာ ဖြစ်တဲ့ ဂရိနိုင်ငံ အိုလံပီယာတောင်ခြေ မှာလည်း တိဗက်အားကစားသမား တဖွဲ့ အိုလံပစ် မီးရှုးတိုင်ကို ကိုယ်တိုင်မီးညိလို့ သူတို့ရဲ့ ဆန္ဒကို ပြသခဲ့ကြပါတယ်။

တိဗက်ပြည်ကို တရုတ်တွေ ၁၉၅၉ မှာဝင်ရောက် သိမ်းပိုက်ခဲ့ပါတယ်။ အဲသည်ကတည်းက ဘာသာရေးခေါင်းဆောင် လည်း ဖြစ် နိုင်ငံရေးခေါင်းဆောင်လည်း ဖြစ်တဲ့ ဒလိုင်လားမား ထွက်ပြေးလာခဲ့ရတာ ဖြစ်ပါတယ်။ ထွက်ပြေးလာခဲ့တဲ့ တိဗက်လူစု လူဝေးကြီးကို အဲသည်တုံးက အိန္ဒိယနိုင်ငံရဲ့ ၀န်ကြီးချုပ်ဖြစ်သူ နေရူးက ဒြရမ်ဆာလာ ဆိုတဲ့ တောင်ပေါ် မြို့ကလေးမှာ အခြေချ နေထိုင်ခွင့်ပေးခဲ့တာ အခုအထိ ဖြစ်ပါတယ်။ တိဗက်တို့ရဲ့ ဒုတိယအိမ်လို့ ဆိုရင်လည်း ဆိုနိုင်ပါ တယ်။ တိဗက်ပြည်မှာ တရုတ်အစိုးရ သိမ်းပိုက်ထား ကတည်းက အခုအထိ တိဗက်လူမျိုးတွေအဖို့ ဘာ တိုးတက်ဖွံ့ဖြိုးမှု ကိုမှ မခံစားရပါဖူး။ ဒါ့အပြင် လူ့အခွင့်အရေး ချိုးနှိမ်ဖိနှိပ်တာတွေကို ဆက်လက်ခံစားနေရပါတယ်။

တချိန်တည်း မှာလည်း တရုတ်လူမျိုးတွေ အလုံးအရင်းနဲ့ တိဗက်ဒေသကို လှိမ့်ဝင်လာနေပါတယ်။ ကြာရင် တိဗက်လူ မျိုးတွေ တစတစနဲ့ လုံးပါးပါးလာပြီး လာဆာမြို့တော်ဟာ နောက်ထပ် တရုတ် မြို့တော်ကြီး တခုဖြစ်လာ တော့မှာပါ။ တိဗက်ဒေသကို နိုင်ငံရေး၊ စီးပွားရေး၊ လူမှုရေး စိတ်ကြိုက်မောင်ပိုင် စီးနိုင်ဖို့အတွက် တရုတ်အစိုးရဟာ ရထားလမ်းကြီး ဖေါက်ခဲ့ပါတယ်။ ပီကင်းကနေ လာဆာမြို့တော်ကို တိုက်ရိုက်သွားနိုင်တဲ့ ရထားလမ်းကြီး ဖြစ်ပါတယ်။ ၂၀၀၆ ခုနှစ်မှာ အပြီးသတ်လို့ ဖွင့်လှစ်ခဲ့ ပါတယ်။ အခုဆိုရင် လာဆာမြို့တော်ကို တရုတ်တွေ ကြိုက်သလို ဒလဟော သွားနိုင်နေပါပြီ။

မန္တလေးကို နောက်ဝင်လာတဲ့ တရုတ်တွေ ၀င်ပြီးမောင်ပိုင် စီးသလိုမျိုးနဲ့ ခပ်ဆင်ဆင် တူတယ်လို့တောင် ပြောလို့ ရပါတယ်။တရုတ်သိမ်းပိုက်ခံရတဲ့ နှစ်တွေကစလို့ တိဗက်လူမျိုးတွေဟာ သူတို့တိုင်းပြည် လွတ်မြောက်ရေးအတွက် နည်းလမ်း ပေါင်းစုံ သုံးပြီးတိုက်ပွဲဝင်ခဲ့ပါတယ်။ အခုအထိလည်း ကမ္ဘာတလွှားမှာ ရောက်ရှိနေတဲ့ တိဗက်လူမျိုးတွေက တိဗက် ပြည်လွတ် မြောက် ရေးအတွက် လှုပ်ရှားမှုမျိုးစုံနဲ့ အတူ တိုက်ပွဲဝင်နေဆဲပါ။ အခုသည်နှစ်မှာတော့ တရုတ်မှာကျင်းပ ပြုလုပ်မဲ့ အိုလံပစ်ပွဲတော်ကို သပိတ်မှောက်ဖို့ လှုပ်ရှားနေပါတယ်။ အိုလံပစ်ပွဲတော် အနှောင့်ယှက်ခံရမှာကို တရုတ် အစိုးရအနေနဲ့ အလွန်စိုးရိမ်နေတဲ့ ကာလလည်း ဖြစ်ပါတယ်။

ကိုင်း ကျနော်တို့ မြန်မာပြည် ဒီမိုကရေစီ အရေးအတွက် နိုင်ငံတကာမှာ လှုပ်ရှားနေတဲ့ မြန်မာပြည်သားများ တိဗက်တို့ရဲ့ လှုပ်ရှားမှုများမှာ ၀င်ရောက်ပူးပေါင်း ဆောင်ရွက်တာများ ရှိပါသလား ဆိုတာ ကြည့်ရအောင်ပါ။

နယူးဒေလီမှာ မြန်မာပြည်သားတွေ အနည်းဆုံး ငါးရာနဲ့ တထောင်ကြားမှာ ရှိပါတယ်။ မြန်မာ အဖွဲ့အစည်းတွေလည်း အများ ကြီး ရှိပါတယ်။ ပြီးခဲ့တဲ့ရက် တိဗက်တွေ တရုတ်သံရုံးရှေ့ မှာ ဆန္ဒပြတော့ မြန်မာပြည်သား ဘယ်နှစ်ယောက် ပါဝင် ပူးပေါင်း ပါသလဲ။ ဘာသံမှ မကြားရပါ။ အနည်းဆုံး မြန်မာ အဖွဲ့အစည်းများကနေ ထုတ်တဲ့ ကြေငြာချက်တောင်မှ မတွေ့ရပါ။ အိန္ဒိယ မှာ ဆန္ဒပြရုံနဲ့ကတော့ ပုလိပ်မဖမ်းပါ။

