မြန်မာ့ဒီမိုကရေစီတိုက်ပွဲ အောင်မြင်ရေး အတွက် ထူးခြားဓာတ်ပုံများ၊ဗီဒီယိုများ။ သတင်းများ၊ စာမူများ၊ အကြံပြုစာများ ပေးပို့လိုပါက thanhtut88@gmail.com သို့ ပေးပို့နိုင်ပါသည်။
လာရောက်အားပေးဖတ်ရူကြသော ညီအကိုမောင်နှမများသို့ ကျနော်၏ ဘလောက်အား အခက်အခဲ တချို့ကြောင့်
http://www.dawnmanhon.com/
သို့မဟုတ် INDIRECT LINK http://dawnmanhon-dawnmanhon.blogspot.com/
လိပ်စာသို့ ပြောင်းရွှေ့သွားပါသည်။ အားလုံးကို အထူးကျေးဇူးတင်ရှိပါသည်။
နိုင်ငံရေးအကျဉ်းသား ၃၉ ဦး၏ မိသားစုဝင်အားလုံး … မျက်ဝန်းများတွင် မျက်ရည်များဖြင့် ပြည့်လျှံ နေကြပါလိမ့်မည်။
၈၈ မျိုးဆက် ကျောင်းသားခေါင်းဆောင် ၁၄ ဦးကို ထောင်ဒဏ် ၆၅ နှစ်စီကျခံစေရန် အမိန့်ချလိုက်ပြီ။ ထို ၁၄ ဦးထဲတွင် အမျိုးသမီး ၅ ဦးလည်းပါဝင်သည်။ တချိန်တည်းတွင် ၂၀၀၇ စက်တင်ဘာအရေးတော်ပုံတွင် ပါဝင်ခဲ့သည့် သံဃာတော် ၅ ပါးအပါအဝင် တခြားသော နိုင်ငံရေးသမား ၂၅ ဦး တို့ကို အများဆုံး ထောင်ဒဏ် ၂၆ နှစ်အထိ ကျခံစေရန် အမိန့်ချမှတ်လိုက်ပြီ ဖြစ်သည်။ လူသိများ ထင်ရှားသည့် လူ့အခွင့်အရေး လှုပ်ရှား သူ မစုစုနွေးလည်း ထောင်ဒဏ် ၁၂ နှစ်ခွဲ ကျခံရမည်ဖြစ်၏။
ယခုကဲ့သို့ ပြင်းထန်ရှည်လျားသော ထောင်ချ အပြစ်ဒဏ်များကို ပေးလိုက်ခြင်းက စစ်အစိုးရအနေနှင့် ၎င်းတို့ ပြောလေ့ရှိသော “ပြည်တွင်းပြည်ပ အဖျက်သမားများအား ဘုံရန်သူအဖြစ် သတ်မှတ်ချေမှုန်းကြ” ဟူသည့် ဆောင်ပုဒ်ကို အမှန်တကယ် အကောင်အထည်ဖော်ပြီဖြစ်ကြောင်း ပြသလိုက်ခြင်းဖြစ်သည်။ ထို့ပြင် နိုင်ငံတကာက တောင်းဆိုနေသည့် နိုင်ငံရေးအကျဉ်းသားများအား လွှတ်ပေးရန်ဆိုသည့် အချက်ကို လုံးဝ စိတ်မဝင်စား၊ ဂရုမစိုက်ဟု ပြောလိုက်သလိုလည်း ဖြစ်နေသည်။
ထောင်ဒဏ် ၆၅ နှစ်စီကျခံလိုက်ရသော တက်ကြွလှုပ်ရှားသူ ကျောင်းသားခေါင်းဆောင် ၁၄ ဦးထဲတွင် ကိုမင်းဇေယျာ၊ ကိုဂျင်မီ (ကိုကျော်မင်းယု) နှင့်ဇနီး မနီလာသိန်း၊ မမီးမီးနှင့် ၁၉၈၈ ခုနှစ်က တက်ကြွ လှုပ်ရှားခဲ့သဖြင့် နှစ်ရှည် အကျဉ်းကျခံခဲ့၊ စွန့်လွှတ် အနစ်နာခံခဲ့ပြီးဖြစ်သည့် ထင်ရှားသော ကျောင်းသား ခေါင်းဆောင်များ ပါဝင်သည်။
ထောင်ဒဏ် ၁၅ နှစ်နှင့် ၇ နှစ် အသီးသီး ကျခံပြီးဖြစ်သည့် ကိုဂျင်မီနှင့် မနီလာသိန်းတို့ ဇနီးမောင်နှံ၏ ဝမ်းနည်း ကြေကွဲဖွယ် ဇာတ်လမ်းကို အားလုံးသိပြီးသားဖြစ်သည်။ သူတို့၏ လသားအရွယ် သမီးငယ်လေးမှာ မနှစ်က စက်တင်ဘာအရေးတော်ပုံ အပြီးတွင် ဖခင်ဖြစ်သူ အဖမ်းခံရပြီး မိခင်ဖြစ်သူ ပုန်းရှောင်နေရစဉ် အဘိုးအဘွားများထံ၌ ကျန်ရစ်ခဲ့ရသည်။ ယခုအခါ မိခင်ဖြစ်သူကိုလည်း ဖမ်းဆီး ထောင်ချလိုက်ကြပြီ။
တက်ကြွလှုပ်ရှားသူ ကျောင်းသား ခေါင်းဆောင်အများစု၏ အသက်အရွယ်မှာ ၄၀ ဝန်းကျင်တွင် ဖြစ်နေ ပေပြီ။ ယခု သူတို့ကိုပေးထားသည့် အပြစ်ဒဏ်အတိုင်း နှစ်စေ့ထောင်ဒဏ် ကျခံရမည်ဆိုလျှင် … သူတို့ အားလုံး ထောင်ထဲတွင် သေကြဖို့သာ ရှိတော့သည်။ ၁၉၈၈ နောက်ပိုင်းတွင် စစ်အစိုးရက ၃ နှစ်မှ ၅ နှစ်အထိ သက်မှတ်ခဲ့သည့် ထောင်ဒဏ်မှာ ၁၉၉၀ ပြည့်နှစ်နောက်ပိုင်းတွင် အများဆုံး ၁၀ နှစ်အထိ ကြမ်းခင်းဈေး ဖြစ်ခဲ့သည်။ ယခုတော့ ပိုဆိုးနေပြီ … အနာဂတ်တွင် ဒီထက်ပိုဆိုးဖို့သာ ရှိတော့သည်။
၈၈ ဦးဆောင် ကျောင်းသားခေါင်းဆောင် တဦးဖြစ်သည့် ကိုမင်းကိုနိုင်အကြောင်း ပြောကြည့်ချင်သည်။ သူနှင့် တခြားသော ကျောင်းသားခေါင်းဆောင် ၈ ဦးတို့မှာ အောက်တိုဘာလ အတွင်းက တရားခွင်ကို မထီမဲ့မြင်ပြုသည်ဆိုသော စွဲချက်ဖြင့် အပြစ်ပေးသည့်အနေနှင့် ထောင် ၆ လစီချမှတ်ပြီး မအူပင်ထောင်သို့ ပြောင်းရွှေ့ခံခဲ့ရသည်။ မျှော်လင့်ရသည်မှာ ကိုမင်းကိုနိုင်နှင့် အဖွဲ့ကိုလည်း မကြာမီ ထောင်ဒဏ် ၆၅ နှစ် သို့မဟုတ် ထိုထက် များသည့်နှစ်များ ချမှတ်အပြစ်ပေးဦးတော့မည်။
ယခုကဲ့သို့ ရှည်လျားပြင်းထန်သော ထောင်ဒဏ်များ ချမှတ်လိုက်ခြင်းက နိုင်ငံရေး တက်ကြွလှုပ်ရှားသူများကို နောင်မလုပ်ရဲအောင် ခြောက်လှန့်လိုက်ခြင်း ဖြစ်နိုင်သည်။ ယခုအခါတွင် နိုင်ငံရေး တက်ကြွလှုပ်ရှားသူ များသာ မကဘဲ ပြင်းထန်ဆိုးရွားသည့် စည်းမျဉ်းများကို ရှေ့နေများအပေါ်တွင်ပါ ချမှတ်ကျင့်သုံးနေကြောင်း တွေ့ရှိရသည်။ အောက်တိုဘာနှင့် နိုဝင်ဘာ ၂ လအတွင်း နိုင်ငံရေး တက်ကြွလှုပ်ရှားသူ တို့အတွက် အမှုလိုက် ပေးနေသည့် ရှေ့နေ ၃ ဦး ဖမ်းဆီးခံခဲ့ရသည်။
နိုင်ငံရေး အကျဉ်းသားများအတွက် အမှုလိုက်ပေးနေသည့် ရှေ့နေတဦးဖြစ်သူ ဦးအောင်သိန်းက ၎င်းအဖမ်း မခံရခင် “ဓမ္မက အဓမ္မကို တနေ့ မလွဲမသွေအောင်မြင်မှာပါ” ဟု ဧရာဝတီသို့ ပြောခဲ့သေးသည်။
