ပြတ်ပြတ်သားသား၊ တိုက်ပွဲဝင်စို့

စက်တင်ဘာတော်လှန်ရေး၏ တိုက်ပွဲမီးတောက်ကား ပြည်သူတို့၏ ရင်ထဲတွင် တမြည့်မြည့် ကျွမ်းလောင်နေဆဲဖြစ်ပါသည်။ အချိန်မရွေး ပြန်လည်တောက်လောက်လာမည့် အခြေအနေရှိပါသည်။ ထိုမီးညွန့်ကို ချိုးရန်၊ လူထု၏ တော်လှန်ရေးစိတ်ဓာတ်အဟုန်ကို လျှော့ချပစ်ရန်၊ နိုင်ငံတကာ၏ ဖိအားပေးမှုကို မျက်လှည့်ပြရန် နအဖတို့က ၀ှက်ဖဲတခုကို အသုံးပြုလိုက်ပါသည်။ယခု ပြည်သူ့ဆန္ဒခံယူပွဲနှင့် ရွေးကောက်ပွဲ ကြေငြာချက်ကား ထိုဝှက်ဖဲပင် ဖြစ်သည်။

အလားတူဝှက်ဖဲမျိုးအား နအဖတို့ အကြိမ်ကြိမ် သုံးခဲ့ဖူးပါပြီ။ (၁၉၈၈)ကာလ၊ လူထုအရေးတော်ပုံကြီးအပြီးတွင်လည်း ရွေးကောက်ပွဲ ကျင်းပမည်၊ ပါတီများထောင်ခွင့်ပေးမည်စသည့် ၀ှက်ဖဲနှင့် လူထုရင်ထဲမှာ တိုက်ပွဲဝင်စိတ်အဟုန်ကို လျှော့ချပစ်ခဲ့ကြသည်။ စစ်အာဏာရှင်ပြုတ်ကျရေး၊ ဒီမိုကရေစီဖော်ဆောင်ရေး ရည်မှန်းချက်ပန်းတိုင်နှစ်ခုတွင် စစ်အာဏာရှင် ပြုတ်ကျရေးသည် ပထမဆုံး ဦးစားပေးရမည့် အချက်သာ ဖြစ်ပါသည်။

စစ်အာဏာရှင် ရှိနေသရွေ့ ဒီမိုကရေစီ ဖော်ဆောင်ရေးသည် ဘယ်တော့မှ ဖြစ်လာမည်မဟုတ်ပါ။ သို့ပေမယ့် ထိုကာလက စစ်အာဏာရှင်တို့ ကစားသည့် လှည့်ကွက်ထဲတွင် အတိုက်အခံများ ပိတ်မိကုန်ခဲ့ကြသည်။ ပြည်သူများစွာကို သွေးမြေကျစေခဲ့သည့် စစ်အစိုးရကို ယုံစားမိခဲ့ကြသည်။ ”ရွေးကောက်ပွဲလို့ အနိုင်ရပါတီကို အာဏာလွှဲပေးပြီးလျှင် စစ်တန်းလျားပြန်မည်“ဆိုသည့် စကားကို အဟုတ်ထင်ခဲ့ကြသည်။ ဒီမိုကရေစီစနစ်ဖော်ဆောင်ရန် ရွေးကောက်ပွဲဝင်ရေးက ပထမဖြစ်သွားသည်။ စစ်အာဏာရှင် ပြုတ်ကျရေးက ဦးစားပေးအဆင့်မဟုတ်ခဲ့တော့ပါ။ယင်းအချက်ကို န၀တတို့က ကောင်းကောင်းအသုံးချသွားခဲ့ကြသည်။ အချိန်တန်၍ သူတို့ဇာတိရုပ်ပြကာရမ်းကားလျှင် အတိုက်အခံများဘက်မှ လက်နက်ကိုင်တော်လှန်ရေးအရှိန်ယူသွားနိုင်မည်ကို ကြိုတင်တားဆီးသည့်အနေဖြင့် အသည်းအသန် စီမံချက်ချကာ တိုင်းရင်းသားအဖွဲ့များနှင့် ငြိမ်းချမ်းရေးယူလိုက်သည်။