ထိုင်းနိုင်ငံနှင့် ယှဉ်လိုက်ပါက အိန္ဒိယနိုင်ငံဟာ အတော်ကြီး လွတ်လပ်သည် ဟုတောင် ပြော၍ရပါတယ်။ဒါဖြင့်ရင် အမေရိကန် အနောက်ဖက်ချမ်းမှာ ရှိတဲ ဆန်ဖရန်စစ္စကိုမြို့တော် မှာကော မြန်မာဘယ်လောက် တိဗက်တွေ နှင့် ပူးပေါင်း ဆန္ဒပြခဲ့ပါသလဲ။ ဘာသံမှ မကြားရပါ။ ဆန္ဒပြတဲ့ နေရာမှာ အမေရိကန်ထက် လွတ်လပ်တဲ့ တိုင်းပြည်မရှိ တော့ပါ။ မြန်မာနိုင်ငံရေး အဖွဲ့အစည်းများ အမေရိကန် မြေပေါ်တွင်အများအပြားရှိနေပါတယ်။ သို့သော် ဘာကြောင့် မြန်မာများ တိဗက်များနှင့် ပူးပေါင်း၍ အိုလံပစ်သပိတ်မှောက်ရေး မလုပ်ကြသနည်း။ မိမိတို့သည်လည်း လွတ်လပ်သည့် အမေရိကန် နိုင်ငံတွင် အခြားသူများလို အခြေချ နေထိုင်နေသည်ပဲ။

အဲသလိုဆိုရင် အင်္ဂလန်နိုင်ငံ လန်ဒန်မြို့မှာ တိဗက်တွေ တရုတ်သံရုံးရှေ့ ဆန္ဒပြတော့ မြန်မာပြည်သား ဘယ်နှစ်ယောက် ပါသလဲဆိုတာ ဆန်းစစ်ကြည့်တော့ ဘာသံမှ မကြားရပါ။ လန်ဒန်မှာ မြန်မာစစ်အစိုးရကို ဆန့်ကျင်နေတဲ့ အဖွဲ့အစည်းများ အများကြီးရှိပါတယ်။ လန်ဒန်မှာ အခြေစိုက်နေတဲ့ မြန်မာပြည်သား များလည်း ထောင်နှင့်ချီ၍ ရှိနေ ပါတယ်။ သို့သော် မြန်မာ ပြည်သားများ ဘယ်ရောက်နေကြသနည်း။ အင်္ဂလန်နိုင်ငံဟာ ပါလီမန် ဒီမိုကရေစီရဲ့ ဘိုးအေ နိုင်ငံ ဖြစ်ပါတယ်။ ဆန္ဒပြလို့ ဘယ်ရဲ ဘယ်ပုလိပ်ကမှ မဖမ်းပါ။ဒီမိုကရေစီထွန်းကားပြီး လွတ်လပ်တဲ့ နိုင်ငံများမှာ အခြေခြနေထိုင်ခွင့် ရသူများဖြစ်ပါရက်နှင့် ဘာဖြစ်လို့ တိဗက်ကိစ္စ မှာ ပူးပေါင်းဆောင်ရွက်ခြင်း မရှိတာလဲဆိုတာကတော့ စဉ်းစားရတာ အတော်လေး ဂွတီးဂွကျ နိုင်လှပါတယ်။

အီးမေးတွေ ထဲမှာ တော့ အဝေးရောက် မြန်မာပြည်သားများ အနေဖြင့် တရုတ်အိုလံပစ်ကို ဘယ့်နှယ့်လုပ်မယ် ညာ့နှယ့်လုပ်မယ် သပိတ်မှောက် ပြစ်ရမယ် ဆိုတဲ့ အသံတွေက လှိုင်နေအောင်ကြားရတာ အတော်လေးကြာပါပြီ။ သည်အရေးမှာ ဘာကြောင့် တိဗက်များနှင့် ပူးပေါင်းဆောင်ရွက်ခြင်း မရှိကြသလဲ။ တိဗက်နှင့်မြန်မာပြည်သားများ ပူးပေါင်းဆောင်ရွက် ပါက အိုလံပစ်သပိတ်မှောက်ရေး လှုပ်ရှားမှုသည် ပို၍ ကြွတက်မလာနိုင်သလော။ ကျန်သည့် ကမ္ဘာ့မိသားစုဝင် များကို ပို၍မဆွဲဆောင်နိုင်ပြီလော။

ကျနော်တို့သည် သူများအရေးကိုလည်း ၀င်ရောက်ပူးပေါင်း ဆောင်ရွက်ဖို့လိုပါတယ်။ ဒါမှ အခြားသူများကလည်း မိမိ အရေး ကို ပူးပေါင်းဆောင်ရွက်လာကြမည်။ သည့်အတွက် ပို၍အားကောင်းလာမည်။ အသွားရှိမှ အပြန် ရှိမည့်သဘော။ ကိုယ့်ဥက ပေါက်သည့် သားကိုမှသာ သားထင်ခြင်းသည် ကျယ်ကျယ်ပြန့်ပြန့် ဆောင်ရွက်ရမည့် အရေးအရာ များတွင် အတားအဆီး သဖွယ်ဖြစ်တတ် တာကို ဆင်ခြင်သင့်ပါတယ်။

ဆူဒန်နိုင်ငံ ဒါဖောကိစ္စတုံးကလည်း အဝေးရောက်မြန်မာ အဖွဲ့အစည်းများနှင့် မြန်မာပြည်သားများ ပူးပေါင်း ဆောင်ရွက်တာ မျိုးမရှိခဲ့ပါ။ အဲသည်တော့ ကိုယ့်အရေးကိုလည်း ဆူဒန်တွေက အဖက်လုပ်မည်မဟုတ်။ မိမိတို့တွင် ပူးပေါင်း ဆောင်ရွက် နိုင်သည့် လွတ်လပ်သည့် အခြေအနေမျိုးရှိပါတယ်။

သို့အတွက် အဖိနှိပ်ခံ အချင်းချင်း ပူးပေါင်းဆောင်ရွက် ဖို့လိုပါတယ်။ တယောက်အားမှ တရာအားသို့ ဆိုသလိုပါပဲ။အဝေးရောက် မြန်မာပြည်သားများ နိုးထကြကုန်လောဟု စေတနာရိုးရိုးဖြင့် နိုးဆော်လိုက်ရပါတယ်။

ဇော်မင်း (လူ့ဘောင်သစ်)
၁၁၊ ၀၃၊ ၂၀၀၈

မူရင်း- ရွက်မွန်ဘလောက်မှ ကူးယူဖေါ်ပြပါသည်။



NLDအဖွဲ့ ချုပ် အထူးကြေညာချက် ၃၊ ၀၃၊ ၀၈

Sunday, March 16, 2008

မြန်မာပြည်မှတ်တမ်းရုပ်ရှင်အကြောင်း ဂျပန်သတင်းဌာနတွင် ထုတ်လွှင့်တင်ဆက်


ဂျပန်နိုင်ငံအခြေစိုက် BS1 သတင်းဌာနမှ မြန်မာပြည်မှတ်တမ်းရုပ်ရှင်(In the shadow of the Pagodas, The other Burma)ကိုသက်စွန့်ဆံဖြားရိုက်ကူးခဲ့သော အိုင်းရစ်လူမျိုး ဒါရိုက်တာ Irene Martyနှင့် တွေ့ဆုံမေးမြန်းထားမှုကို ပြန်လည်မျှဝေဖြန့်ချီလိုက်ခြင်းဖြစ်ပါသည်။