ရှေ့နေများဖြစ်ကြသော ဦးအောင်သိန်း၊ ဦးခင်မောင်ရှိန်နှင့် ဦးညီညီထွေးတို့ကို ယခု အင်းစိန်ထောင်တွင် ထိန်းသိမ်းထားသည်။ နိုင်ငံရေးအကျဉ်းသားများအတွက် ဆောင်ရွက်ပေးနေသည့် တခြားသော ရှေ့နေ ၄ ဦးမှာလည်း ရှေ့နေလိုက်ခွင့်လိုင်စင် ပိတ်သိမ်းခြင်း ခံခဲ့ရပြီဖြစ်သည်။
ယခုကဲ့သို့ ပြင်းထန်သော စည်းမျဉ်းများဖြင့် လူ့ခန္ဓာကိုယ်ကို အမျိုးမျိုး နှိပ်စက်နေသော်လည်း မတရားမှုကို ဆန့်ကျင်လိုသည့် စိတ်ဓာတ်များကိုတော့ ဖိနှိပ်ကွပ်ညှပ်၍ ရနိုင်မည် မဟုတ်။ ၎င်းတို့၏ စွန့်လွှတ်အနစ်နာ ခံရဲသည့် ခိုင်မာသော ဇွဲနှင့် သတ္တိကို စကားလုံးဖြင့် ဖော်ပြခြင်းငှာ မစွမ်းပေ။
ကိုမင်းဇေယျာဆိုလျှင် ၎င်းတိုို့ကို ၆၅ နှစ် ထောင်ဒဏ်ပေးပြီဟု သိရလျှင်သိရခြင်း “၆၅ နှစ်ပဲလား” ဟု ရဲဝံ့စွာ အော်ခဲ့သည်။ မမီးမီးဆိုလျှင်လည်း “လုံးဝ မကြောက်ဘူးဟေ့” ဟုဆိုကာ သူ၏ သတ္တိကို ထုတ်ဖော်ပြသ ခဲ့သည်။
ဝမ်းနည်းစရာကောင်းသည်က ယခုကဲ့သို့ အနှစ် ၂၀ လုံးလုံး ယုံကြည်မှုနှင့် ခိုင်မာသော ဇွဲသတ္တိရှိရုံဖြင့် ဒီမိုကရေစီအောင်ပွဲကို မဆွတ်ခူးနိုင် ဆိုသည့်အချက်ပင် ဖြစ်သည်။ ယခုအချိန်တွင် ဒီမိုကရေစီအရေး အတွက် တိုက်ပွဲဝင်နေသူများအားလုံးကို စစ်အစိုးရက ပြင်းထန်စွာ ချေမှုန်းလျှက်ရှိသည်။ စစ်အစိုးရက ၂၀၁၀ ပြည့်နှစ်တွင် ရွေးကောက်ပွဲကို ကျင်းပဖြစ်အောင် ကျင်းပမည်ဖြစ်ရာ ထိုသတ္တိရှိသူ အားလုံး ထောင်ထဲတွင်သာ နေကြရဖို့ ရှိနေသည်။
နိုင်ငံတကာ အဖွဲ့အစည်းများ အနေနှင့် အမျိုးသားပြန်လည် သင့်မြတ်ရေးအတွက် အမျိုးမျိုးသော နည်းလမ်းများ သုံးကာ တိုက်တွန်းနေသော်ငြားလည်း စစ်အစိုးရက ငြင်းပယ်မြဲငြင်းပယ် နေခဲ့သည်။
ထိုသို့ဖြစ်ရခြင်းမှာ နိုင်ငံတကာအဖွဲ့အစည်းများအကြား စီးပွားရေးပိတ်ဆို့မှု ကျင့်သုံးသူနှင့် စေ့စပ်ဆွေးနွေးရေး အလိုရှိသူဟူ၍ နှစ်ခြမ်းကွဲနေသည်ကို စစ်အစိုးရ ခေါင်းဆောင်များက ကောင်းကောင်း သိနေသောကြောင့် ဖြစ်၏။
ထိုကဲ့သို့ ကမ္ဘာကြီး နှစ်ခြမ်းကွဲနေခြင်းကပင် စစ်အစိုးရအတွက် အောင်ပွဲတခုလိုဖြစ်နေသည်။ နိုင်ငံတကာ မိသားစုများအနေနှင့် လမ်းစဉ် နှစ်ရပ်ကို တရပ်တည်းအဖြစ် ပေါင်းစပ်ကာ စည်းလုံးမှု ရှိသင့်သည်။ စီးပွားရေး ပိတ်ဆို့ခြင်းများ အရေးယူဆောင်ရွက်ကာ တချိန်တည်းတွင် စေ့စပ်ဆွေးနွေးရေး အတွက်လည်း တိုက်တွန်းမှ အောင်မြင်မှုကို သိမ်သိမ်မွေ့မွေ့ ချဉ်းကပ်နိုင်မည် ဖြစ်သည်။
ဦးဆောင် တက်ကြွလှုပ်ရှားသူများကို ထောင်ဒဏ် ၆၅ နှစ်ထိ ပြစ်ဒဏ်ပေးခံလိုက်ရသည့် ယခု ကာလတွင် အယူအဆသစ်၊ နည်းလမ်းသစ်တခု အမှန်တကယ်ရှိဖို့ လိုအပ်နေပေပြီ။
ကျောင်းသားခေါင်းဆောင် တဦးဖြစ်သည့် ကိုသက်ဝင်းအောင် ဆိုလျှင် ၂၀၀၆ ခုနှစ်က အသက် ၃၄ နှစ်အရွယ်၌ မန္တလေးအကျဉ်းထောင်အတွင်း ထောင်ဒဏ် ၅၉ နှစ်ကျခံရင်း ကွယ်လွန်ခဲ့ရသည်။ ၎င်း၏ အစ်ကိုဖြစ်သူ ၈၈ မျိုးဆက် ကျောင်းသား ခေါင်းဆောင် ကိုပြုံးချိုမှာ ယခု မအူပင်ထောင်တွင် ရှည်လျားသည့် ထောင်ဒဏ် အမိန့်ကို သူ့ အပေါင်း အဖော်များနှင့် အတူ စောင့်စားနေရသည်။
စစ်အစိုးရ၏ ဖိနှိပ်ညှဉ်းပမ်းခြင်းက ပို၍ ပို၍ ပြင်းထန်သည်ထက် ပြင်းထန်ကာ ကြမ်းတမ်းသည်ထက် ကြမ်းတမ်းလာခဲ့ပြီ။ ဒီမိုကရေစီရေးအတွက် တိုက်ပွဲဝင်နေသည့် တက်ကြွလှုပ်ရှားသူများ အမြန်ဆုံး လွတ်မြောက်မှု ရရှိရန် နိုင်ငံတကာ အဖွဲ့အစည်းများအနေနှင့် လမ်းစဉ်အသစ်တရပ်ကို ပုံဖော်ဖန်တီးကာ စစ်အစိုးရကို ကိုင်တွယ်ဖို့ အချိန်တန်ရုံမက အချိန်လွန်၍ပင်နေပြီဟု ဆိုချင်ပါသည်။
ကျော်စွာမိုး
by irrawaddy
ကိုသက် | နိုဝင်ဘာ ၁၄၊ ၂၀၀၈
ရန်ကုန်မြို့ အင်းစိန်ထောင်တွင် ယာယီရုံးထိုင်လျက်ရှိသည့် ထောင်တွင်းတရားရုံးများက အန်အယ်လ်ဒီအဖွဲ့ဝင် ၁၇ ဦးကို ထောင်ဒဏ်များထပ်မံချမှတ်လိုက်သည်ဟု အန်အယ်လ်ဒီ အသိုင်းအဝန်းနှင့် အင်းစိန်ထောင်အသိုင်းအဝန်းက ပြောဆိုကြသည်။ ယမန်နေ့က ထောင်ဒဏ် ၇ နှစ်ခွဲစီချမှတ်ခဲ့ပြီးဖြစ်သည့် လှိုင်သာယာ မြို့နယ်မှ အန်အယ်လ်ဒီ အဖွဲ့ဝင်များဖြစ်ကြသော ကိုသန့်ဇင်မျိုး၊ ကိုဆန်းဝင်းနှင့် ကိုကျော်စိုးဝင်းတို့ကို နှစ်ရှည်ထောင်ဒဏ်များ ထပ်မံ ချမှတ်လိုက်သည်။
ကိုသန့်ဇင်မျိုးနှင့် ကိုဆန်းဝင်းတို့အပါအဝင် လှိုင်သာယာမှ အန်အယ်လ်ဒီ အဖွဲ့ဝင်တဦးဖြစ်သည့် ကိုသန့်ဇော်မြင့်အား ထောင်ဒဏ် ၉ နှစ်ခွဲစီ ယနေ့ချမှတ်လိုက်ပြီး အင်းစိန်ထောင်တွင်း၌ ယာယီရုံးထိုင်ထားသည့် ကမာရွတ်တရားရုံးက ကိုကျော်စိုးဝင်းအပါအဝင် ကမာရွတ်အန်အယ်လ်ဒီ ပါတီဝင် ကိုသိုက်မင်းနှင့် မြောက်ဥက္ကလာ အန်အယ်လ်ဒီအဖွဲ့ဝင် ဒေါ်မငယ်တို့အား ထောင်ဒဏ် ၇ နှစ်ခွဲစီ ချမှတ်လိုက်သည်ဟု အန်အယ်လ်ဒီပါတီ၏ ပြောရေးဆိုခွင့်ရှိသူ ဦးဉာဏ်ဝင်းက ဧရာဝတီကို ပြောဆိုသည်။
