ဂမ်ဘာရီနှင့် တွေ့ဆုံနေသော ဒေါ်အောင်ဆန်းစုကြည်

ဒေါ်အောင်ဆန်းစုကြည်နှင့် စ စ်အစိုးရ တွေ့ဆုံဆွေးနွေးရန် အစီအစဉ်ကို အမျိုးသားဒီမိုကရေစီ အဖွဲ့ချုပ်က ယနေ့ ပယ်ချလိုက်သည်။ သံဃာတော်များ ဦးဆောင်သည့် ဆန္ဒပြပွဲကို ဖြိုခွင်းရန် စစ်တပ်စေလွှတ်ခဲ့သည့်အတွက် နိုင်ငံတကာ၏ ဒေါသူပုန်ထမှုကို ရင်ဆိုင်နေရသည့် ဗိုလ်ချုပ်မှူးကြီး သန်းရွှေသည် ဒေါ်အောင်ဆန်းစုကြည်သည် ထိပ်တိုက်ရင်ဆိုင်မှုကို စွန့်လွှတ်ရမည်၊ အဖျက် အမှောင့် လုပ်ရပ်များ မပြုရ၊ စီးပွားရေးပိတ်ဆို့မှုကို ထောက်ခံခြင်းနှင့် “လုံးဝဥဿုံ ပျက်စီးစေခြင်း”အဆိုရှိ အမျိုးအမည် မသိရသည့် အရာကို ရပ်တန့်ရမည်ဟု တောင်းဆိုကြောင်း ကုလသမဂ္ဂ အထူးကိုယ်စားလှယ် အေဘရာဟင် ဂန်ဘာရီက ကုလသမဂ္ဂသို့ အစီရင်ခံစာ တင်သည်။

“သူတို့က ဒေါ်အောင်ဆန်းစုကြည်ကို သူ မကျူးလွန်ခဲ့တဲ့ ပြစ်မှုတွေကို ၀န်ခံခိုင်းနေတာပဲ”ဟု အမျိုးသားဒီမိုကရေစီ အဖွဲ့ချုပ် ပြောခွင့်ရပုဂ္ဂိုလ် ဦးဥာဏ်ဝင်းက ပြောကြားသည်။ ယမန်နေ့က အစိုးရ မီဒီယာများမှ ဗိုလ်ချုပ်မှူးကြီး သန်းရွှေသည် ဒေါ်အောင်ဆန်းစုကြည်နှင့် တွေ့ဆုံရန် ဆန္ဒရှိကြောင်း ထုတ်လွှင့်ခဲ့ သည်။

“မတွေ့ရသေးခင်ကတည်းက ဒေါ်အောင်ဆန်းစုကြည်ကို လူသိရှင်ကြား အညံ့ခံခိုင်းနေမှတော့ ဒီတွေ့ဆုံမှုက ဘယ်လို အကျိုးရှိမယ်ဆိုတာ မြင်ဖို့ တော်တော်ခက်တယ်”ဟု ဂျော့တောင်းတက္ကသိုလ်မှ မြန်မာ့အရေး ကျွမ်းကျင်သူ ဒေးဗစ်စတိန်းဘာ့ဂ်က ရိုက်တာ ရုပ်သံသတင်းတွင် ပြောကြားသည်။ “ဒါဟာ ဆိုက်ကို ပရိယာယ် တခုပဲ။ တချိန်တည်းမှာပဲ စစ်တပ်ဟာ ဘာကိုမှ ၀န်ခံတာ မဟုတ်ဘူးဆိုတာ ထင်ရှားတယ်”ဟုလည်း ဆက်လက် သုံးသပ်သည်။
ဦးဥာဏ်ဝင်းက စစ်အစိုးရအနေဖြင့် ဒေါ်အောင်ဆန်းစုကြည်ကို လူသိထင်ရှား တုံ့ပြန်ခွင့် ပေးရမည်ဟု တောင်းဆိုသည်။ သို့သော် လိုက်လျောဖွယ် မရှိပေ။
အမျိုးသားဒီမိုကရေစီ အဖွဲ့ချုပ်က ယခုလို ပယ်ချလိုက်ခြင်းအပေါ် ယခင် သုံးရောင်ခြယ် ကျောင်းသားအဖွဲ့ဝင်တဦး ဖြစ်သူ အမျိုးသား ဒီမိုကရေစီ အဖွဲ့ချုပ် လွတ်မြောက်နယ်မြေမှ ကိုနေတင်မြင့်က “စစ်မှန်သော တွေ့ဆုံဆွေးနွေးရေး မဟုတ်လို့ ပယ်ချတာပဲ။ အခု ဖြစ်နေတဲ့ သတ်တာဖြတ်တာတွေကို နိုင်ငံတကာ ဖိအားပေးမှု လျော့ဖို့ လုပ်တာလို့ ယူဆတယ်။ စစ်မှန်တဲ့ တွေ့ဆုံဆွေးနွေးမှု စကားပြောမှု မဟုတ်ဘူးလို့ မြင်တယ်။ ဒါကြောင့် ပယ်ချတယ် ယူဆပါတယ်”ဟု ပြောကြားသည်။