နအဖကြေငြာချက်များအပေါ် ဂျပန်နိုင်ငံရှိ ဒီမိုကရေစီအင်အားစုများ ဆန့်ကျင်ကန့်ကွက်ပွဲပြုလုပ်

နအဖရေးဆွဲထားသည့် ဖွဲ့စည်းပုံအခြေခံဥပဒေနှင့်ပါတ်သတ်၍ ထုတ်ပြန်ကြေငြာထားသည့် ကြေငြာချက်အမှတ်(၁/၂၀၀၈)နှင့် (၂/၂၀၀၈)တို့ကို အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ) ဂျပန်ဌာနခွဲမှကြီးမှူး၍ ဆန့်ကျင်ကန့်ကွက်ရှုတ်ချပွဲတရပ်ကို တိုကျိုမြို့၊ အီကဲဘုခုရိုရှိ ကူမင်းစင်တာ (၄)ထပ်တွင် ပြုလုပ်ကျင်းပပြုလုပ်ခဲ့ပါတယ်။အဆိုပါပွဲတွင် အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ) ဂျပန်ဌာနခွဲမှ ဥက္ကဌ ဦးသန့်ဇင်ဦးမှ သဘာပတိအဖြစ်ဆောင်ရွက်ပြီး အခမ်းအနားမှူးအဖြစ် ဦးသောင်းမြင့်ဦးမှဆောင်ရွက်ကာ ဂျပန်ရှိ ဒီမိုကရေစီအရေးလှုပ်ရှားသူများ၊ တိုင်းရင်းသားအဖွဲ့အစည်းများမှ တာဝန်ရှိသူများနှင့် စိတ်ပါဝင်စားသူများ တက်ရောက်လာတာကို မြင်တွေ့ရပါတယ်။

တက်ရောက်လာကြသူများမှ နအဖစစ်အစိုးရ ရေးဆွဲထားသည့် ဖွဲ့စည်းအုပ်ချုပ်ပုံ အခြေခံဥပဒေကို လာမည့်မေလတွင် လူထုဆန္ဒခံယူပွဲပြုလုပ်ရန်အတွက် ထုတ်ပြန်ကြေငြာခဲ့ခြင်းအပေါ် တရားမျှတမှုမရှိသည့်အပြင်၊ ပြည်သူ၏စစ်မှန်သောသဘောဆန္ဒမပါရှိသည့်အတွက် ယခုအခမ်းအနားတွင် ဂျပန်ရောက်မြန်မာ့ဒီမိုကရေစီအရေး ကြိုးပမ်းဆောင်ရက်နေသူများမှ တညီတညွတ်တည်း ကြေငြာချက်တရပ်ထုတ်ပြန်၍ ဆန့်ကျင်ကန့်ကွက်ခဲ့ကြကြောင်း သတင်းရရှိသည်၊

သတင်းဓါတ်ပုံ-မင်းညိုဝမ်း(MTK)၊ သန့်မျိုးထွေး(MTK)

G-20 အစည်းအဝေးတွင် မြန်မာပြည်အကြောင်း စာရွက်ဖြန့်ဝေ



ကမ္ဘာကြီးပူနွေးလာနေမှုနှင့် သဘာဝပတ်ဝန်းကျင်များ ပျက်စီးပြုန်းတီးနေမှုကို ထိန်းသိမ်းပြုလုပ်ဖို့ G-20 လို့အမည်တပ်ထားတဲ့ စက်မှုဖွံ့ဖြိုးတိုးတက်သည့်နိုင်ငံ ၂၀ ကျော်မှ နိုင်ငံခြားရေးဝန်ကြီးများအဆင့် အစည်းအဝေးကို ဂျပန်နိုင်ငံ၊ ချီးဘခရိုင်ရှိ Makuhari International Conference Hallတွင် ကျင်းပပြုလုပ်ခဲ့ရာ ဂျပန်နိုင်ငံရောက် မြန်မာဒီမိုကရေစီရေးလှုပ်ဆောင်နေကြသူများက မြန်မာပြည်တွင်း သဘာဝသစ်တောများ ခုတ်လှဲရောင်းစားခံနေရမှုနှင့်၊ သံလွင်မြစ်တလျှောက်ပတ်ဝန်းကျင်မှ သဘာဝအလှများ ဖျက်ဆီးခံနေရမှုများကို အကာအကွယ်ပေးရန် သွားရောက်လှုံ့ဆော်ခဲ့ကြပါတယ်။

အဆိုပါလှုံ့ဆော်ခဲ့ကြသူများက မြန်မာပြည်အခြေအနေအကြောင်းများ၊ သဘာဝသယံဇာတများနှင့် သစ်တောများကို စစ်တပ်အင်အားဖြည့်တင်းဖို့ တရုတ်နိုင်ငံသို့ လက်နက်နှင့်လဲလှယ်နေမှုများ၊ မဲခေါင်မြစ်ဝှမ်းတလျှောက် သဘာဝအလှများကို ဥပဒေမဲ့ဖျက်စီးနေများနှင့် တိုင်းရင်းသားလူမျိုးစုများကို နှိပ်စက်ညှင်းပန်းသတ်ဖြတ်နေမှုများအကြောင်းတို့ကို ဂျပန်-အင်္ဂလိပ်နှစ်ဘာသာဖြင့် ရေးသား၍ ဖြန့်ဝေခြင်း၊ ပိုစတာများကိုင်ဆောင်၍ တောင်းဆိုခြင်းများပြုလုပ်ခဲ့ကြတယ်လို့ သိရှိရပါတယ်။
ပေးပို့သူ- မင်းညိုဝမ်း(MTK)

မိုင် ၃၀၀၀ ခရီးရှည်ချီတက်ပွဲသတင်း

၁၄ ရက်မြောက် ခရီးရှည်ချီတက်ခြင်း



အမိမြန်မာပြည် စစ်အာဏာရှင်စနစ်အောက်က လွတ်မြောက်ရေး၊ဒီမိုကရေစီရရှိရေး၊ငြိမ်းချမ်းရေး တို့အတွက်၊မိုင်ပေါင်း(၃၀၀၀)ကျော်ချီ တက်နေတဲ့ ၈၈မျိုးဆက်ကျောင်းသား ရဲဘော်အေသင်နဲ့ ရဲဘော်ဇော်မင်းထွေးတို့ နှစ်ဦးရဲ့ခရီးရှည်ချီတက်နေမှုဟာ ယနေ့ဆိုလျှင်(၁၄) ရက် မြောက် ရှိခဲ့ပြီး မိုင်ပေါင်း(၂၇၀)ကျော်ကို ဖြတ်သန်းခဲ့ပါတယ်။