နိုင်ငံရေး တက်ကြွလှုပ်ရှာသူများအား နှစ်ရှည်ထောင်ဒဏ်များ ဆက်တိုက်ချမှတ်နေသည့်အပေါ် နိုင်ငံရေးအရ ဖိနှိပ်မှုများ ပိုများလာသည်ဟုလည်း ဦးဉာဏ်ဝင်းက စစ်အစိုးရကို ဖေဝန်လိုက်သည်။
ကိုသန့်ဇင်မျိုး၏အကိုဖြစ်သူ ကိုသန့်ဇင်ဦးက “တရားမျှတမှုလုံးဝမရှိဘူး … မြန်မာနိုင်ငံတရားစီရင်ရေးစနစ်က ဒီလောက် အထိ ယိမ်းယိုင်သွားပြီဆိုတော့ ကျနော်တို့မြန်မာတမျိုးသားလုံးရဲ့ ဂုဏ်သိက္ခပေါ့ … အမျိုးဂုဏ်၊ ဇာတိဂုဏ်တွေလည်း အလကားဖြစ်ကုန်ပြီပေါ့” ဟု ပြောသည်။
“အများပြည်သူရှေ့မှောက်မှာ တရားစီရင်နေရာက အမိန့်ချခါနီးကျမှ ဘယ်သူမှလာရောက်ကြားနာခွင့်မရတဲ့ တံခါးပိတ်ပြီး လုပ်ချင်သလိုလုပ်လိုက်တာကိုကြည့်ခြင်းအားဖြင့် တရားမျှတမှုရှိတယ် မရှိဘူးဆိုတာ ပေါ်လွင်နေပါပြီ” ဟုလည်း ကိုသန့်ဇင်ဦးက ဆက်ပြောသည်။
ရန်ကုန်တိုင်း ဒေါပုံမြို့နယ်မှ အန်အယ်လ်ဒီလူငယ်များဖြစ်ကြသည့် မကြည်ကြည်ဝါ၊ ကိုကျော်ဇင်ဝင်း၊ ကိုအောင်ကျော်ဦး၊ ကိုကျော်ကျော်လင်းနှင့် ကိုနေဇာမျိုးဝင်းတို့ကို ကျောက်တံတားမြို့နယ်တရားရုံးက ထောင်ဒဏ် ၅ နှစ်ချမှတ်လိုက်သည်။
၎င်းအပြင် မကြည်ကြည်ဝါအား မတရားအသင်းအက်ဥပဒေနှင့် ဗီဒီယိုအက်ဥပဒေတို့ဖြင့် နောက်ထပ် ၆ နှစ်၊ ကိုကျော်ဇင်ဝင်းအား မတရားအသင်းအက်ဥပဒေ၊ ဗီဒီယိုအက်ဥပဒေနှင့် တရားမဝင်နယ်စပ်ဖြတ်ကျော်မှုတို့ဖြင့် နောက်ထပ် ၁၁ နှစ်၊ ကိုကျော်ကျော်လင်းအား နယ်စပ်ဖြတ်ကျော်မှုဖြင့် နောက်ထက် ၅ နှစ် ချမှတ်လိုက်သည်။
တောင်ဒဂုံမြို့သစ်မြို့နယ်မှ အန်အယ်လ်ဒီအဖွဲ့ဝင် ကိုညီညီမင်းနှင့် ကိုတင်ဝင်းတို့ကို ထောင်ဒဏ် ၂ နှစ်နှင့် သာကေတ မြို့နယ် အန်အယ်လ်ဒီ ဥက္ကဌ ဦးတင်မြင့်ကို ထောင်ဒဏ် ၂ နှစ်ခွဲ ချမှတ်လိုက်သည်။
မန္တလေးမှ အန်အယ်လ်ဒီပါတီဝင်များဖြစ်ကြသည့် ကိုရွှေမောင်း၊ ကိုဝဏ္ဏအောင်နှင့် ကိုဇော်ဝင်းတို့လည်း ထောင်ဒဏ် ၄ နှစ်ခွဲစီ ယနေ့ချမှတ်ခံလိုက်ရသည်။
ယခုအပတ်အတွင်း စစ်အစိုးရက နိုင်ငံရေးလှုပ်ရှားသူ ၆၀ ကျော်ကို ထောင်ဒဏ်အသီးသီးချမှတ်ခဲ့သည်။
ကရင်အမျိုးသားလွတ်မြောက်ရေးတပ်မတော် တပ်မဟာ(၆)လက်အောက်ခံတပ်ရင်းများနှင့် တိုးတက်သော ဗုဒ္ဓဘာသာကရင်အမျိုးသားတပ်တော်လက်အောက်ခံ(၉၉၉)အထူးတပ်ရင်း၊အမှတ်(၉၀၁)၊(၉၀၆)။(၉၀၇) ဗဟိုလုံခြုံရေးတပ်ရင်းများနှင့်
ဟောင်သရောငြိမ်းချမ်းရေးတပ်ဖွဲ့များသို့ပန်ကြားလွှာ
နအဖစစ်အာဏာရှင်ကြီးမိသားစုက လက်သပ်မွေးထားသော ခေတ်ပျက်သန်းကြွယ်သူဌေး တေဇပိုင် ထူး ကုမ္ပဏီက ကရင်ပြည်နယ်တွင်းရှိ ကရင်အမျိုးသားအစည်းအရုံး ထိန်းချူပ်ရာနယ်မြေတွင် မကြာသေးခင်က သစ်ထုတ်လုပ်ငန်းများ စတင်လုပ်ကိုင်နေကြောင်း၊ အဆိုပါ သစ်လုပ်ငန်းနယ်မြေသည် ကေအင်န်ယူ တပ်မဟာ(၆) ထိန်းချုပ်ထားသည့် ထိုင်း-မြန်မာနယ်စပ် ဘုရားသုံးဆူနယ်မြေမှ ၅ မိုင်ကျော် ကော့ကရိတ်ခရိုင်ရှိ မယ့်ကသာ သစ်တောအတွင်းတွင်ဖြစ်ပြီး ကေအင်န်ယူကို အခွန်ပေးဆောင်၍ သစ်ထုတ်လုပ်ငန်းများလုပ်ကိုင်နေခြင်းဖြစ်ကြောင်း ယင်းသစ်ထုတ်လုပ်ငန်းများအတွက် နှစ်ဘက်အကျိုးဆောင်ပေးနေသော ဘုရားသုံးဆူရှိ ကိုယ်စားလှယ်တစ်ဦး၏ ပြောကြားချက်ကို ကိုးကား၍ မီဒီယာများတွင် ဖော်ပြလာခဲ့သည်။
မီဒီယာများတွင်ဖော်ပြချက်အရ ထူး ကုမ္ပဏီသည် ၎င်းနယ်မြေတွင် သစ်တန်ချိန် ၁၀၀၀ ခန့်ကို ခုတ်လှဲ ခဲ့ပြီးဖြစ်ကြောင်း၊ကေအင်န်ယူ သစ်တောထိန်းသိမ်းရေးဌာန၏ အချက်အလက်များအရ ၎င်းနယ်မြေရှိ ကျွန်းသစ်နှင့် သစ်မာများ ထွက်ရှိရာ ဧက ၅၀၀၀၀ ၀န်းကျင်ရှိ မယ့်ကသာနှင့် ဧက ၂၀၀၀၀ ခန့်ရှိ ကျွန်းချောင်း သစ်တောနှစ်ခုသည် ကေအင်န်ယူ က အဓိက ထိန်းချုပ်ထားသော သစ်တောများဖြစ်သည်ဟုလည်း သိရသည်။
ထူး ကုမ္ပဏီအနေဖြင့် အဆိုပါနယ်မြေများအတွင်းမှ သစ်များထုတ်ယူခွင့်ရရှိရေးအတွက် နယ်မြေခံ တပ်မဟာ(၆)လက်အောက်ခံတပ်များနှင့် အခွန်အခငွေကြေးများ အပေးအယူလုပ်ထားသယောင် သတင်းများ ထွက်ပေါ်နေသော်လည်း ထိုသတင်းကို ဧရာဝတီ က တပ်မဟာ(၆)ရှိ ဗိုလ်ကြီး ထက်နေအား ဖုန်းဖြင့်ဆက်သွယ် မေးမြန်ရာတွင် ၎င်းက ထူး ကုမ္ပဏီ အနေဖြင့် ယခင်တုန်းက သစ်များထုတ်လုပ်ရန် ခွင့်တောင်းခဲ့ဖူးကြောင်း သို့သော် ၄င်းတို့က ခွင့်မပြုခဲ့ကြောင်း၊ ယခုလည်း ခွင့်မပြုကြောင်း ပြန်လည် ဖြေကြားခဲ့သည်ဟု သိရသည်။