ဒီမိုကရေစီ တော်လှန်ရေးကိုသာ ပစ်မှတ်အဖြစ် နောက်ဆုံးချိန်ရွယ်ထားလိုက်သည်။ (၁၉၈၈) မှ (၁၉၉၀) အတွင်း န၀တနှင့် ငြိမ်းချမ်းရေးယူလိုက်သည့် အဖွဲ့များ မနည်းခဲ့ပါ။အတိုက်အခံများကတော့ ရွေးကောက်ပွဲတွင် ပြည်သူများ အမှန်တရားဘက်မှ ရပ်တည်နိုင်ရေး၊ ဆန္ဒမှန် ဖော်ထုတ်နိုင်ရေးကို ဦးစားပေးခဲ့ကြသည်။ အတိုက်အခံများ အောင်ပွဲရခဲ့ပါသည်။ ပြည်သူများ တာဝန်ကျေခဲ့ပါသည်။ သို့ပေမယ့် စစ်အာဏာရှင်စနစ်အောက်တွင် ပေါ်ထွန်းလာသော ရွေးကောက်ပွဲ၏ ရလာဒ်များသည် အသက်မ၀င်ခဲ့။ ရွေးကောက်ပွဲရလာဒ်များအား နိုင်ငံတကာမှ အသိအမှတ်ပြုမှုကိုတော့ ခံခဲ့ရပါသည်။ ပြည်သူ့လွှတ်တော် ကိုယ်စားလှယ်များကိုလည်း မွေးထုတ်ပေးနိုင်ခဲ့ပါသည်။ ရွေးကောက်ပွဲဝင်ကြခြင်း၏ မူလရည်မှန်းချက်ဖြစ်သော ဒီမိုကရေစီဖော်ဆောင်ရေး လမ်းကြောင်းပေါ်ကို တက်လှမ်းနိုင်ခဲ့ပါသလား။ မလှမ်းနိုင်ခဲ့ပါ။ အနှစ်နှစ်ဆယ်နီးပါး ရှိလာခဲ့ပါပြီ။အဘယ်ကြောင့်နည်း။ စစ်အာဏာရှင်ပြုတ်ကျရေး လမ်းကြောင်းပေါ်မှ သွေဖည်သွား၍သာ ဖြစ်သည်။

နိုင်ငံရေး အတွေးအခေါ်ပညာရှင် စမ်တာရာနာက “Those who cannot remember the past are condemned to repeat it” ဟူ၍ ဆိုဖူးပါသည်။ ယခုအနှစ်နှစ်ဆယ်ကာလအတွင်းတွင် န၀တ၊ နအဖတို့ ကစားခဲ့ကြသည့် ကစားကွက်များကား စုံခဲ့ပြီဖြစ်သည်။ ကောက်ကျစ်စဉ်းလဲသည့် နည်းပရိယာယ်မျိုးစုံကိုလည်း အတိုက်အခံများတင်မက နိုင်ငံတကာပါ ကြုံခဲ့ကြရပြီးဖြစ်သည်။ လှည့်စားခြင်းမျိုးစုံကိုလည်း ခံစားခဲ့ကြရပြီး ဖြစ်သည်။ယခုအကြိမ်ကတော့ ကစားပွဲကြီးပါသည်။ အကွက်မှားခြင်း လုံးဝအဖြစ်ခံ၍ မရတော့ပါ။ ပြည်သူလူထုကို မရေရာသည့် မျှော်လင့်ချက်များပေးခြင်း၊ေ၀၀ါးစေသည့် သတင်းစကားများ ပေးခြင်း လုံးဝလုပ်၍ မရပါ။ တခုတည်းသော နည်းလမ်းသာရှိပါသည်။ ပွဲဖျက်ရပါမည်။ ပြည်သူ့ဆန္ဒခံယူပွဲကို တက်ညီလက်ညီနှင့် ၀ိုင်းဝန်းကန့်ကွက်ရပါမည်။ သားစဉ်မြေးဆက် စစ်ကျွန်ဘ၀ မရောက်ရေးအတွက် ပြတ်ပြတ်သားသား ဆန့်ကျင်ကြရပါမည်။

တပ်ဦးကလဲ တပ်ဦးတာဝန်ကျေစေချင်ပါသည်။ ပြည်သူတို့ ရွေးကောက်ခဲ့သည်မှာ ရမ်းကားသော စစ်အာဏာရှင်စနစ်ဆိုးအောက်မှ လွတ်မြောက်လိုစိတ်နှင့် ဖြစ်ပါသည်။ ယခုကဲ့သို့ နိုင်ငံတော်၏ သေရေးရှင်ရေးတွင် ဦးဆောင်တိုက်ပွဲဝင်သင့်ပါသည်။နအဖက အကြံကြီးကြံကာ ယုတ်မာထားသည့် လှည့်ကွက်ဖြစ်ပါသည်။ အပြုတ်တိုက်ရေး လမ်းကြောင်းပေါ်ရောက်နေသည့် လူထုတိုက်ပွဲအရှိန်ကို လမ်းလွှဲနိုင်ရုံမက၊ ၄င်းတို့ချမှတ်ထားသည့် လမ်းပြမြေပုံ အဆင့်တဆင့် အောင်မြင်ရေးကိုပါ ဦးတည်ထားပါသည်။