Oregonပြည်နယ်၊(Emigrant Mountain)ကိုစတင်ဖြတ်ကျော်စမှာပဲ၊ နှင်းမိုးတွေသဲသဲမဲမဲ ရွာတာနဲ့ ကြုံရပါတယ်၊ သွေးခဲမတတ်အေးစိမ့် နေကြောင်း ကြားသိရပါတယ်၊ လွန်ခဲ့တဲ့ နှစ်ရက်လောက်ကဆို တည်းခိုစရာ မြို့ ရွာတွေနဲ့ ဝေးနေတဲ့အတွက် လမ်းဘေးက လူမနေတဲ့ အိမ်ငယ်လေးမှာ အိပ်စက်ခဲ့ရကြောင်း သိရပါတယ်၊ ရာသီဥတုကတော့ ယနေ့အထိ ဆိုးနေဆဲ နှင်းကျနေမြဲပါ၊ မြူတွေကျနေလို့ လမ်းရှေ့ ခပ်လှမ်းလှမ်းကိုတောင် မမြင်ရဘူးလို့ဆိုပါတယ်။



ရာသီဥတုက ဆိုးနေတဲ့အတွက် ၃/၄ ရက်လောက်အနားယူဖို့ အခြားရဲဘော်များက ဖုန်းနဲ့ ဆက်သွယ်ပြီး အကြံပြုပြောဆိုကြပေမယ့် ရဲဘော်အေသင်တို့ကတော့ မရပ်မနား ဆက်လက်ချီတက်မှာဖြစ်ကြောင်း ပြောပါတယ်။ အခုလို အပင်ပမ်းခံ ဒုက္ခခံနေတာဟာ အမိမြန် မာနိုင်ငံနဲ့ ပြည်သူလူထုအတွက်ဖြစ်ကြောင်း ပြောပါတယ်။ ယခု လှူပ်ရှားချီတက်နေမှုဟာ နအဖ စစ်အာဏာရှင် အစိုးရရဲ့ရက်စက် ကောက်ကျစ် ယုတ်မာလှည့်စားနေမှုကို ကမ္ဘာက ပိုမိုအာရုံစိုက် သိရှိလာဖို့နဲ့၊ မကြာမီ ကျင်းပတော့မယ့် တရုတ်အိုလံပစ် အားကစား ပွဲတော်ကို သပိတ်မှောက်ကြဖို့ လှုံ့ဆော်တာလည်း ဖြစ်ကြောင်းပြောပါတယ်။
သူတို့နှစ်ဦးကတော့ မလျှော့သော ဇွဲ လုံ့လ ၀ရိယတွေနဲ့ ပန်းတိုင်အရောက် ဆက်လက်ချီတက်နေဆဲပါ။ မြန်မာပြည်သူများအနေဖြင့် သူ တို့ရဲ့ခရီးရှည် ချီတက်နေမှုကို ၀ိုင်းဝန်းထောက်ခံကြဖို့ သတင်းပေးပို့ပါတယ်။

ကျောင်းသားတပ်မတော်ရဲဘော်ဟောင်းတဦး

(ခရီးရှည်ချီတက်နေသူများကို ထောက်ခံအသိအမှတ်ပြုသည့်အနေဖြင့် အောက်ပါလိပ်စာတွင်ဝင်ရောက်၍ အားပေးလက်မှတ်ထိုးပေးကြပါရန် လေးစားစွာဖြင့် ဖိတ်ကြားအပ်ပါသည်)

http://www.petitiononline.com/walkfree/petition.html

လူအများအထူးစိတ်ဝင်တစားကြည့်ရှုအားပေးကြတဲ့ မြန်မာပြည်မှတ်တမ်းရုပ်ရှင်



ဆွစ်ဇလန်လူမျိုးဒါရိုက်တာ Irene Marty ရိုက်ကူးထားသည် In the shadow of the Pagodas, The other Burmaရုပ်ရှင်ကို တိုကျိုမြို့၊ Shibuyaအရပ်ရှိ UPLINK တွင် ယနေ့ မတ်လ(၁၅)ရက်နေ့မှစ၍ ရုံတင်ပြသခဲ့ရာ မြန်မာလူမျိုးများသာမက ဂျပန်လူမျိုးများပါ စိတ်ဝင်တစား ကြည့်ရှုအားပေးလျက်ရှိကြောင်း သိရသည်၊

ယင်းရုပ်ရှင်မှာ ဘုရားကျောင်းကန်အရိပ်များဖြင့် တည်ငြိမ်မ၍ရှိသယောင်ထင်ရသော မြန်မာနိုင်ငံ၏ နယ်စပ်ဒေသများတွင်နေထိုင်သည့် တိုင်းရင်းများဖြစ်သည့် ရှမ်း၊ ကရင်စသည့် တိုင်းရင်းသားများအပေါ် နအဖစစ်တပ်မှ တိုက်ခိုက်မှုကြောင့် နယ်စပ်သို့ထွက်ပြေးတိမ်းရှောင်နေရသည့် မိသားစုများ၊ ကလေးငယ်များနှင့် ၄င်းတို့၏ ဘ၀အနာဂါတ်ပျောက်ဆုံးနေရသည့် အခြေအနေများကို မှတ်တမ်းအဖြစ် ရိုက်ကူထားခြင်းဖြစ်သည်။
ထို့အပြင် ယုံကြည်ချက်အတွက် ခက်ခဲကြမ်းတမ်းစွာ ရှင်သန်တိုက်ပွဲနေကြသည့် ကျောင်းသားတပ်မတော်ရဲဘော်များ၏ ဘ၀ရပ်တည်မှုအခြေအနေများအကြောင်း၊ အသက်လုပ်ပြီး ထွက်ပြေးတိမ်းရှောင်နေရသည့် မြန်မာဒုက္ခသည်အများအကြောင်းတို့လည်း တင်ပြထားသည်။



ပြသချိန် (၇၄ )မိနစ်ကြာမြင့်သည့် အဆိုပါရုပ်ရှင်ကို စီးပွားရေးအရမဟုတ်ဘဲ မြန်မာနိုင်ငံ၏ ပကတိအခြေနေအမှန်များကို ဂျပန်လူမျိုးများပိုမိုနားလည်သိရှိစေရန် လူမှုရေးစိတ်ဓါတ်ဖြင့် ပြသခြင်းဖြစ်ကြောင်း မှတ်တမ်းရုပ်ရှင်ပြသသည့်အဖွဲ့မှ အမည်မဖော်လိုသူ တာဝန်ခံဂျပန်လူမျိုးတစ်ဦးမှ ရှင်းပြသည်၊