အထက်ဖော်ပြပါ အခြေအနေအရပ်ရပ်သည် ယခုပွင့်လင်းရာသီရောက်သည်နှင့် အဆိုပါနယ်မြေအတွင်း တိုက်ပွဲများစဉ်ဆက်မပြတ်ပေါ်ထွက်လာတော့မည်ကို ညွှန်ပြနေပေသည်။ စစ်အာဏာရှင်ကြီး၏ မိသားစုအကျိုးစီးပွား နှင့်တိုက်ရိုက်ပတ်သက်မှုရှိနေသည့်အတွက် တေဇ ပိုင် ထူး ကုမ္ပဏီ၏ သစ်ထုတ်လုပ်ငန်းများ အဟန့်အတား မဖြစ်စေရန် နအဖ က တပ်အင်အားအလုံးအရင်းဖြင့် ထိုးစစ်ဆင်တော့မှာသေချာနေသည်။နယ်မြေကျွမ်းကျင်သော ဒီကေဘီအေ တပ်များကို စစ်အာဏားရှင်ကြီး၏ ခါးပိုက်ဆောင် ခေတ်ပျက်သူဌေး တေဇ အကျိုးစီးပွားအတွက် မဖြစ်စလောက်မက်လုံးများပေးကာ ကရင်အချင်းချင်းစစ်ခင်းခိုင်းပေလိမ့်မည်။
(၂)
နိုင်ငံပိုင်သယံဇာတအမျိုးမျိုးကို ၄င်းတို့ကိုယ်ကျိုးစီးပွားအတွက် ထင်သလိုခြယ်လှယ်နေသော နအဖ အစိုးရ အနေဖြင့် ကရင်ပြည်နယ်အတွင်း တည်ငြိမ်အေးချမ်းရေးနှင့်ဒေသခံလူထု၏လူနေမှုဘ၀ မြင့်မားတိုးတက်ရေးအတွက် စေတနာရှေ့ထားဆောင်ရွက်ခြင်းများမရှိသည့်အပြင် လူမျိုးတုန်းသတ်ဖြတ်မှုများကျူးလွန်ခြင်း၊ တောပျော်ကရင်တို့ ခိုကိုးရာမရှိအောင် တောရှင်းမြေလှန်လုပ်နေခြင်းများကို ကရင်တစ်မျိုးသားလုံးက အမျိုးသားရေးအသိ အမျိုးသားရေး သတိဖြင့်ကာကွယ်သွားရမည်ဖြစ်သည်။
ထို့ကြောင့် အဆိုပါနယ်မြေများအတွင်း အခြေပြုလှုပ်ရှားနေသော ကရင်အမျိုးသားလွတ်မြောက်ရေး တပ်မတော် တပ်မဟာ(၆)လက်အောက်ခံတပ်ရင်းများနှင့် တိုးတက်သော ဗုဒ္ဓဘာသာ ကရင်အမျိုးသားတပ်တော် လက်အောက်ခံ (၉၉၉)အထူးတပ်ရင်း ၊အမှတ်(၉၀၁) ၊ (၉၀၆) ၊ (၉၀၇) ဗဟိုလုံခြုံရေးတပ်ရင်းများနှင့် ဟောင်သရောငြိမ်းချမ်းရေးတပ်ဖွဲ့တို့အနေဖြင့် အိမ်ကြက်ချင်းအိုးမည်းသုတ် အခွပ်ခိုင်းသည့် နအဖ၏လုပ်ရပ်များကို တတ်နိုင်သမျှ ရှောင်ရှားပြီး ကရင့်နယ်မြေအတွင်း တည်ငြိမ်အေးချမ်းရေးအတွက်လည်းကောင်း၊ ကရင့်မြေပေါ်မှ သဘာဝသယံဇာတ သစ်တောအရင်းအမြစ်များ မပျက်စီး ၊ မပြုန်းတီးစေရေးအတွက်လည်းကောင်း၊ စစ်တပ်အားကိုးဖြင့် လောဘဇော တိုက်ကာ ကရင်ပြည်နယ်အားမီးလောင်တိုက်သွင်းရန်ကြံစည်နေသော တေဇပိုင် ထူး ကုမ္ပဏီ၏သစ်ထုတ်ရေး လုပ်ငန်းများ အထမမြောက်စေရန်အတွက်လည်းကောင်း ကရင်းအချင်းချင်း လက်ချင်းတွဲကျောချင်းကပ်ရတော့မည့် အချိန်ဖြစ်ကြောင်း တိုက်တွန်းပန်ကြားအပ်ပါသည်။
ကရင်အမျိုးသားအလံတော်အောက်တွင် ကရင်အမျိုးသားထုတစ်ရပ်လုံး သွေးစည်းညီညွတ်ကြပါစို့
ပေးပို့သူ။ ။ မနော်တူး
ရဲဘော်တို့ ခင်ဗျား ကျနော်တို့ ၏ xwarriors အကြောင်းကို စစ်အာဏာရှင်များ နှင့်နောက်လိုက်နောက်ပါများ သိအောင် လိုအပ်သလို ဖော်ပြပေးစေချင်ပါသည်။
လေးစားလျက်
နောင်ရိုး
၈ လေးလုံးမျိုး ဆက်ခေါင်းဆောင်များ၁၄ ဦးကို ကို စစ်အစိုးရ ထောင်ဒဏ် ၆၅ နစ် မတရားထောင်ဒဏ်တွေချမှတ်လိုက်ပါတယ်။ ခေါင်းဆောင်များကတော့
၁- ကိုမင်းဇေယျ
၂- ကိုဂျင်မီ
၃- ကိုဇော်ဇော်မင်း
၎- ကိုသန်းတင်
၅ - ကိုဇေယျ ( လူဘောင်သစ်)
၆- ကိုအံဘွယ်ကျော်
၇- ကိုကျော်ကျော်ထွေး
၈- ကိုပန်တိတ်ထွန်း
၉- ကိုသက်ဇော်
၁၀- မသင်းသင်းအေး (ခ) မမီးမီး
၁၁- မမာမာဦး
၁၂- မနီလာသိန်း
၁၃- မစန္ဒာမင်း
၁၄- မသက်သက်အောင် တို့ ဖြစ်ကြပါတယ်။ မစုစုနွေး ကိုလည်းထောင် ၁၂ နစ်ခွဲ ချမှတ် ပါတယ်။
မင်းကိုနိင်၊ ကိုကိုကြီးနှင့် ကိုဌေးကြွယ်တို့ ကိုမူ မသိရသေးပါ။ ကိုမင်းဇေယျ က ၆၅ နစ်ထဲလားကွာ ဟု ကြွေးကြော်သွားကြောင်းသိရပါတယ်။
သန်းထိုက်ဦး
တနင်္လာနေ့၊ နိုဝင်ဘာလ 10 2008 20:31 - မြန်မာစံတော်ချိန်
ချင်းမိုင်။ ။ ဘလော့ဂ်ဂါ လူငယ်တဦးဖြစ်သူ ကိုနေဘုန်းလတ်အား ရန်ကုန် အင်းစိန် အကျဉ်းထောင်အတွင်း တရားရုံးက ယနေ့တွင် ထောင်ဒဏ် နှစ် ၂၀ ကျော် ပြစ်ဒဏ် ချမှတ်လိုက်သည်။
ကိုနေဘုန်းလတ်အား ယခုနှစ် ဇန်န၀ါရီလ ၂၉ ရက်နေ့တွင် ဖမ်းဆီးပြီးနောက် ရန်ကုန် အင်းစိန်ထောင်တွင် ချုပ်နှောင်ထားကာ ၉ လကျော်အကြာ ယနေ့တွင် နိုင်ငံတော် လုံခြုံရေးကို ထိခိုက်ပျက်ပြားစေရန် လှုံ့ဆော်မှု - ပုဒ်မ ၅၀၅ (ခ) အပါအ၀င် ပုဒ်မ ၃ ခုဖြင့် အင်းစိန်ထောင်တွင်း တရားရုံးက စီရင်ချက် ချလိုက်ခြင်း ဖြစ်သည်။
"ဒီနေ့ စီရင်ချက် ချတာပေါ့နော် ၅၀၅ (ခ) က ၂ နှစ် ၊ ဗီဒီယို အက်ဥပဒေ ပုဒ်မ ၃၂ (ခ) ၊ ၃၆ က ၃ နှစ်နဲ့ ၆ လ ၊ အီလက်ထရောနစ် အက်ဥပဒေ ပုဒ်မ ၃၃ (က)၊ ၃၈ ပုဒ်မက ၁၅ နှစ် စီရင်ချက်ချလိုက်တယ်" ဟု ကိုနေဘုန်းလတ်၏ မိခင် ဒေါ်အေးအေးသန်းက မဇ္ဈိမကို ပြောသည်။
သူက ဆက်ပြီး ''မနေ့တုန်းက သားကို မှာထားလိုက်တယ်လေ။ 'တရားသူကြီးနဲ့ မှာလိုက်ပါ။ အမေတို့ အပြင်မှာ ရှိတယ်။ တရားသူကြီးကို ကျနော် ဘယ်လောက်ကျတယ် ဆိုတာ ပြောပေးပါလို့' ။ ကျမ မနေ့ကတည်းက မှာခဲ့တော့၊ ဒီနေ့ တရားသူကြီး ထွက်လာတော့ မေးလိုက်တာပေါ့နော်။ ကားကိုတားပြီး မေးလိုက်တာပေါ့နော်။ အာဏာပိုင်တွေဘက်က တရားသူကြီး ရှေ့နေ အမျိုးသမီး ပြောပြချက်အရ သိရတာပါ'' ဟု ပြောသည်။
ဗဟိုတရားရုံးချုပ်ရှေ့နေ ဦးအောင်သိန်းက ကိုနေဘုန်းလတ်အမှုအား လိုက်လံ ဆောင်ရွက်ခဲ့သော်လည်း သူ့ကို တရားရုံးအား မထီမဲ့မြင်ပြုမှု - ပုဒ်မ ၃ ဖြင့် စွဲချက်တင်ကာ ယခုလ ၇ ရက်နေ့က ထောင်ဒဏ် ၄ လ မျက်ကွယ်စီရင်ချက် ချပြီးနောက် ၃ ရက်အကြာတွင် ကိုနေဘုန်းလတ်အား ယခုလို ထောင်ဒဏ်ချခြင်းလည်း ဖြစ်သည်။
ကိုနေဘုန်းလတ်သည် အမျိုးသား ဒီမိုကရေစီအဖွဲ့ချုပ်ဝင် လူငယ်တဦးဖြစ်ကာ ပန်းပဲတန်းမြို့နယ်တွင် the Explorer ၊ သင်္ကန်းကျွန်းမြို့နယ်တွင် Heaven နှင့် အခြား နေရာတခုတွင် အင်တာနက်ဆိုင်များ ဖွင့်လှစ်ထားကာ မြန်မာလူငယ်များကြားတွင် ရေပန်းစားသည့် နာမည်ကြီး ဘလော့ဂ်ဂါတဦး ဖြစ်သည်။
သားဖြစ်သူအား မည်သည့် အငြိုးအတေးများဖြင့် အာဏာပိုင်များက ပြစ်ဒဏ်ချမှတ်သည်ကို မိခင်တဦးအနေနှင့် စဉ်းစား၍ မရနိုင်ကြောင်း ဒေါ်အေးအေးသန်းက ပြောသည်။
သူက "ရှင်းရှင်းပြောတာ၊ မြန်မာနိုင်ငံမှာဆို ဘလော့ဂ်ဂါဆိုရင် သူ အရင်ဦးဆုံး အဖမ်းခံရတာ။ သူတယောက်တည်းပဲ ရှိတယ်လေ။ အဲဒီတော့ သူတို့ (အာဏာပိုင်) စိတ်ထဲမှာ ဒါကို ကြီးကြီးကျယ်ကျယ် တွေးပြီးတော့ ချလိုက်တာလဲတော့ ကျမလည်း စဉ်းစားလို့ မရဘူး" ဟု ပြောသည်။
အလားတူပင် ယခုနှစ် ဖေဖော်ဝါရီလအတွင်းက ရန်ကုန်ရှိ အချစ်ဂျာနယ်တွင် ကဗျာစာကြောင်း ထိပ်စီးစကားလုံးများဖြင့် "အာဏာရူးကြီး မှူးကြီးသန်းရွှေ" ဟု အဓိပ္ပာယ်ထွက်သော "ဖေဖော်ဝါရီဆယ့်လေး" ကဗျာ ရေးသားခဲ့သောကြောင့် ဖမ်းဆီးခံရသူ ကဗျာဆရာစောဝေလည်း ယနေ့တွင် အင်းစိန် ထောင်တွင်း တရားရုံးက နိုင်ငံတော် လုံခြုံရေးကို ထိခိုက်ပျက်ပြားစေရန် လှုံ့ဆော်မှုဖြင့် ထောင်ဒဏ် ၂ နှစ် ချမှတ်လိုက်သည်။
ဆရာ စောဝေ၏ ဇနီးက "သူ့မှာ ကျန်းမာရေး မကောင်းတော့ ကျမက အဲဒါတခုပါပဲ၊ စိတ်ညစ်တာ။ အပြင်မှာ ဆေးကုချင်တယ်။ သူ့ရဲ့ ခါးကိုက်တာ၊ ခါးနာတာတွေဆိုတာက ဓာတ်မှန်တွေဘာတွေ ရိုက်ကြည့်လို့ ရတာမှ မဟုတ်တာ။ အဲဒါ အပြင်မှာ ကုချင်တာ။ အထဲမှာ ရောက်နေတာ ဘာမှ လုပ်လို့မရဘူးပေါ့။ အမြဲတမ်း တဘက်ကြီးနဲ့။ ဒီမနက် ရုံးထုတ်တာဆိုလို့ရှိရင် ကြာကြာထိုင်လို့ မရဘူး။ ခါးနာလို့ ခဏခဏ မတ်တပ်ရပ်ပြီး စကားပြောနေရတယ်'' ဟု ပြောသည်။
အမှုအား လိုက်ပါဆောင်ရွက်ပေးနေသည့် ရှေ့နေဦးစိုးမောင်က ''ချလိုက်တဲ့ အမိန့်အပေါ်မှာ အဆင့်ဆင့် တက်သွားမှာပေါ့။ အယူခံတက်မယ်။ နောက် ပြင်ဆင်မှု။ ဒီဟာနဲ့ပတ်သက်လို့ တရားစီရင်ရေး လမ်းကြောင်းအရ အခွင့်အရေးရသမျှ အဆုံးထိ ဆောင်ရွက်သွားမယ်လို့ ရည်ရွယ်ထားပါတယ်။ သူ ညွှန်ကြားထားတဲ့အတွက် ပြင်ဆင်နေတယ်'' ဟု ပြောသည်။
ပြီးခဲ့တဲ့ နိုဝင်ဘာလ ၆ ရက်နေ့က အင်းစိန်အကျဉ်းထောင်တွင်း သီးသန့်တရားရုံးမှာ အထိန်းသိမ်းခံထားရတဲ့ အမျိုးသားဒီမိုကရေစီ အဖွဲ့ချုပ်ဝင် ကိုသန့်ဇင်မျိုးနဲ့ အဖွဲ့က နိုင်ငံရေးအကျဉ်းသားတွေရဲ့ အခွင့်အရေးတွေရဖို့ ဆန္ဒပြခဲ့ကြတာကို ရ၀ဲန်ထမ်းတွေက အကြမ်းဖက် ဖိနှိပ်ခဲ့ပါတယ်။ ထောင်တွင်း တရားစီရင်မှုတွေဟာ ဥပဒေနဲ့ မကိုက်ညီဘူး ဆိုပြီး တရားခွင်ထဲကို တရားသူကြီး ရောက်ရှိတဲ့အချိန်မှာ သူတို့က မတ်တပ်ရပ်ကျောခိုင်း ဆန္ဒပြခဲ့ကြတဲ့အတွက် ရဲတွေက တရားရုံးထဲဝင်ရောက် နှိမ်နင်းခဲ့တယ်လို့ ကိုသန့်ဇင်မျိုးရဲ့ အစ်ကိုဖြစ်သူကိုသန့်ဇင်ဦးက ပြေါပါတယ်။
ကိုသန့်ဇင်ဦး။ ။ "တရားသူကြီးဖက်ကို ပြန်လှည့်ခိုင်းတယ် မလှည့်ဘူး၊ မလှည့်တဲ့အခါကျတော့ သူတို့က ဘာလုပ်လဲဆိုတော့ ရဲတယောက် အစွပ်စွဲခံရတဲ့သူတယောက် လက်ထိပ်တွဲခတ် လိုက်တယ်၊ ပြီးတော့ ၂ ယောက် လည်ပင်းကိုဆွဲညှစ်ပြီးတော့ ဆွဲလှည့်တယ်၊ တရားသူကြီး ဖက်ကို လှည့်ခိုင်းတာပေါ့၊ အဲဒီမှာ လည်ပင်းတွေအစ်ပြီး၊ အသက်ရှုကြပ်တာတွေ အကုန်လုံး ဖြစ်ကုန်ကြတယ်လေ။ အဲဒီလိုမျိုးကို မိသားစုတွေက မခံနိုင်ကြတော့ မိသားစုတွေကို မောင်းထုတ်ပစ်လိုက်တယ်။"
အင်းစိန်ထောင်မှာ စစ်ဆေးခံနေရတဲ့ ကိုသန့်ဇင်မျိုးဟာ၂၀ဝ၇ ဩဂုတ်လက ကုန်ဈေးနှုန်း ကျဆင်းရေးအတွက် ဆန္ဒပြသူတွေထဲမှာ ပါဝင်ခဲ့တာကြောင့် အဖမ်းခံခဲ့ရတာဖြစ်ပါတယ်။ သူရဲ့ ဇနီးဖြစ်သူမလှလှမိုးဟာလည်း အင်းစိန်အကျဉ်းထောင်ထဲမှာ နိုင်ငံရေးပုဒ်မတွေနဲ့ အကျဉ်းချ ခံထားရတာဖြစ်ပါတယ်။ အပြင်မှာကျန်ခဲ့တဲ့ ခြောက်နှစ်အရွယ်သမီးကိုတော့ ဆွေမျိုးသားချင်းတွေက ၀ိုင်းဝန်းစောင့်ရှောက်ထားရတယ်လို့သိရပါတယ်။ (RFA)
ကိုမိုးသီး
