Saturday, August 30, 2008

ထိုင်းအစိုးရဖြုတ်ချရေး အုံကြွမှု အထွေထွေသပိတ်သို့ ဦးတည်

Bangkok Post/Agencies/ ၂၉ သြဂုတ် ၂၀၀၈

ကိုမိုးသီး ဘလောက်မှ ကူးယူဖော်ပြပါသည်။

ထိုင်းတောင်ပိုင်း ပြည်နယ်များဖြစ်သော ဆုံခလာနှင့် ဖူးခက်ရှိ ပြည်သူ့ဒီမိုကရေစီမဟာမိတ်အဖွဲ့ (ပီအေဒီ) ကိုထောက်ခံသူများက ဟတ်ယိုင်နှင့် ဖူးခက် နိုင်ငံတကာလေဆိပ် အ၀င်ပေါက်များကို ယနေ့မွန်းလွဲပိုင်း၌ ပိတ်ဆို့လိုက်သည်။ ဘန်ကောက်ရှိ ၀န်ကြီးချုပ်ရုံးဝန်းအတွင်း ဆန္ဒပြနေသူများ အား အကြမ်းဖက်နှိမ်နင်းမှုမပြုရန် တောင်းဆိုသည့်အနေဖြင့် ယခုကဲ့သို့ ပိတ်ဆို့ခြင်းဖြစ်သည်။ ရာနှင့်ချီရှိသော ပီအေဒီကို ထောက်ခံသူများက လေဆိပ်နှစ်ခုတွင်စုဝေးနေကြပြီး ဟောပြောစင်များ ဆောက်လုပ်ရန် ကြိုးစားနေကြသည်။ ရဲများနှင့် ပိတ်ဆို့ဆန္ဒပြနေသူများအကြား ယခုအခါ အ၀င်ပေါက်များကို သော့ခတ်မှုမပြုရေး ညှိနှိုင်းနေကြသည်။

နိုင်ငံပိုင်ရထားပို့ဆောင်ရေး (အက်စ်အာတီ) သမဂ္ဂကလည်း ဘန်ကောက်ရှိ အစိုးရဆန့်ကျင်ရေး လှုပ်ရှားမှုများကို ထောက်ခံသည့်အနေဖြင့် မြောက်ပိုင်းနှင့် အရှေ့မြောက်ပိုင်းဒေသများသို့ ပြေး ဆွဲနေသော ရထားပို့ဆောင်ရေးကို ယနေ့ညသန်းကောင်မှစပြီး ရပ်ထားမည်ဖြစ်ကြောင်း ယမန် နေ့ကထုတ်ဖော်ခဲ့ကြသည်။ ပြည်တွင်းနှင့် နိုင်ငံခြားသား ခရီးသွားများကို အနှောက်အယှက် ဖြစ်စေရုံသာမက ကုန်ပစ္စည်းစီးဆင်းရေးကိုပါ ထိခိုက်စေမည်ဖြစ်သည်။
ထိုအတောအတွင်း ဆန္ဒပြသူများအပေါ် ရဲ၏ကြမ်းတမ်းမှုကို လက်တုံ့ပြန်သည့်အနေနှင့် သပိတ် မှောက်ကြရန် ထိုင်းအဲယားဝေး အလုပ်သမားသမဂ္ဂအဖွဲ့ကြီးက အဖွဲ့ဝင်တသောင်းခွဲကို နှိုးဆော် ထားသည်။
ပီအေဒီ အမာခံခေါင်းဆောင်တဦးဖြစ်သူ ဆွန်ထိ ကလည်း နိုင်ငံတ၀န်းမှ ၎င်းအားထောက်ခံသူ များကို ဘန်ကောက် ၀န်ကြီးချုပ်ရုံးအတွင်းရှိ အစိုးရဆန့်ကျင်ရေးလှုပ်ရှားမှုများ၌ အမြန်ဆုံးလာ ရောက်ပူးပေါင်းကြရန် တိုက်တွန်းခဲ့သည်။ မစ္စတာဆွန်ထိက ယနေ့သည် “အဆုံး အဖြတ်ပေးမည့် နေ့” ဖြစ်ကြောင်း ကြေညာထားသည်။
ယနေ့ နံနက်၌ ရာနှင့်ချီရှိသော အဓိကရုဏ်း နှိမ်နင်းရေးရဲများက တုတ်၊ ဒိုင်းများအသုံးပြု၍ ၀န်ကြီးချုပ်ရုံး
ဝန်းအတွင်း ၀င်ရောက်ရန် ကြိုးစားသော်လည်း လက်ချင်းချိတ်ထားသည့် ပီအေဒီ ဆန္ဒပြ အဖွဲ့ဝင်များက ပြန်လည် တွန်းထုတ်နိုင်ခဲ့သည်။ အဆိုပါ အပြန်အလှန် တွန်းထိုးမှုများအတွင်း သေးထွက်သံယိုမှုမရှိကြောင်း ရဲများကပြောသည်။ နံနက် (၁၀) နာရီခွဲခန့်တွင်မူ ရဲများက အဆိုပါရုံးဝန်းနှင့် အဆောက်အဦးများအတွင်းသို့ ပြန်လည်ဝင်ရောက်နိုင်ခဲ့သည်။

http://203.146.127.134/$sitepreview/khitpyaing.org/news/august08/29-8-08d.php

ဒေါ်အောင်ဆန်းစုကြည်ကို မြန်မာ့နိင်ငံရေးက ဖယ်ထုတ်ဖို့ အကြံပေးတဲ့ ဆမတ်တယောက်တော့ထိုင်းနိုင်ငံရေးကဖယ်ရှားခံရဖို့နာရီပိုင်းပဲလိုပါတော့တယ်။ဆမတ်ရေအမျှ- အမျှ- အမျှ လို့ ပြောပါရစေ။ကျနော် အရင်က သုံးသပ်ထားသလိုပါပဲ။ အခုထိုင်းလူထု ဆန္ဒပြပွဲဟာ အရင်ကထက်ထူးခြားနေပါတယ်။ ဒါကတော့ဘုရင်၊ စစ်တပ် ၊ အတိုက်ခံပါတီတွေနဲ့ ဘန်ကောက်လူလတ်တန်းစားက ရှေ့ ဆုံးကပါဝင်နေပါတယ်။ ဆမတ် နောက်က ကျောထောက်နောက်ခံတွေကတော့ကျေးလက်ဒေသက လူထုတွေဖြစ်နေပါတယ်။ ဘာဖြစ်လို့  ကျေးလက်လူထုက ဆမတ်တို့ ဖက်ကိုပါနေတာလဲဆိုရင်တော့ တပ်ဆင်လက်ထက်ကတည်းက့ ရွာသူကြီးတွေနဲ့ ကျေးလက်ဒေသမှာသြဇာရှိတဲ့ ခေါင်းဆောင်တွေကို ရွေးကောက်ပွဲကာလတွေမှာ ငွေနဲ့ ပေါက်ပြီးဝယ်ထားလို့ ကလည်းတကြောင်းဖြစ်ပါတယ်။

0 comments: