လေဘေးဒုက္ခသည်များကို လက်မခံရန် မြ၀တီမြို့ရှိ ဘုန်းကြီးကျောင်းများကို ညွှန်ကြား

ဧရာဝတီ ဇွန် ၂၃၊ ၂၀၀၈

ဧရာဝတီ မြစ်ဝကျွန်းပေါ်နှင့် ရန်ကုန်တိုင်းအတွင်းရှိ လေဘေးဒုက္ခသည်များ လာရောက်တည်းခိုပါက လက်မခံကြရန် ထိုင်း-မြန်မာ နယ်စပ်မြို့ဖြစ်သည့် မြ၀တီမြို့ရှိ ဘုန်းတော်ကြီးကျောင်းများကို အာဏာပိုင်တို့က ညွှန်ကြားထားသည်ဟု ဒေသခံ များက ပြောသည်။

လွန်ခဲ့သည့် ၄ ရက်မှစ၍ အာဏာပိုင်တို့က ဘုန်းတော်ကြီးကျောင်းများကို ဒုက္ခသည်များအား လက်မခံရန် အကြောင်းကြား ခဲ့ခြင်းဖြစ်ပြီး လက်ခံပါက ပြင်းထန်စွာအရေးယူမည်ဖြစ်ကြောင်း အမိန့်ထုတ်ထားသည်ဟု မြ၀တီမြို့ခံက ပြောသည်။

“ဧရာဝတီတိုင်းကလူတွေ မြ၀တီဘက်ကို ထွက်လာတာများတယ်လေ။ အဲဒါကို ဖြေရှင်းရတဲ့ပြဿနာတွေ များနေလို့ဆိုပြီး ဘုန်းကြီးကျောင်းတွေကို လိုက်တားတယ်။ ကြခတ်တော၊ ကိုးန၀င်းကျောင်းတွေကို အဓိကထား လိုက်ပြောတယ်” ဟု မြ၀တီမြို့ခံက ပြောသည်။

၎င်းအပြင် မဲဆောက်မြို့သို့သွားရာ လမ်းကြောင်းပေါ်ရှိ စစ်တောင်းတံတား၊ သံလွင်တံတားနှင့် ကရင်ပြည်နယ် ကြာအင်း ဆိပ်ကြီး၊ ကော့ကရိတ်တို့ရှိ စစ်ဆေးရေးဂိတ်များတွင် မုန်တိုင်းသင့်ဒေသမှတ်ပုံတင် ကိုင်ဆောင်သူများကို နေရပ်သို့ ပြန်ခိုင်းနေကြောင်း သိရသည်။

“တချို့ကျတော့လည်း ဘာမှတ်ပုံတင်မှမပါဘဲ ကားသမားကတဆင့် စစ်ဆေးရေးဂိတ်တွေကို ပိုက်ဆံပေးပြီး လာကြတာပေါ့။ တချို့လည်း စစ်တဲ့အခါ အမှန်အတိုင်းပြောလိုက်လို့ နေရပ်ပြန်ပို့ခံရတယ်၊ ကြုံတဲ့ကားနဲ့ ပြန်တင်ပေးလိုက်တာပေါ့” ဟု မြ၀တီမြို့ခံက ပြောသည်။

ထိုင်းနိုင်ငံအခြေစိုက် ဒီမိုကရေစီနှင့် ဖွံ့ဖြိုးတိုးတက်ရေးကွန်ရက် (အန်ဒီဒီ) အဖွဲ့ကထုတ်ပြန်သည့် အစီရင်ခံစာတစောင်၌ တနင်္သာရီတိုင်းရှိ ဇာဒက်ကြီးကျွန်းအနီးတွင် ဧရာဝတီတိုင်း ဘိုကလေးမြို့နယ်မှ လေဘေးဒုက္ခသည်တချို့ကို မြန်မာ့ ရေတပ်က ဖမ်းဆီးခဲ့ကြောင်း ဖော်ပြထားသည်။

လေဘေးဒုက္ခသည်များသည် ထိုင်းနိုင်ငံတွင် အလုပ်လုပ်နေသည့် ရွှေ့ပြောင်းမြန်မာအလုပ်သမားများမှတဆင့် နီးစပ်ရာ ဆွေမျိုးများနှင့် မဲဆောက်အခြေစိုက် မုန်တိုင်းကူည်ီရေးအဖွဲ့များကို ဆက်သွယ်ကာ ရောက်ရှိလာခြင်း ဖြစ်သည်။

ယခုလဆန်းပိုင်းက လေဘေးဒုက္ခသည် တရာခန့် မဲဆောက်မြို့သို့ ရောက်ရှိခဲ့ကြောင်း စုံစမ်းသိရှိရသည်။