နအဖ အစိုးရ မိုးလုံးပြည့်မုသားဝါဒ လိမ်ညာမှုတွေ၊ သတင်းအမှောင်ချမှုတွေကို နဲ့  တခြား ၀က်ဆိုက်တွေကိုလည်း တိုက်ခိုက်မှုတွေကို တုန့် ပြန်သော အားဖြင့် ကွန်ပြူတာ နည်းပညာ ကျွမ်းကျင်တဲ့ ကျောင်းသား တချို့ က စစ်အစိုးရ ၀က်ဆိုက်တခုဖြစ်တဲ့  http://www.most.gov.mm ကိုနာရီအနည်းငယ်ကြာတိုက်ခိုက်လာတာကိုဒီနေမနက်တွေ့ရပါတယ်။နာရီတော်တော်ကြာအောင် ပျက်သွားပါတယ်။
အခုတော့ပြန်လည်ပြင်ဆင်ပြုပြင်လိုက်ပါပြီ။ အင်တာနက်စာမျက် နှာမှာ http://www.most.gov.mm/media/
University of the lat remaining platform for national dissent ...... we need better education !!!စစ်အာဏာ ရှင်စနစ် ကို နောက်ဆုံး ခုခံနေတဲ့ တက္ကသိုလ် .....ငါဒို့  အဆင့်မြင့် ပညာရေး လို အပ်နေ ပြီ လို့  ရေးသား သွားတာကိုတွေ့ ရပါတယ်ခင်ဗျာ။
NEJ/ ၄ နိုဝင်ဘာ ၂၀၀၈
စက်မှု (၁) ၀န်ကြီးဌာန ၀န်ကြီး ဦးအောင်သောင်းသည် အောက်တိုဘာ ၁၇ ရက်ညက မန္တလေးမြို့  ဘီယာချက်စက်ရုံ ဧည့်ရိပ်သာမှာ တည်းခိုနေစဉ် မူးမေ့သတိလစ် သွားသည့်အတွက် အရေးပေါ် ဆရာဝန်ခေါ်ကုသခဲ့ရသည်ဟု ဦးအောင်သောင်း၏ လက်ထောက်အရာရှိများ က ပြောသည်။
အသက် (၇၂) နှစ်ရှိ ၀န်ကြီး ဦးအောင်သောင်း မူးမေ့လဲသွားသည်မှာ တလအတွင်း ဒုတိယအကြိမ်ဖြစ်သည်။ အောက်တိုဘာ ၇ ရက်နေ့ကလည်း နေပြည်တော် စက်မှု (၁)၀န်ကြီးရုံးသို့ ရုံးတက်ရန်အလာ ၀န်ကြီး ဦးအောင်သောင်း ရုတ်တရက် သတိလစ် မူးလဲသွားသဖြင့် ရုံးပေါ်သို့ တွဲတင်ယူခဲ့ရသည်။
ဝန်ကြီးဦးအောင်သောင်းသည် မကြာခင် စင်္ကာပူသို့ဆေးကုသွားရန် ဗိူလ်ချုပ်မှုးကြီးသန်းရွှေထံ တင်ပြထားပြီး နိုဝင်ဘာလလယ်ပိုင်းတွင် စင်္ကာပူနိုင်ငံသို့ သွားရောက်မည်ဟု စုံစမ်းသိရသည်။
ဝန်ကြီးဦးအောင်သောင်းသည် မန္တလေးမြို့ ရောက်ရှိနေစဉ်အတွင်း ကြံဖွံ့အသွင်ပြောင်း နိုင်ငံရေးပါတီအတွက် မန္တလေးတိုင်းမှ စက်မှု (၁) ၀န်ကြီးဌာနလက်အောက်ခံ စက်ရုံမှူးများအားလုံးကို ပါတီကေဒါများကဲ့သို့ စည်းရုံး ရေး လုပ်ရန် တာဝန်ပေးခဲ့ပြီး ကုန်ကျစရိတ်ကိုလည်း ကိုယ့်အစီအစဉ်နှင့်ကိုယ် ရအောင်ရှာသုံးရန် ဖိအားပေးခဲ့သည်ဟု စက်ရုံမှူးသတင်းရပ်ကွက်က ပြောသည်။
ဧရာဝတီ | နိုဝင်ဘာ ၃၊ ၂၀၀၈
ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးအကြံပေးအရာရှိ မစ္စတာ အီဗရာဟင် ဂန်ဘာရီကို ယခုလနောက်ဆုံးအပတ် (သို့မဟုတ်) ဒီဇင်ဘာလဆန်းပိုင်းတွင် မြန်မာနိုင်ငံသို့ လာရောက်ရန် စစ်အစိုးရက ဖိတ်ကြားလိုက်သည်။
မစ္စတာ ဂန်ဘာရီ ခရီးစဉ်နှင့်ပတ်သက်၍ အမေရိကန်နိုင်ငံ၊ နယူးယောက်မြို့ ကုလသမဂ္ဂ ဌာနချုပ်ရှိ တာဝန်ရှိသူများက လွန်ခဲ့သည့် သြဂုတ်လခရီးစဉ်ကဲ့သို့ ထပ်မံကြုံတွေ့မည်ကိုလည်း စိုးရိမ်လျက် ရှိသည်။
လွန်ခဲ့သည့် သြဂုတ်လက မစ္စတာ ဂန်ဘာရီ မြန်မာနိုင်ငံသို့ ရောက်ရှိနေစဉ် ကာလအတွင်း နအဖ စစ်ခေါင်းဆောင် ဗိုလ်ချုပ်မှူးကြီး သန်းရွှေနှင့် တွေ့ဆုံ ခွင့်မရသကဲ့သို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ကလည်း တွေ့ဆုံရန်ငြင်းပယ်ခဲ့သည်။
မစ္စတာ ဂန်ဘာရီနှင့် စစ်အစိုးရ၏ ကုလသမဂ္ဂကိုယ်စားလှယ် ဦးကျော်တင့်ဆွေ တို့ တွေ့ဆုံခဲ့အပြီး မြန်မာနိုင်ငံသို့ လာရောက်ရန် ဖိတ်ကြားခံရခြင်း ဖြစ်သည်။ မစ္စတာ ဂန်ဘာရီက မြန်မာနိုင်ငံသို့ သွားရောက်မည့် နေ့ရက် အတိအကျကိုမူ ထုတ်ဖော်ပြောဆိုခြင်း မရှိသေးပေ။
မစ္စတာ ဂန်ဘာရီ၏ ယခုအကြိမ်ခရီးစဉ်သည်လည်း သြဂုတ်လခရီးစဉ်ကဲ့သို့ မအောင်မြင်မှုများနှင့် ထပ်မံကြုံတွေ့ရဦးမည်ဟု ကုလသမဂ္ဂ အရာရှိများက ယုံကြည်နေကြသည်။
လွန်ခဲ့သည့် သြဂုတ်လ မစ္စတာ ဂန်ဘာရီ မြန်မာနိုင်ငံမှပြန်သွားအပြီး အတိုက်အခံပါတီဖြစ်သည့် အန်အယ်လ်ဒီ အပါအဝင် မြန်မာ့ဒီမိုကရေစီအင်အားစုများက ၎င်းအား ဝေဖန်မှုများပြုလုပ်ခဲ့ကြသည်။ မစ္စတာ ဂန်ဘာရီ၏ မြန်မာနိုင်ငံ ဒီမိုကရေစီရေး ကြိုးပမ်းမှုများသည် အလုပ်မဖြစ်၊ လက်ဆုပ်လက်ကိုင်ပြနိုင်သည့် တိုးတက်မှုတစုံတရာမရှိဟု အန်အယ်လ်ဒီ ပါတီက ကြေညာချက်ထုတ်ပြန်ကာ ဝေဖန်ခဲ့သည်။
မစ္စတာ ဂန်ဘာရီသည် ကုလသမဂ္ဂ လက်ထောက်အတွင်းရေးမှူးချုပ်တာဝန်ယူထားစဉ် ၂၀၀၆ ခုနှစ် မေလ နှင့် နိုဝင်ဘာလ များမှစတင်၍ မြန်မာနိုင်ငံသို့ ၂ ကြိမ်သွားရောက်ခဲ့ပြီး အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာအထူးအကြံပေး ပုဂ္ဂိုလ်တာဝန်ဖြင့် လွန်ခဲ့သည့်နှစ် စက်တင်ဘာလမှ ယခုနှစ် သြဂုတ်လ နောက်ဆုံးအကြိမ်အထိ မြန်မာနိုင်ငံသို့ ၄ ကြိမ် သွားရောက်ခဲ့သည်။