အနီးဆုံးအချိန်တွင်ပြုလုပ်မည့် ပြည်သူ့ဆန္ဒခံယူပွဲတင်မက နောင်နှစ်နှစ်တာကာလတွင် ကျင်းပမည့် ရွေးကောက်ပွဲ ကိုပါ အဘယ်ကြောင့် ပူးတွဲကြေငြာရသနည်း။ ပြည်သူ့ဆန္ဒခံယူပွဲကိုသာ တိုက်ရိုက်ပစ်ခတ်လာမည့် မြားချက်များကို ဖြာထွက်အောင် လုပ်နေခြင်းဖြစ်သည်။ ပြည်သူများေ၀၀ါးအောင်၊ အတိုက်အခံများအတွင်း အငြင်းအခုံများဖြစ်အောင်၊ နိုင်ငံတကာ အသိအမှတ်ပြုမှုရအောင် မသမာနည်းဖြင့် ကြံနေခြင်းဖြစ်သည်။ ယခုပင် ဒေါ်အောင်ဆန်းစုကြည် ရွေးကောက်ပွဲ ၀င်ရခြင်း၊ မ၀င်ရခြင်းနှင့် ပတ်သက်၍ ဝေဖန်ဆွေးနွေးမှုများက ဆန္ဒခံယူပွဲ ဆန့်ကျင်ရေးထက် ပိုမိုများပြားနေသည်မဟုတ်ပါလော။

ရွေးကောက်ပွဲကိစ္စသည် ယခုလိုအခြေအနေမျိုးတွင် ရေးကြီးခွင်ကျယ် လုပ်နေရမည့် ကိစ္စမဟုတ်ပါ။ နအဖလွှဲလိုက်သည့် လမ်းပေါ်သို့ မတက်ကြမိစေရန် အရေးကြီးပါသည်။ နိုင်ငံတော်၏ အရေးပါသော အခန်းကဏ္ဍတွင် တပ်မတော်ပါဝင်ရေးဆိုသော အချက်များသာ အဓိကပါဝင်သည့် ဖွဲ့စည်းပုံအခြေခံဥပဒေကြီး အတည်ပြုပြီးမှ ပေါ်ထွက်လာမည့် ရွေးကောက်ပွဲမှ ထွက်ပေါ်လာသည့် အနိုင်ရပါတီ အစိုးရအဖွဲ့သည် နအဖကြိုးကိုင်ကြံ့ဖွတ်ပဲဖြစ်ဖြစ်၊ အင်အယ်လ်ဒီပဲဖြစ်ဖြစ်၊ မည်သည့်အဖွဲ့ပင် ဖြစ်ဖြစ် ဒီမိုကရေစီ အနှစ်သာရရှိသော၊ တိုင်းရင်းသားလူမျိုးများ တန်းတူရည်တူအခွင့်အရေးရှိသော နိုင်ငံတခုကို တည်ဆောက်နိုင်တော့မည် မဟုတ်ပါ။ ဒီမိုကရေစီစနစ်ထွန်းကားအောင် ဖော်ဆောင်ရေးတွင် လက်နက်ကိုင်စစ်တပ်၏ အခန်းကဏ္ဍမကြီးထွားရေးသည် အဓိက သော့ချက်ပင် ဖြစ်သဖြင့် စစ်တပ်ကဏ္ဍကြီးထွားနေသည့် ဖွဲ့စည်းပုံအခြေခံဥပဒေသည် ဒီမိုကရေစီ၏ ရန်သူပင်ဖြစ်သည်။

သို့ပါ၍ စစ်အာဏာရှင်ဖြုတ်ချရေး၊ ဒီမိုကရေစီစနစ်ဖော်ဆောင်ရေး ဟူသော လမ်းစဉ်နှစ်ခုကိုသာ စွဲစွဲနစ်နစ် ဆုပ်ကိုင်၍၊ စစ်အာဏာရှင်စနစ်ကို အမြစ်တွယ်စေမည့်၊ ရွှေရည်စိမ်ဒီမိုကရေစီစနစ်သာ ပေါ်ထွက်စေမည့် ပြည်သူ့ဆန္ဒခံယူပွဲကို ၀ိုင်းဝန်းကန့်ကွက်ကြရင်း၊ လူထုတိုက်ပွဲနည်းဖြင့် စစ်အစိုးရဖြုတ်ချရေး တိုက်ပွဲကို ဆက်လက်ဆင်နွှဲကြပါစို့ဟု တိုက်တွန်းရေးသားလိုက်ရပေသည်။

စစ်အာဏာရှင်စနစ်ချုပ်ငြိမ်းရေးသည် ------ပထမ

ဒီမိုကရေစီစနစ်ဖော်ဆောင်ရေးသည် -----ဒုတိယ။
ပြည်သူ့ဆန္ဒခံယူပွဲ ကန့်ကွက်ရေး- ဒို့အရေး
စစ်အစိုးရပြုတ်ကျရေး- ဒို့အရေး
လူထုတိုက်ပွဲဖော်ဆောင်ရေး-ဒို့အရေး။

ထပ်၍ဆိုပါမည်။

စစ်အာဏာရှင်စနစ်ချုပ်ငြိမ်းရေးသည် ------ပထမ
ဒီမိုကရေစီစနစ်ဖော်ဆောင်ရေးသည် -----ဒုတိယ။
ပြည်သူ့ဆန္ဒခံယူပွဲ ကန့်ကွက်ရေး- ဒို့အရေး
စစ်အစိုးရပြုတ်ကျရေး- ဒို့အရေး
လူထုတိုက်ပွဲဖော်ဆောင်ရေး-ဒို့အရေး။

ခင်မမမျိုး (၂၉၊ ၂၊ ၂၀၀၈)