‘‘ကျမတို့အနေနဲ့ မြည်မာပြည်အကြောင်း သိတော့သိတယ်။ ဒါပေမဲ့လို့ အခြေနေတွေက ဒီလောက်အထိ ဆိုးနေတယ်လို့ မထင်မိဘူး၊ ဒီရုပ်ရှင်ကို ကြည့်မှဘဲ အပေါ်ယံမှာ မြန်မာပြည်ဟာ ငြိမ်းချမ်းနေသယောင်။ တိုးတက်နေသယောင် ရှိနေတယ်လို့ ထင်ရပေမယ့် မိမိလူမျိုးအချင်းချင်း အငြိုးအတေးကြီးစွာနဲ့ ရက်စက်သတ်ဖြတ်နေတဲ့ မြင်ကွင်းတွေ၊ ဖိနှိပ်မှုကြောင့် ဒုက္ခတွေခံစားနေရတဲ့ မြန်မာပြည်သူတွေရဲ့ဘ၀အမှန်ကို အခုမှ နားလည်မိပါတယ်…‘‘ဟု စာအုပ်ထုပ်ဝေရေးလုပ်ကိုင်သူ ရုပ်ရှင်ကြည့်ဂျပန်အမျိုးသမီးတစ်ဦးက သူမရဲ့အမြင်ကို ပြောပြသွားခဲ့သည်၊

ယခုပြသသည့် မှတ်တမ်းရုပ်ရှင်ကားကို ဒါရိုက်တာ Irene Marty မှ ၁၉၉၈ ခုနှစ်မှစ၍ ၂၀၀၄ ခုနှစ်အထိ (၆)နှစ်ကြာ အချိန်ယူရိုက်ကူးခဲ့ရသည်၊ ပြည်တွင်းရိုက်ကွက်များအတွက် မြန်မာနိုင်ငံ အတွင်းသို့ အကြိမ်ကြိမ်ဝင်ရောက်ရိုက်ကူးခဲ့ရပြီး နယ်စပ်ရိုက်ကွက်များအတွက် ထိုင်းနယ်စပ်မှ ၀င်ရောက်၍ ခက်ခက်ခဲခဲ ရိုက်ကူးခဲ့ရကြောင်း သိရှိခဲ့ရသည်။

ပေးပို့သူ-သန့်မျိုးထွေးMTK

Saturday, March 15, 2008

တိဗက်မြို့တော်တွင် ဘုန်းတော်ကြီးများ၏ လှုပ်ရှားမှုကို တရုတ် အာဏာပိုင်များက နှိမ်နှင်း

တိဗက် သံဃာတော်တွေရဲ့ လာဆာမြို့တော်က အကြီးဆုံး ဗုဒ္ဓဘာသာ ဘုန်းတော်ကြီးကျောင်း သုံးကျောင်းကို ထောင်နဲ့ချီတဲ့ တရုတ် ရဲတပ်ဖွဲ့နဲ့ လုံခြုံရေး တပ်ဖွဲ့တွေက သိမ်းပိုက် ချိတ်ပိတ်လိုက်တာကြောင့် ပြီးခဲ့တဲ့ ရက်တွေက မြို့တော် လာဆာမှာ တင်းမာမှုတွေ ကြီးထွားလာခဲ့ရတာပါ။ ပြီးခဲ့တဲ့ တနင်္လာနေ့ကစလို့ အနှစ် ၂၀ အတွင်း အကြီးမားဆုံး တရုတ် ဆန့်ကျင်ရေး ဆန္ဒပြပွဲတွေ တိဗက် သံဃာတော်တွေရဲ့ ဦးဆောင်မှုနဲ့ လာဆာမြို့တော်မှာ ပေါ်ပေါက်လာခဲ့ရတာပါ။ လာဆာမြို့တော်မှာ တိဗက်ကို တရုတ်က ကျူးကျော် သိမ်းပိုက်ထားတာ ၄၉ နှစ်ပြည့် အထိန်းအမှတ် လူထုအုံကြွမှုအဖြစ် တိဗက်သံဃာတော်တွေ ဦးဆောင်ပြီး ဆန္ဒပြဖို့ ကြိုးစားကြတာ အခုဆို မအောင်မမြင်လည်း ဖြစ်ခဲ့ရတာပါ။

“ဒါကတော့ တိဗက်လူထုက စိတ်ကုန်စိတ်ပျက် သည်းမခံနိုင်ကြတော့တာကို ပြတာပဲလေ။ ဒါ့အပြင် တရုတ်မှာလုပ်မယ့် ကမ္ဘာ့အိုလံပစ် အားကစားပွဲကို ကမ္ဘာက အာရုံစိုက်နေကြတာကို တိဗက် ပြည်သူတွေက ကောင်းကောင်းသိနေကြတော့ ဒီအခွင့်အရေးကို သူတို့က အမိအရ အသုံးချကြတာပေါ့ဗျာ။ ဒါမျိုးက လွန်ခဲ့တဲ့ ၁၀ နှစ်အတွင်း ဘယ်လိုမှ မဖြစ်နိုင်တဲ့ ကိစ္စမျိုး သိပ်ကို တင်းကြပ်ထားတဲ့ ဆန္ဒပြတာမျိုးကို တိဗက်ပြည်သူတွေ ကြိုးစားခဲ့ကြတာပဲလေ။”
အခုလို တိဗက်သံဃာတော်တွေရဲ့ လှုပ်ရှားမှုတွေ ကျယ်ကျယ်ပြန့်ပြန့် ထွက်မလာခင် ကမ္ဘာကျော် သံဃာတော်တွေရဲ့ လှုပ်ရှားမှုတစ်ခုကတော့ ပြီးခဲ့တဲ့နှစ် စက်တင်ဘာလတုန်းက မြန်မာနိုင်ငံမှာ ဖြစ်ပွားခဲ့တဲ့ ရွှေဝါရောင် တော်လှန်ရေးလို့ ခေါ်ကြတဲ့ လှုပ်ရှားမှုပါ။ အခုတခါ တိဗက်သံဃာတော် တွေရဲ့ အာဏာပိုင်တွေကို အံတုလှုပ်ရှားမှုတွေ ပေါ်ပေါက်လာရတာဟာလည်း မြန်မာ သံဃာတော်တွေရဲ့ လှုပ်ရှားမှုတွေကို ပြန်ပြောင်းအမှတ်ရစေပါတယ်။ အဲဒီတုန်းကလည်း မြန်မာလုံခြုံရေး အာဏာပိုင်တွေဖက်က အင်အားသုံး နှိမ်နှင်းခဲ့တာကို ခံခဲ့ရတာဖြစ်လို အခုလည်းပဲ တရုတ်အာဏာပိုင်တွေက အလားတူ အရေးယူဆောင်ရွက်တဲ့အပေါ် မြန်မာသံဃာတော်တွေ အနေနဲ့လည်း စိုးရိမ်မကင်း ဖြစ်နေကြရတာပါ။
ဆန္ဒပြပွဲအတွင်း သေဆုံးသူဦးရေမှာ (၁၀)ယောက်ဟု တရုတ်အစိုးရပိုင်သတင်းဌာနမှ ထုတ်ပြန်ကြေငြာသော်လည်း အမှန်တကယ်သေဆုံးသူဦးရေမှာ (၁၀၀)ခန့်ဖြစ်ကြောင်း cnnသတင်းအရသိရှိရပါသည်။
source ။ ။ voa