မကြာခင်က လားရှိုးအကျဉ်းထောင်ကနေ ပြန်လည်လွတ်မြောက်လာခဲ့တဲ့ နှစ်ရှည် နိုင်ငံရေး အကျဉ်းသားဟောင်း၊ စမ်းချောင်းမြို့နယ် ပြည်သူ့လွှတ်တော်ကိုယ်စားလှယ် ဦးခင်မောင်ဆွေကို လက်ရှိပြည်တွင်း နိုင်ငံရေးနဲ့ပတ်သက်တဲ့ ရှုမြင်ချက်၊ အမျိုးသား ဒီမိုကရေစီ အဖွဲ့ချုပ်ရဲ့ ပါတီတွင်းအခြေအနေ၊ ရှေ့ဆက်ပြီး တာဝန်ထမ်းဆောင်မယ့် သူ့အနေ အထားတွေနဲ့ ပတ်သက်ပြီး ကိုနေရိန်ကျော်က ဆက်သွယ်မေးမြန်းထားတာကို နားဆင်နိုင်ပါတယ်။ (rfa)
ဖြိုးကြီး။ အောက်တိုဘာ ၃၁၊ ၂၀၀၈
စစ်အစိုးရအာဏာပိုင်များက နိုင်ငံရေးအကျဉ်းသားများကို ညှဉ်းပန်းနှိပ်စက်မှုများပြုလုပ်ပြီး အကြမ်းဖက်သမားအဖြစ် ထွက်ဆိုခိုင်းမှုများ ပြုလုပ်နေသည်။
အမျိုးသားဒီမိုကရေစီအဖွဲ့ချုပ်၊ နာဂစ်မုန်တိုင်းကယ်ဆယ်ရေးကော်မတီဥက္ကဋ္ဌ ဦးအုန်းကြိုင်အား ညှဉ်းပန်းနှိပ်စက်မှုများပြုနေကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP) အတွင်းရေးမှူး ဦးတိတ်နိုင်က ယနေ့ပြောဆိုသည်။
“ဦးအုန်းကြိုင်ကို နိုင်ငံခြားကနေ အကြမ်းဖက်မှုတွေလုပ်ဖို့အတွက် ငွေတွေလက်ခံထားတယ် ဆိုပြီး ရိုက်တာပုတ်တာတွေ လုပ်တယ်၊ အဲလိုစစ်ကြောရေးတွေလုပ်ပြီးတော့ အကြမ်းဖက်မှုတွေ လုပ်ပါတယ်ဆိုတာ အဖြေထွက်ဖို့လုပ်နေတယ်”ဟု ၎င်းက ပြောသည်။
စစ်အစိုးရနေဖြင့် ယခင်က ဗုံးကွဲအကြမ်းဖက်မှုများဖြစ်ပေါ်လာပါက (ABSDF)၊ (KNU) အဖွဲ့ များနှင့် အခြားဒီမိုကရေစီအင်အားစု အဖွဲ့အစည်းများကို စွပ်စွဲမှုများပြုလုပ်ပြီး ယခုနောက်ပိုင်း နိုင်ငံရေးအကျဉ်းသားများကိုပါ ဆက်လက်လုပ်ဆောင်လာနေခြင်းဖြစ်ကြောင်း ဦးတိတ်နိုင်က ဆက်ပြောသည်။
ယခုကဲ့သို့ စစ်အစိုးရလုပ်ဆောင်မှုများနှင့်ပတ်သက်၍ “ဒါမျိုးတွေလုပ်တယ်ဆိုတာက နိုင်ငံ တကာကလည်း အကြမ်းဖက်မှုနဲ့ပတ်သက်လာရင် မတို့ရဲ မထိရဲဆိုတဲ့ အခြေအနေမျိုးပေါ်မှာ အခွင့်အရေးယူပြီးတော့ ဒီကိစ္စတွေကို အသုံးချနေတာလို့ ကျနော်တို့မြင်ပါတယ်”ဟု ပြောသည်။
ထို့အပြင် အရှင်ဂမ္ဘီရ၏ ညီအကိုတော်များ၊လူ့အခွင့်အရေးကာကွယ်မြှင့်တင်သူများကွန်ယက်မှ ဦးမြင့်အေးနှင့် အခြား အမျိုးသားဒီမိုကရေစီအဖွဲ့ချုပ်ဝင်များကို ညှဉ်းပန်းနှိပ်စက်မှုများပြုလုပ်ပြီး အကြမ်းဖက်သမားများအဖြစ် ထွက်ဆိုရန် လုပ်ဆောင်နေလျှက်ရှိသည်။
မြန်မာပြည်မှာ ပြည်သူလူထုတွေ စီးပွားပျက်နေချိန်မှာ သန်းရွှေသမီးတွေ နဲ့ အလယ်ပိုင်းတိုင်း တိုင်းမှုးကတော်တို့ဟာ စိန် နဲ့ေ ရွှ တွေကို နေ့စဉ်လို လို အ၀ယ်ထွက်လျက်ရှိ နေတယ်လို့ ရန်ကုန်မြို့ခံ ရတနာကုန်သည်များက ဆိုပါတယ်။နာဂစ်မုန်တိုင်းဒဏ်ခံခဲ့ရတဲ့ မိသားစုဖူလုံရေးအတွက် လိုအပ်တဲ့ အထောက်အပံ့တွေ ဆက်ပြီး မပေးနိုင်ဘူးဆိုရင် ဒီအမျိုးသမီးနဲ့ ကလေး ငယ်တွေ အိုးမဲ့အိမ်မဲ့ဘ၀ ထပ်ပြီး ရောက်သွားနိုင်ပါတယ်။ မတရားသဖြင့် အလုပ်ခံရတာတွေ၊ အဓမ္မ အလုပ်ကြမ်း ခိုင်းစေခံရတာတွေနဲ့ ပြည့်တန်ဆာအဖြစ် အသက်မွေးရတဲ့ ဘ၀မျိုးတွေ ရောက်သွား နိုင်တယ်။ဒါပေမဲ့ ဗိုလ်ချုပ်သမီးတွေဟာ စိန်ဝယ်လို့ကောင်းနေတုန်းဘဲ.....
နာဂစ်မုန်တိုင်းဒဏ်ခံရပြီး ၆ လအကြာမှာ ဧရာဝတီတိုင်းအတွင်း မိဘမဲ့ ကလေးတွေနဲ့ မှီခိုမဲ့ အမျိုးသမီးတွေ အများအပြား ရှိနေဆဲဖြစ်ပြီး အကူအညီ အထောက်အပံ့တွေ ဆက်ပြီး ပေးနိုင်ရေးအတွက် အမေရိကန်ဒေါ်လာ ၁,၂၀၀,၀၀၀ အကူအညီ လိုအပ်နေ တဲ့အကြောင်း ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR က ပြောပါတယ်။ လိုအပ်တဲ့အကူအညီကို ဆက်ပြီးမပေးနိုင်ရင် ဘေးဒုက္ခ ရောက်ရသူတွေ အိုးမဲ့ အိမ်မဲ့ဘ၀ ထပ်ပြီးရောက်မှာ စိုးရိမ်ရတယ်လို့လည်း ပြောပါတယ်။
ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) အနေနဲ့ ပြီးခဲ့တဲ့ ၆ လ၊ မြန်မာနိုင်ငံမှာ မုန်တိုင်း ဒဏ်ခံရပြီးနောက်ပိုင်းမှာ လူ ၂၀၀,၀၀၀ လောက်ကို ကူညီစောင့်ရှောက်ပေးနိုင်ခဲ့တဲ့အကြောင်း UNHCR က ကြေညာချက် ထုတ်ပြန်ထားပါတယ်။
ခြင်ထောင်တွေ၊ ပလတ်စတစ် အမိုးအကာတွေနဲ့ အခြား လိုအပ်တဲ့ပစ္စည်းတွေကို ထောက်ပံ့နိုင်ခဲ့ပေမယ့် ၆ လ အတွင်း လပွတ္တာ မြို့နယ်အတွင်း မုန်တိုင်းဘေးသင့်ပြည်သူ တွေရဲ့ လိုအပ်ချက် ၉၃% ကို UNHCR က ဖြည့် ဆီးပေးနိုင်ခဲ့ပြီး ဘိုကလေးဘက်ကမိသားစု ၈၇% ရဲ့ အခြေခံလိုအပ်ချက်တွေကို ဖြည့်ဆည်းပေးနိုင်ခဲ့တယ် လို့လည်း ဆိုပါတယ်။
ဒါပေမယ့်လည်း အကူအညီလိုအပ်နေတဲ့သူတွေ အများအပြား ရှိနေဆဲပဲလို့ UNHCR ထိုင်းနိုင်ငံ ဘန်ကောက်၊ ဒေသဆိုင်ရာရုံး ပြန်ကြားရေးအရာရှိ ကစ်တီ မက်ကင်းဆေး (Kitty McKinsey) က အခုလို ပြောပါတယ်။
