လေဘေးဒုက္ခသည်များ ဆန္ဒခံယူပွဲအတွက် နေရာဖယ်ပေးရ

နန်းဒေဝီ
ကြာသပတေးနေ့၊ မေလ 15 2008 18:05 - မြန်မာစံတော်ချိန်

နယူးဒေလီ။ ။ ရန်ကုန်မြို့ဆင်ခြေဖုံးမှ ဆိုင်ကလုံးမုန်တိုင်း ဒုက္ခသည်များ သူတို့ခိုလှုံနေသော ယာယီစခန်းများမှ မေလ ၂၄ ရက်နေ့တွင် ကျင်းပမည့် ဆန္ဒခံယူပွဲအတွက် ဖယ်ရှားပေးရန် နှင်ထုတ်ခံနေရသည်။

မုန်တိုင်းကြောင့် သူတို့၏နေအိမ်များ ပျက်စီးသွားသဖြင့် ရန်ကုန်တိုင်း တောင်ဒဂုံမြို့နယ် စံရိပ်ငြိမ်ရပ်ကွက် မှ လေဘေး ဒုက္ခသည် ၅၇ ဦးသည် ရပ်ကွက်တွင်းရှိ ဓမ္မာရုံတွင် ခိုလှုံနေထိုင်ကြရသည်။ ဤဓမ္မာရုံကိုသာမန်အားဖြင့် ဘာသာရေး အခမ်းအနားများနှင့် မင်္ဂလာဆောင်ကဲ့သို့သော လူမှုရေးအခမ်းအနားများအတွက် အသုံးပြုသည်။

ဆိုင်ကလုံမုန်တိုင်း တိုက်ခတ်ခဲ့၍ မုန်တိုင်းဒဏ်ခံခဲ့ရရာ ဒေသများတွင် ဖွဲ့စည်းပုံညီလာခံ အတည်ပြုရေး ဆန္ဒခံယူပွဲကို ရက်ရွှေ့ဆိုင်းထားခဲ့သည်။ ယခုအခါ အဆိုပါဆန္ဒခံယူပွဲမတိုင်ခင် ၄ ရက်အလိုတွင် အဆိုပါယာယီခိုလှုံရာနေရာများမှ ထွက်ခွါပေးရမည်ဟု လေဘေးဒုက္ခသည်များကို နှင်ထုတ်နေခြင်း ဖြစ်သည်။


"သူတို့ကဒုက္ခသည်တွေ ခုနေတဲ့နေရာကို မဲရုံအဖြစ်သုံးမှာဆိုတော့ ဖယ်ခိုင်းနေတာ၊ မေလ (၂ဝ) ရက်နောက်ဆုံးထားပြီး ထွက်ပေးရမယ်တဲ့" ဟု ဒုက္ခသည်များကို ကူညီစောင့်ရှောက်ပေးနေသည့် သူတဦးက ပြောပါသည်။

လွန်ခဲ့သော ၅ ရက်က ဒုက္ခသည်များထံ စေတနာရှင်များ လှူဒါန်းထားသောအစားအစာများ ယူလာရင်း ယခုကဲ့သို့ နေရာဖယ်ပေးရန် လေဘေးဒုက္ခသည် အိုးမဲ့အိမ်မဲ့များကိုပြောသွားခဲ့ခြင်း ဖြစ်သည်။ "ဒါပေမဲ့ သူတို့က ဘယ်နေရာကို ပြောင်းရမယ်လို့ ပြောမသွားဘူး။ ဆန္ဒခံယူပွဲလုပ်ဘို့ ရက်ကလိုသေးတော့ ကျနော်တို့လဲ နောက်ထပ်ရက်နည်းနည်းတော့ ဆက်စောင့်ရဦးမှာဘဲ" ဟု အဆိုပါပုဂ္ဂိုလ်က ဆက်လက်ပြောဆိုသွားပါသည်။

နာဂစ် ဆိုင်ကလုံးမုန်တိုင်းကြောင့် အပျက်အစီးများ နေရာအနှံ့ဖြစ်ပေါ်ခဲ့သော်လည်း မြို့နယ်နှင့်ရပ်ကွက် အာဏာပိုင်များ၊ စစ်အစိုးရ ကျောထောက်နောက်ခံ ပြုထားသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်း (USDA) တို့မှ အဖွဲ့ဝင်များသည် တောင်ဒဂုံမြို့နယ်အတွင်း နေထိုင်သူအချို့ထံမှ 'ကြိုတင်မဲ' များ လိုက်လံတောင်းခံလျက် ရှိသည်။ ထိုသို့ ကြိုတင်မဲတောင်းခံခြင်းကို မုန်တိုင်းဝင်အပြီး နောက်တရက်တွင် လိုက်လံကောက်ယူခဲ့ခြင်း ဖြစ်သည်။

ထိုသို့ အိမ်တိုင်ယာရောက် ကြိုတင်မဲကောက်ခံခြင်းကို မူလက သက်ကြီးရွယ်အိုများ၊ ဆန္ဒခံယူပွဲနေ့တွင် ခရီးထွက်ရန်ရှိသူများ အဆင်ပြေစေရန် အတွက်သာ ရည်ရွယ်ထားရှိခဲ့ခြင်း ဖြစ်သည်။ သို့သော် ယခုအခါ လူတိုင်းကို ဆန္ဒခံယူပွဲနေ့ မတိုင်ခင်ကတည်းက ထိုသို့ ဆန္ဒမဲများ ကြိုတင်ထည့်ခိုင်းနေခြင်းဖြစ်သည်ဟု ရပ်ကွက်သူရပ်ကွက်သားများက ပြောပြကြသည်။