Freedom


Freedom
By Paul McCartney

မျိုးဆက်ကွာဟမှု


ဒီ ခေတ်မှာ ‘မျိုးဆက်ကွာဟမှု_’ ဆိုတဲ့ စကား တော်တော်ခံတွင်းတွေ့နေကြပါတယ်၊ ဘာကိစ္စမျိုးပဲ တွေ့လိုက် တွေ့လိုက် မျိုးဆက်ကွာဟမှုကြောင့်ဆိုပြီး ကောက်ချက်ဆွဲလိုက်ကြတာပဲ၊ စာပေယဉ်ကျေးမှုအနုပညာ အကြိုက်ချင်းမတူတဲ့ ကိစ္စပြောလည်း မျိုးဆက်ကွာဟမှုလို့ခပ်လွယ်လွယ် ကောက်ချက်ဆွဲလိုက်ကြတာပဲ၊
တကယ်တော့ ဒါဟာ ပြဿနာတရပ်ကို လက်တွေ့ကျကျ အဖြေမရှာချင်သူများရဲ့ ‘ဆင်ဝှေုရန်ရှောင်’စကားဖြစ်တယ်၊ ကိစ္စတိုင်းဟာ မျိုးဆက်ကွာဟမှုကြောင့် ပေါ်ထွက်ရတာလို့ချည်း ဆိုလို့မရပါဘူး၊ အသက်ကြီးပေမယ့် အတွေးအခေါ်အရ ခေတ်ရှေ့တောင်ပြေးနေသေးတဲ့ လူကြီးတွေရှိသလို။အသက်ငယ်ပေမယ့် ကျောက်ခေတ်က အယူအဆမျိုးတွေကိုသက်ဝင်ယုံကြည်နေဆဲ လူငယ်တွေလည်း အများကြီးရှိပါတယ်၊ကိုယ့်တွေ့ကိစ္စတခုကို ပြောပြပါမယ်၊ အသိမိတ်ဆွေဆရာဝန်ကြီးတဦးရှိခဲ့ပါတယ်၊ ကွယ်လွန်တာတောင် အတော်ကြာသွားခဲ့ပြီ၊ အသက်(၈၀)ကျော်မှာ ဆုံးသွားတာပါ၊ ဆရာဝန်ကြီးက အသက်ကြီးလို့ဆေးကုတဲ့အလုပ် မလုပ်တော့ဘဲအနားယူခဲ့ပေမယ့် ဆေးပညာနဲ့ သိပ္ပံဆိုင်ရာ စာအုပ်တွေတော့မပြတ်အောင်ဖတ်ပါတယ်၊

လူငယ်လူရွယ်တွေ။ တပည့်တပမ်းတွေလာကြတိုင်းနောက်ဆုံးပေါ် ဆေးကုထုံးတွေ။ သိပ္ပံပညာရှာဖွေတွေ့ရှိချက်တွေကို အမြဲတမ်း မျှဝေပေးတာပါ၊ သိပ္ပံပညာကလွဲရင် ဘာကိုမှမယုံဘူးဆိုတဲ့ သိပ္ပံသမားစစ်စစ်ကြီးဖြစ်ပါတယ်၊ အဲဒီ ဆရာဝန်ကြီးမှာ သားသုံးယောက်ရှိပါတယ်၊ အကြီးနှစ်ယောက်က ဆရာဝန်တွေဖြစ်ပြီး အငယ်ဆုံးသားကတော့ ဓာတုဗေဒနဲ့ မဟာဘွဲ့ရပြီး တက္ကသိုလ်ဆရာလုပ်ပါသေးတယ်၊ သုံးလေးနှစ်လောက်ဆရာလုပ်ပြီးတော့ ထွက်လိုက်ပါတယ်၊ ထွက်ပြီးတော့ သူကနတ်ကတော် လုပ်သွားပါတယ်၊ တောင့်ပြုံး။ ရတနာ့ဂူ။ ပခန်းကိုကြီးကျော်ပွဲ စတဲ့ နတ်ပွဲတွေလှည့်သွားပြီး နေပါတော့တယ်၊အခုတော့ သူ့သတင်း မကြားရတာတောင် အတော်ကြာသွားပါပြီ။၊ ရှိရှာသေးရဲ့လားတောင် မသိတော့ပါဘူး၊
ဒီ ဒီသားအဖနှစ်ယောက်ကို ကြည့်ပြီး အရာရာတိုင်း မှာမျိုးဆက်ကွာဟမှုကိုချည်း ပုံချလို့မရဘူးဆိုတာ သိနိုင်ပါတယ်၊အဖေလုပ်သူက အသက်(၈၀) အရွယ်ထိ သိပ္ပံပညာက လွဲပြီးဘာမှမယုံတဲ့သူ၊ သားဖြစ်သူကတော့ ငယ်ငယ်ရွယ်ရွယ်နဲ့ ပညာကလေးလည်း တတ်ပါလျက်နဲ့ ကျောက်ခေတ်က လူသားတွေရဲ့ယုံကြည်ကိုးကွယ်မှုမျိုးကိုမှ အဟုတ်ထင်နေသူ၊ မျိုးဆက်ကွာဟမှုကြောင့်။ အသက်အရွယ်ခြားနားမှုကြောင့် အကြိုက်ချင်း စရိုက်ချင်း မတူတာမျိုး မရှိဘူးလို့ ဆိုလိုတာမဟုတ်ပါဘူး၊ ရှိပါတယ်၊ဒါပေမယ့် လူကြီးနဲ့လူငယ် အမြင်အတူ မှု မိဘနဲ့သားသမီး တကျက်ကျက်ဖြစ်မှုစတဲ့ ကိစ္စရပ်အားလုံးဟာ အသက်အရွယ်ကွာခြားမှုကြောင့်ချည်း ဖြစ်လာရတာ မဟုတ်ပါဘူးလို့ ပြောချင်ပါတယ်၊
ခေတ်လူငယ်တွေက လူကြီးမှန်သမျှကို အဟောင်းအဆွေးတွေပဲ။ ထူးမခြားနားလောက်သာ ကြိုက်တတ်သူတွေပဲလို့ တထစ်ချယူဆပြီးတံတိုင်းခြားထားတတ်ကြတယ်၊ လူကြီးတွေထဲမှာလည်း စောစောကပြောတဲ့ ဆရာဝန်ကြီးလို ပုဂ္ဂိုလ်မျိုးတွေ အများကြီးရှိနေပါလားဆိုတာ မသိကြဘူး၊

