ဂျပန်နိုင်ငံက ပေးမယ့် မဲခေါင်မြစ်ဝှမ်းဒေသ ဖွံ့ဖြိုးရေး အထောက်အပံ့မှာ မြန်မာနိုင်ငံ မပါဝင်

မြန်မာ၊ ကမ္ဘောဒီးယား၊ လာအို၊ ထိုင်းနဲ့ ဗီယက်နမ် မဲခေါင်ဒေသ (၅)နိုင်ငံက နိုင်ငံခြားရေးဝန်ကြီးတွေနဲ့ ဂျပန်နိုင်ငံခြားရေးဝန်ကြီး မာရှိကို ကူမူရားMasahiko Koumura တို့ ဒီကနေ့ တွေ့ဆုံပွဲဟာ ပထမဆုံး အကြိမ်ဖြစ်ပြီး စီးပွားရေးပူးပေါင်းဆောင်ရွက်မှုနဲ့ ယဉ်ကျေးမှု ဖလှယ်ရေး ကဏ္ဍတွေကို ဆွေးနွေးဖို့ရှိတယ်လို့သိရပါတယ်၊ ဒါ့အပြင် စည်းဝေးပွဲအတွင်း မဲခေါင်ဒေသ(၄)နိုင်ငံတို့ကို အိုဒီအေအထောက်အကူ ယန်းကုဋေ (၆၀၀၀) ဖိုးပေးဖို့ ထုတ်ပြန် ကြေငြာဖို့ ရှိတယ်လို့ လည်း သိရပါတယ်၊ မနက်ဖန် ညနေပိုင်းမှာတော့ မြန်မာနိုင်ငံခြားရေးဝန်ကြီးနဲ့ ဆွေးနွေးဖို့ ရှိတယ်လို့ ဂျပန်နိုင်ငံခြားရေး ၀န်ကြီးဌါန ပြောခွင့်ရပုဂ္ဂိုလ် မစူအို ဆကာဘာက ဗွီအိုအေကို ပြောခဲ့ပါတယ်။

“ မြန်မာနိုင်ငံခြားရေးဝန်ကြီးနဲ့ နှစ်နိုင်ငံအကြားဆွေးနွေးရာမှာ ဒီမိုကရေစီ ဖေါ်ဆောင်မှု အကြောင်း အပြင် ဂျပန်သတင်းထောက် အသတ်ခံခဲ့ရတဲ့အကြောင်းလည်း မိနစ်(၃၀)ကြာဆွေးနွေးဖို့ရှိတယ်လို့ မစ္စတာ ဆာကာဘာက ပြောသွားတာဖြစ်ပါတယ်၊ ဆွေးနွေးမယ့်အကြောင်းအရာတွေနဲ့ မြန်မာ စစ်အစိုးရ အနေနဲ့ မြန်မာ့ဒီမိုကရေစီခေါင်းဆောင်အပြင် တခြားအတိုက်အခံခေါင်းဆောင်တွေနဲ့ ဆွေးနွေးဖို့ တိုက်တွန်းမှာလို့လည်း မစ္စတာ ဆာကာဘာကပြောပါတယ်၊ ”

“ ဒေါ်အောင်ဆန်းစုကြည်အပြင် တခြား နိုင်ငံရေးခေါင်းဆောင်တွေနဲ့ အခြေအတင် ဆွေးနွေးမှု စတင်ဖို့ ဂျပန်အစိုးရက မြန်မာနိုင်ငံကို ပြင်းပြင်းထန်ထန်တိုက်တွန်းမှာဖြစ်ပါတယ်၊ မြန်မာနိုင်ငံမှာ ဒီမိုကရေစီ ဖေါ်ဆောင်ရာမှာ လူတဦး၊ နှစ်ဦးနဲ့မပြီးပါဘူး၊ အုပ်စုအားလုံးပါဝင်ကြရမှာပါ၊ မြန်မာ စစ်အစိုးရအနေနဲ့ ဒီမိုကရေစီဖေါ်ဆောင်ဖို့အခြေအတင်ဆွေးနွေးမှုမှာ အတိုက်အခံ အင်အားစုတွေ ကိုလည်း ပါဝင်ဖို့လိုတာကို ကျနော်တို့ ထောက်ပြဖို့လိုတယ်လို့လည်း မစ္စတာ ဆာကာဘာက ပြောသွားတာ ဖြစ်ပါတယ်။ ဒါ့အပြင် ဒီမိုကရေစီ ဖေါ်ဆောင်ရေးအတွက် ခြေလှမ်းများယူဖို့နဲ့ အခြေအတင် ဆွေးနွေးမှုစတင်ဖို့ မြန်မာ အာဏာပိုင်တွေဘက်က သတ္တိရှိရှိနဲ့ ခြေလှမ်းယူပါဆိုတာကို ဂျပန် အစိုးရဘက်က ပြင်းပြင်းထန်ထန် ဖိအားပေးသွားမှာဖြစ်တယ်လို့ ဂျပန်နိုင်ငံခြားရေးဌါန ပြောခွင့်ရက ပြောသွားတာဖြစ်ပါတယ်။

ဒါ့အပြင် ရန်ကုန်မြို့မှာ ပြီးခဲ့တဲ့စက်တင်ဘာလက ရဟန်းရှင်လူတွေ ပါဝင်တဲ့ ငြိမ်းချမ်းစွာဆန္ဒပြမှုကို မြန်မာအာဏာပိုင်တွေက သွေးထွက်သံယို ဖြိုခွင်းခဲ့ရာမှာ ဗွီဒီယိုရိုက်ရင်း ဂျပန်သတင်းထောက် ခန်းဂျိနာဂါးအိ မြန်မာစစ်အစိုးရရဲ့ စစ်သား တဦးရဲ့လက်ချက်နဲ့ သေဆုံးခဲ့ရတဲ့အမှုအကြောင်းလည်း ဆွေးနွေးဖို့ရှိတယ်လို့ မစ္စတာ ဆာကာဘာက ပြောပါတယ်၊”