"ဧရာဝတီတိုင်းအတွင်းမှာ အမျိုးသားတွေ အသက်ဆုံးရှုံးသွားပြီး ကျန်ခဲ့တဲ့ မှီခိုမဲ့ အမျိုးသမီးတွေ၊ မိဘ မဲ့ကလေးတွေ အများအပြား ရှိနေဆဲပါ။ သူတို့ကို ဆက်ပြီး ကူညီထောက်ပံ့ပေးဖို့အတွက် အခြေအနေ စိုးရိမ် နေရပါတယ်။ အရေအတွက်အားဖြင့်ဘယ်လောက်ရှိမယ် လို့ တိတိကျကျ စစ်တမ်းကောက်လို့ မရသေးပေမယ့် ဒီလို ကျန်ခဲ့ တဲ့ ဒုက္ခရာက်နေတဲ့သူတွေအတွက် ရေရှည်ကူနိုင်ဖို့ အရေးကြီး ပါတယ်" ဆိုပြီး UNHCR ထိုင်းနိုင်ငံ ဘန်ကောက်၊ ဒေသဆိုင်ရာရုံး ပြန်ကြားရေးအရာရှိ ကစ်တီ မက်ကင်းဆေး က ပြောသွား တာပါ။
မိသားစုဖူလုံရေးအတွက် လိုအပ်တဲ့ အထောက်အပံ့တွေ ဆက်ပြီး မပေးနိုင်ဘူးဆိုရင် ဒီအမျိုးသမီးနဲ့ ကလေး ငယ်တွေ အိုးမဲ့အိမ်မဲ့ဘ၀ ထပ်ပြီး ရောက်သွားနိုင်ပါတယ်။ မတရားသဖြင့် အလုပ်ခံရတာတွေ၊ အဓမ္မ အလုပ်ကြမ်း ခိုင်းစေခံရတာတွေနဲ့ ပြည့်တန်ဆာအဖြစ် အသက်မွေးရတဲ့ ဘ၀မျိုးတွေ ရောက်သွား နိုင်တယ်ဆိုပြီး ကစ်တီ မက်ကင်းဆေးက ပြောပါတယ်။ မုန်တိုင်းဘေးကယ်ဆယ်ရေး အခက်အခဲနဲ့ ပတ်သက် လို့လည်း …
"ဒီလို အကူအညီပေးရေးမှာ အဓိက အခက်အခဲကတော့ လိုအပ်နေတဲ့ အမေရိကန် ဒေါ်လာ ၁,၂၀၀,၀၀၀ အကူအညီတွေ မရတဲ့ ပြဿနာပါ။ နာဂစ်မုန်တိုင်းဒဏ်ခံရပြီး ၆ လအကြာမှာ လူတွေက ဧရာဝတီတိုင်းအတွင်း မုန်တိုင်းဘေးကယ်ဆယ်ရေး လုပ်ငန်းတွေကို သိပ်ဂရုမစိုက်တော့တာ စိတ်မကောင်းစရာပါပဲ။ ဒေါ်လာ ၁,၂၀၀,၀၀၀ ဆိုတာ ဒီနေ့ ငွေကြေး အဖွဲ့အစည်းကြီးတွေရဲ့ အကြွေးဆုံးတွေကို ပြန်ဝယ်ဖို့ ငွေတွေ ဒေါ်လာ ထရီလီယံနဲ့ချီ သုံးနေတဲ့အချိန်မှာ မပြောပါလောက်ပါဘူး" လို့လည်း UNHCR ထိုင်းနိုင်ငံ ဘန်ကောက်၊ ဒေသ ဆိုင်ရာ ရုံး ပြန်ကြားရေးအရာရှိ ကစ်တီ မက်ကင်းဆေးက ပြောပါတယ်။
မုန်တိုင်းဒဏ် ထိခိုက်ခဲ့ပြီး ၆ လအကြာမှာ ပြည်ပနိုင်ငံတွေက အကူအညီပေးရေး ကိစ္စ တွေကို သိပ်ပြီး အာရုံမ စိုက်ကြတော့ဘူးလို့ UNHCR အရာရှိတွေက ပြောကြတဲ့တချိန် တည်းမှာ ဧရာဝတီတိုင်းအတွင်း လေဘေး ကယ်ဆယ်ရေး လုပ်ငန်း လုပ်ကိုင်နေသူတွေကလည်း ပြည်တွင်းအလှူရှင်တွေ လျော့နည်းသွားတဲ့အကြောင်းကို မကြာခဏ ပြောဆို ကြပါတယ်။ အဓိကတော့ လေဘေး ကယ်ဆယ် ရေးမှာ ရေရှည်ပေးမယ့် အကူအညီ မရှိတာလို့ မအူပင်မြို့ခံ လေဘေးကယ်ဆယ်ရေး လုပ်ကိုင်နေသူတယောက်က ပြောပါတယ်။
"အလှူပေးတဲ့အဖွဲ့တွေက ဆက်ပေးတာ မရှိပါဘူး။ ဒီ ကျနော်တို့ မြို့ထဲ ရွာထဲတွေမှာ ကျနော်တို့ သာမန် ဘုရား ပွဲလို၊ ဒီဘက်တွေမှာဆိုရင် ဘာရှိမလဲဆိုတော့ တန်ဆောင်တိုင်ပွဲမှာ စတုဒီသာ ကြွေးတာမျိုးတွေ ဒါလောက်ပဲရှိတော့တယ်။ အခုနပြောသလို ကျောင်းအတွက် ပျက်ဆီးသွားတာကို ပြန်ပြီးကူညီဖို့ ရေရှည်ပေး တာတွေတော့ မရှိတော့ဘူး။
တခုတော့ရှိတာပေါ့၊ နီးစပ်တဲ့ အလှူရှင်ရှိရင် ဒီက ရွာသားတယောက် အခြားနေရာမှာ သွားပြီး ကြီးပွား နေတယ်ဆိုရင် သူက ပြန်လာမယ်၊ အကူအညီပေးမယ်၊ ဒီလိုပေးတာမျိုးလောက်ပဲ ရှိတယ်။ သေချာ အစီအ စဉ်ချ ကူညီတာ မရှိတော့ဘူး။"
မအူပင်မြို့ခံ လေဘေးကယ်ဆယ်ရေး လုပ်ကိုင်နေသူတယောက် ပြောပြသွားတာပါ။
မုန်တိုင်းသင့်ပြီး ၆ လအကြာ လူတွေ အသက်ရှင်ရပ်တည်ဖို့၊ ပြန်လည်တည်ဆောက်ဖို့ ကြိုးစားကြတဲ့ အခြေအ နေကိုလည်း ဧရာဝတီ တိုင်း အတွင်း လေးဘေးကယ်ဆယ်ရေး လုပ်ကိုင်နေသူက အခုလို ပြောပါတယ်။
"ဒီဘက်မှာ မိုးရွာတယ်၊ လေတိုက်တယ်၊ ပျက်ဆီးဆုံးရှုံးမှုတွေကို အမိုးအကာတွေ ပြန်တပ်ပြီးသွားတယ်ပေါ့နော်။ အိမ်တွေ တဲတွေ ပြန်ပြီး ဆောက်ပြီးသွားတယ်ပေါ့။ စိုက်ပျိုးရေးကိစ္စတွေမှာတော့ လယ်တွေတော်တော်များများ ပြန်မစိုက်နိုင်တာတွေ ရှိတယ်။ ဥပမာ မျိုးစပါးတွေ ပျက်ဆီးသွားတာမျိုး၊ ကျွဲနွားလည်း ထိခိုက်သွားတာတွေ ရှိတာပေါ့။ တချို့ ကျနော်သိသလောက် လယ်တွေရဲ့ ၂၅% လောက် မစိုက်နိုင်ကြဘူး။ မိုးတွင်းပိုင်းမှာပေါ့။
"အခု ဒီဘက်မှာတော့ ကျနော်တို့ နွေစပါးစိုက်ဖို့ တောင်သူတွေ ပြန်ကြိုးစားနေကြတယ်။ ကျောင်းတွေ ပျက်ဆီး သွားတဲ့အခါ ကျောင်း တွေ၊ ဇရပ်တွေမှာ ကပ်ပြီး စာသင် ကြတဲ့ အခြေအနေတော့ ရှိတာပေါ့။ ကလေးတွေ အခြေအနေကလည်း အကူအညီ တော့ လိုနေတာပဲ။ လူတော်တော်များများ လိုအပ်နေတာက ကလေးတွေရဲ့ ပညာရေး တင်မကဘူး၊ စားဝတ်နေရေး အတွက်ပါ။ ဒါတွေကို အကူအညီ ပေးနိုင်ဖို့တော့ လိုအပ်နေမှာပဲ။"
UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးကတော့ လပွတ္တာနဲ့ ဘိုကလေးဘက်မှာ လူ ၁၅,၀၀၀ ကို နေအိမ်တွေဆောက် လုပ်ပေးဖို့ အကူအညီလိုအပ် နေတယ်လို့ ပြောပါတယ်။ မုန်တိုင်းဘေး ကယ်ဆယ်ရေးလုပ်ငန်းဟာ UNHCR ရဲ့ ပင်မတာဝန် မဟုတ်ပေမဲ့ လည်း မုန်တိုင်းဘေးကျပြီးပြီးချင်း လေဘေးကယ်ဆယ်ရေးလုပ်ငန်းတွေမှာ ပါဝင်လုပ်ကိုင်ခဲ့တယ်လို့လည်း UNHCR က ပြောပါတယ်။
ကီးဘုတ်ကိုနှိပ်ပါ
Posts
All Comments