အလားတူပဲလူကြီးတွေကလည်း လူငယ်မှန်သမျှကို အသိဥာဏ်နုသေးတဲ့။အတွေ့အကြုံမရှိသေးတဲ့။ မရင့်ကျက်သေးတဲ့ ကလေးတွေပဲ ဆိုတာအမြင်နဲ့ ငုံ့ကြည့်လေ့ရှိကြတယ်၊ တံတိုင်းခြားပစ်လေ့ရှိတယ်၊ လူငယ်တွေကြိုက်တတ်တဲ့ ‘ဂီတပူ’တွေကို အလကားဟာတွေ။ နားငြီးတာပဲရှိတယ်လို့ အပြီးသတ် ကောက်ချက်ချထားတတ်ကြတယ်၊ အေးအေးငြိမ့်ငြိမ့်ဂီတကနေပြီး ဘာကြောင့်မြန်တဲ့။ သွက်တဲ့။ အော်တဲ့။ ဆူတဲ့ ဂီတအဖြစ် ပြောင်းလဲသွားရတာလဲဆိုတာကို လေ့လာဆန်းစစ်ဖို့ မေ့လျော့နေတတ်ကြတယ်၊ ဆူတာ အော်တာအပြင် ဘာတွေကောင်းနေလို့လူငယ်တွေ ကြိုက်နှစ်သက်နေကြတာလဲဆိုတာလည်း သိ အောင်လုပ်ချင်စိတ်မရှိကြဘူး၊ သေသေချာချာ လေ့လာနား ထောင်ကြည့်ရင်နားငြီးလိုက်တာလို့ပြောနေကြတဲ့ ဒီနေ့လူငယ်တွေရဲ့ သီချင်းတွေဟာချစ်တာ။ လွမ်းတယ်။ မျက်ရည်ချောင်းစီတာ။ အသည်းကွဲရတာမျိုး တွေလောက်သာ ရေးဖွဲ့နေကြတာ မဟုတ်တော့ဘူးဆိုတာ တွေ့နိုင်တယ်၊
နောက်ပြီးတော့ လူကြီးတော်တော်များများမှာ မှားနေတာ တခုရှိတယ်၊ အဲဒါကတော့ ကိစ္စတခု။ ပြဿနာတခုကိုကြည့်တဲ့အခါမှာ ကိုယ်လက်ရှိရောက်နေတဲ့ အသက်အရွယ်အတွေ့အကြုံနဲ့ကြည့်လေ့ရှိခြင်းဖြစ်တယ်၊ ကိုယ်ငယ်ငယ်ကဘာကြိူက်ခဲ့သလဲ။ ဘာတွေလုပ်ခဲ့သလဲဆိုတဲ့ အတွေးမျိုးနဲ့တွေးကြည့်လေ့မရှိကြဘူး၊ အဲဒီလိုပဲ ကိုယ်ငယ်စဉ်က အခြေအနေကို ပြန်တွေးကြည့်ရင် ကိုယ်ငယ်ငယ်ကလည်း ပရက်စလေတို့။ ရော့ခ်အင်ရိုးတို့။ ခေါင်းလောင်းဘောင်းဘီတို့ကြိုက်ခဲ့တာပါလားဆိုတာ ပြန်သတိရလာမှာပါ၊ ခုခေတ် ယောင်္ကျားလေး။မိန်းကလေးတိုင်းရဲ့ ခါးမှာ တင်နေတဲ့ ဂျင်းဘောင်းဘီ။ ဂျင်းအကျီင်္ိတွေဟာ ကိုယ်ငယ်ငယ်က စပြီးခေတ်စားခဲ့။ ၀တ်ခဲ့တာပါလားဆိုတာ ပြန်သတိရလာမှာပါ၊

လူငယ် တွေကလည်း ဘာမဆိုသစ်တိုင်းကောင်းတယ်။ ဟောင်းရင် မကောင်းဘူးလို့ တရားသေစွဲမှတ်မထားသင့်ကြဘူး၊ဒီနေ့ကိုယ်နှစ်သက်တဲ့ ဂျင်းဘောင်းဘီ။ ဂျင်းအကျီင်္ိတွေဟာ ကိုယ့်အဖေတွေ။ ဦးကြီးဦးလေးတွေ စ၀တ်ခဲ့ကြတာပါလားဆိုတာ သိအောင်လုပ်ဖို့လိုတယ်၊ ရှေးခေတ်ခန်းမဆောင်ဂီတမျိုးကနေပြီး ရော့ခ်အင်ရိုးခေတ်ရောက်သွားအောင် ခုခေတ်လူကြီးတွေ လုပ်ခဲ့ကြတာပါလား ဆိုတာ အသိအမှတ်ပြုဖို့။ လေးစားဖို့လိုတယ်၊ ဘာကိစ္စဖြစ်လာဖြစ်လာ ‘မျိုးဆက်ကွာဟမှု’ကြောင့်လို့ပြီးစလွယ်မပြောသင့်ဘူး၊ အဓိက အကြောင်းအရင်းက အသက်အရွယ်မဟုတ်ဘူး၊ အတွေးအခေါ်ပါ၊ လူတယောက်ရဲ့ခေါင်းထဲမှာရှိတဲ့ အခြေခံအတွေးအခေါ်က အရာရာကို ဆုံးဖြတ်ပေးတာဖြစ်တယ်၊

ခရစ်ယာန်မိဘက မွေးတဲ့ ခရစ်ယာန်လေးတယောက်ရဲ့မျက်စေ့မှာ နတ်သမီးလေးလို့ပြောလိုက်တာနဲ့ ၀တ်ရုံဖြူဝတ်ပြီး တောင်ပံဖြူ အကြီးကြီးနဲ့ ပျံသွားတတ်တဲ့ပုံကိုမြင်လာမှာပဲဖြစ်တယ်၊ဗုဒ္ဓဘာသာမိဘကမွေးတဲ့ ဗုဒ္ဓဘာသာကလေးတယောက်ကတော့ နတ်သမီးလို့ပြောလိုက်တာနဲ့စည်းပုံတွေ။မကိုဉ္စ်တွေနဲ့ ဟင်္သာခြေနင်းစီးထားတဲ့ပုံကို မြင်လာမှာပဲဖြစ်တယ်၊ဒါသဘာဝပဲဖြစ်တယ်၊ ဒီသဘောကို သဘောပေါက်ဖို့လိုပါတယ်၊