မဲဆန္ဒပေးခွင့်ရှိသူများအနေဖြင့် ထောက်ခံ ကန့်ကွက် မိမိနှစ်သက်သလို ထည့်ခွင့်ရှိရမည် ဖြစ်သော်လည်း ယခုအခါ ရွေးချယ်ခွင့်မရှိတော့ဘဲ 'ထောက်ခံ' မဲသာ ထည့်ကြရသည်ဟု ဆိုသည်။ "ဆန္ဒမဲက လျှို့ဝှက် မဟုတ်တော့ဘူးဗျ။ အာဏာပိုင်တွေလက်ထဲကို တခါထဲပြောင်းထည့်လိုက်ရတာ" ဟု ဒဂုံမြို့နယ်ဒေသခံများက ဆိုကြပါသည်။

ကြံ့ဖွံ့ (USDA) အဖွဲ့ဝင်များ ဖြစ်ကြသော စောနိုင်၊ တင်မောင်သန်း၊ ညီကျော်၊ မြင့်သန်း နှင့် အောင်မြင့်ဌေး တို့က ထိုကဲ့သို့ ကြိုတင်ဆန္ဒမဲများ လိုက်လံကောက်ခံလျက်ရှိကြသည်ဟု ဒေသခံများက ဆိုကြပါသည်။

"အာဏာပိုင်တွေက သူတို့အာဏာမြဲဘို့ဘဲ စဉ်းစားနေတာ။ ဆိုင်ကလုံမုန်တိုင်းကြောင့် စိတ်ထောင်းကိုယ်ကြေ ဖြစ်နေတဲ့လူထုကိုကူဘို့ မစဉ်းစားဘူး" ဟု ရန်ကုန်တိုင်း စမ်းချောင်းမြို့နယ်မှ ဒေသခံတဦးက ပြောသွားပါသည်။

ရန်ကုန်မြို့ခံ အများအပြားသည် စစ်အစိုးရ၏ဦးစားပေး ဆောင်ရွက်မှုလုပ်ငန်းများနှင့် ပတ်သက်ပြီး မချင့်မရဲ မသက်မသာ ဖြစ်ကြရသည်။ "ကျနော်သူတို့ကို ထောက်ခံတဲ့မဲ မထည့်ဘူးဗျ။ ကိုယ့်အိမ်မှာ စားစရာမရှိတဲ့အချိန် သူတို့ကို မထောက်ခံနိုင်ပါဘူးဗျာ" ဟု အဆိုပါ စမ်းချောင်းဒေသခံတဦးက ပြောဆိုသွားပါသည်။

နာဂစ်မုန်တိုင်းကြောင့် လူပေါင်း ၃၄၂၇၃ သေ၍ ၁၄ဝ၃ ဒဏ်ရာရကာ ၂၇၈၃၈ ပျောက်ဆုံးနေကြောင်းဖြင့် စစ်အစိုးရပိုင် မြန်မာ့အလင်း သတင်းစာက ရေးသားဖေါ်ပြသည်။ သို့သော် အကူအညီပေးရေးလုပ်သားများနှင့် ကုလအေဂျင်စီများကမူ မေလ ၂ ရက်နှင့် ၃ ရက်နေ့တို့က တိုက်ခတ်ခဲ့သော ဆိုင်ကလုံးမုန်တိုင်းကြောင့် သေဆုံးသူ ၁ သိန်းကျော် ရှိနိုင်သည်ဟု ခန့်မှန်းပြောဆိုနေကြသည်။

စစ်အစိုးရကမူ မေလ (၁ဝ) ရက်နေ့တွင်ကျင်းပရန် စီစဉ်ထားခဲ့သည့် ဖွဲ့စည်းပုံအခြေခံဥပဒေ အတည်ပြုရေးဆိုင်ရာ ပြည်လုံးကျွတ်ဆန္ဒခံယူပွဲကို မူလအစီအစဉ်အတိုင်း ကျင်းပခဲ့သည်။ မုန်တိုင်းဒဏ် အဆိုးဝါးဆုံးခံခဲ့ရသည့် ဧရာဝတီ မြစ်ဝကျွန်းပေါ်ဒေသနှင့် ရန်ကုန်တိုင်းအတွင်း ၄၇ မြို့နယ်တွင်သာ ဆန္ဒခံယူပွဲကို ရွှေ့ဆိုင်းပေးခဲ့သည်။

ဝေဖန်သူများက အဆိုပါဖွဲ့စည်းပုံသည် စစ်အစိုးရ သက်ဆိုးရှည်ရေးအတွက်သာ ဖြစ်သည်ဟု ပြောဆိုဝေဘန်နေကြ ပြီး၊ စစ်အစိုးရကမူ ဤဆန္ဒခံယူပွဲသည် 'စည်းကမ်းပြည့်ဝသော ဒီမိုကရေစီစနစ်' သို့ ကူးပြောင်းရေးအတွက် အစိတ်အပိုင်းတရပ်ဖြစ်သည်ဟု ပြောဆိုနေသည်။