လူကြီးနဲ့လူငယ်ကြားမှာ ဖြစ်ဖြစ်။ မိဘနဲ့သားသ မီးကြားမှာဖြစ်ဖြစ် ပေါ်ပေါက်လာရတဲ့ ပဋီပက္ခမှန်သမမျှဟာ အတွေးအခေါ်ချင်း မတူခြားနားရာက ပေါ်ထွက်လာရတာ ဖြစ် ပါတယ်၊မတူခြားနားတဲ့ အတွေးအခေါ်တွေဟာ မတူခြားနား တဲ့ လူမျိုး။ဘာသာ။ အယူအဆ။ တိုင်းပြည်။ နိုင်ငံ။ ရေမြေ တောတောင်သဘာဝ အခြေခံတွေကနေပြီး ပေါ်ထွက်လာတာဖြစ်တယ်၊ ဒါကို သဘောပေါက်ဖို့လိုပါတယ်၊ မျိုးဆက်ကွာဟမှုကိုချည်း ပုံချနေရင် ဘယ်တော့မှ ပြဿနာတွေ ပြေ လည်သွားမှာမဟုတ်ပါဘူး၊ ပိုပြီး ရှုပ်ထွေးလာဖို့သာရှိတယ်၊ ဘယ်ကိစ္စ။ ဘယ်ပြဿနာမဆို ပေါ်ပေါက်လာရတဲ့ အကြောင်း အရင်းဇစ်မြစ်ကိုသေသေချာချာ မှတ်မှတ်ကန်ကန်(သိမှ) ဖြေ ရှင်းနိုင်မှာဖြစ်တယ်၊
အကြောင်းအရင်း ဇာစ်မြစ်ကလည်း စောစောကပြောတဲ့ ‘မတူခြားနားမှု’အမျိုးမျိုးကြောင့်ကွဲပြားခြားနားနိုင်ပါတယ်၊ အဲဒါကြောင့် ဖြေရှင်းပုံ ဖြေရှင်းနည်းလည်း ကွဲပြားခြားနားမှာဖြစ်တယ်၊ နေရာတိုင်း။ နိုင်ငံတိုင်း။ လူမျိုးတိုင်းအတွက်ကျင့်သုံးနိုင်တဲ့ ပုံသေနည်းဖော်မြူလာဆိုတာ မရှိနိုင်ပါဘူး၊လမ်းဘေး ပျံကျဈေးသည်လေးတွေကို ဈေးရုံတခုထဲ စုဝေးရောင်းချစေပြီး ‘ဈေးကြီး’တခုသာ ဖန်တီးလို့ ရနိုင်တယ်၊ ရေမြေအနေအထား။ လူမျိုး။ ဘာသာ။ အယူအဆ မတူကွဲပြားခြားနားတာတွေအားလုံးကို တခုတည်း ဖြစ်သွားအောင်‘ကမ္ဘာပြု’လို့မရနိုင်ပါဘူး၊ သူများက ‘ဂလိုဘယ်လိုက်ဇေးရှင်း’ဘာမှန်း ညာမှန်းမသိ ရမ်းသမ်းပြီး ‘ဂလိုဘယ်’ အော်လို့မရဘူး၊ လူမျိုးတွေ။ဓလေ့ထုံးစံ ယဉ်ကျေးမှုတွေ။ တိုင်းပြည်နိုင်ငံတွေဆိုတာ ‘ပျံကျ’ဈေးသည်တွေ မဟုတ်ပါဘူး၊

အဲဒါကြောင့် နယ်ခြားမဲ့ တခုတည်းသော ‘စူပါမားကက်ဈေးကြီး’ ဖြစ်အောင်လုပ်လို့မရပါဘူး၊တိုင်းပြည်နိုင်ငံ။ ရေမြေအနေအထား။ လူမျိုး။ ဘာသာအယူအဆ။ ဘ၀အခြေခံ ကွဲပြားခြားနားမ_တွေက မတူခြားနားတဲ့အတွေးအခေါ်တွေ ပေါ်ထွက်လာမှာသာ ဖြစ်တယ်၊ အဲဒီမတူတဲ့အတွေးအခေါ်တွေကြောင့် ပြဿနာ တွေ။ ပဋီပက္ခတွေ ပေါ်ထွက်လာရတယ်၊ ဒီသဘောသဘာဝ ကို နားလည်သဘောပေါက်မှပြဿနာတွေ ဖြေရှင်းနိုင်မှာဖြစ်တယ်၊ ဘာကိစ္စကြုံကြုံပြီးလွယ်စီးလွယ်နဲ့ ‘မျိုးဆက်ကွာဟမှု’ကိုချည်း ပုံချနေရင် ပြဿနာ တွေဘယ်တော့မှ ဖြေရှင်းနိုင်မှာ မဟုတ်ပါဘူး၊ အဲဒါကြောင့် ပြဿနာတခုဖြစ်လာရင် ဇာစ်မြစ်ကို တွေ့အောင်ရှုာဖို့အရေးကြီးကြောင်းပြောချင်ပါတယ်၊လူတွေ။

ဓလေ့ထုံးစံ ယဉ်ကျေးမှုတွေ။ တိုင်းပြည်နိုင်ငံတွေဆိုတာ ပျံကျဈေးသည်တွေ မဟုတ်တာကြောင့် ဈေးရုံကြီးတခုထဲ စုစည်းပြီး ဂလိုဘယ်မားကက်ကြီးဖန်တီးလို့လည်း မရနိုင်ဘူးဆိုတဲ့ အကြောင်းထပ်လောင်းပြီးပြောလိုက်ချင်ပါသေးတယ်၊
လူထုစိန်ဝင်း
၂၀၀၆ခုနှစ်။ နိုဝင်ဘာလထုတ် ကလျာမဂ္ဂဇင်းမှ---

စစ်ကျွန်ဘ၀ငြင်းဆန်ကြ


၈၈မျိုးဆက်ကျောင်းသားများ ပြည်သူသို့ပန်ကြားချက်ကို ဒီနေရာ မှာဖတ်နိုင်ပါတယ်။

Friday, March 14, 2008

ပန်းချီဆရာ မင်းကျော်ခိုင် ရေးဆွဲသော sketch အသစ်များ

U Tin Oo
Luhtu U Sein Win
U Aung Zay (a)Tawbayarlay
U Tun Tin

U Tun Wai
မြန်မာ့ဒီမိုကရေစီအရေးအတွက် မည်သူမဆို လွတ်လပ်စွာကူးယူသုံးစွဲနိုင်ပါသည်