ယနေ့သတင်းများ

မြန်မာစံတော်ချိန် ၁၃း၅၀

ဘားလမ်းနေသူ တစ်ယောက်၏ သတင်းပေးချက်အရ လူတွေ အများကြီး တဖွဲဖွဲ ဆူးလေဘက်ကို လာနေကြပါတယ်။ စစ်သားတွေ မရှိတော့ပါဘူး။ စစ်ကားနဲ့ မီးသတ်ကားတွေက လမ်းမှာကျန်ခဲ့တဲ့ သွေးတွေ၊ အမှိုက်တွေကို ရှင်းနေကြပါတယ်။နေ့ခင်းကြောင်တောင် မြို့လည်ခေါင်မှာ လူသတ်နေပြီတဲ့၊ ဆူးလေမှာ ပစ်ခတ်နေကြတယ်လို့ ကြားပါတယ်။

မြန်မာစံတော်ချိန် ၁၃း၂၀

တောင်ဥက္ကလာတွင် ဘုန်းကြီးများ၊ လူများနှင့် ရဲ၊ စစ်သားများ အချင်းများနေကြပါသည်။ လူထုက သံဃာတော်များကို ကာကွယ်ပေးသည့် အတွက် ရဲများက လူထုကို ပြဿနာရှာနေပါသည်ဟု ဖုန်းသတင်းမှ ၀င်လာပါသည်။
ဒီနေ့ ဖြစ်နေသော သတင်းများကို တစ်စုတည်းဖြစ်အောင် mizzima မှ ပြန်လည် ကူယူ ဖေါ်ပြလိုက်ပါသည်။

မြန်မာစံတော်ချိန် ၁၃း၁၀ (သတင်းလွှင့်တင်ချိန်)
ရန်ကုန်မြို့ ကန်ဘဲ့တွင် စစ်တပ်ပါဝင်သော စွမ်းအားရှင်များက သံဃာတော်များကို လိုက်လံ ဖမ်းဆီးပြီးနောက် အခြေအနေ တင်းမာနေသည်။

မြန်မာစံတော်ချိန် ၁၂း၅၀ (သတင်းလွှင့်တင်ချိန်)
လုံထိန်းများက သံစည်းရိုးအတွင်းမှ ၁ဝ ပေလောက် အကွာအဝေးတွင် ရှိပြီး ဆန္ဒပြသူများက စည်းရိုးအပြင် ၁ဝ ပေလောက် အကွာမှာ ရှိနေသည်။ ဆူးလေအနီးရှိ ဦးတေဇပိုင် Myanmar Shopping Mall ကို ပိတ်ထားပြီး စစ်တပ်နှင့်ရဲ လုံခြုံရေး အစောင့်များလည်း ချထားသည်။ မြန်မာ့ အာမခံရုံးအထိ တောက်လျှောက် ဆိုင်များ ပိတ်ထားပြီး AA Phamacy ဆေးဆိုင် တခုသာလျှင် ဖွင့်ထားသည်။
ဆူးလေဘုရားအနီး လမ်းကြားများ အားလုံးကို သံဆူးကြိုးများနှင့် ပိတ်ကာလိုက်ပြီ ဖြစ်သည်။

မြန်မာစံတော်ချိန် ၁၂း၄၅ (သတင်းလွှင့်တင်ချိန်)
သံဃာတော်များ ဦးစီးသော ဆန္ဒပြအဖွဲ့တခု အနော်ရထာ လမ်းအတိုင်း ချီတက်လာနေသည်။ လူထောင်ပေါင်းများစွာလည်း ဘေးမှ လိုက်ပါလာနေသည်။ လုံထိန်းများကလည်း အနား ကပ်လာနေရာ ပေအနည်းငယ်သာ ကွာဝေးတော့သည်။

မြန်မာစံတော်ချိန် ၁၂း၃၀ (သတင်းလွှင့်တင်ချိန်)
ရန်ကုန်မြို့တွင်း အစိုးရရုံးများ ဖွင့်ထားသော်လည်း ဝန်ထမ်းများကို ရုံးချိန်အတွင်း အပြင်ထွက်ခွင့် ကန့်သတ်ထားသည်။ ပုဂ္ဂလိကရုံး အများစု နှင့် ဈေးဆိုင် အများစု ပိတ်ထားပြီး စာသင်ကျောင်းများလည်း ခြောက်ကပ်နေသည်။ လမ်းပေါ်တွင် ဘတ်စ်ကားများ ပြေးဆွဲမှု သိသိသာသာ လျော့နည်းသွားသည်။

ဆူးလေ ပြင်ဆင်မှု(မြန်မာစံတော်ချိန် ၁၁း၅၅)
ဆူးလေဘုရားအနီး စစ်သားနှင့် လုံထိန်းများ မြို့တော်ခန်းမထဲမှ ထွက်လာပြီး လမ်းပိတ်လိုက်ပြီ ဖြစ်သည်။ အနားရှိသူများ အားလုံးကို မောင်းထုတ်ကာ ရင်ဘောင်တန်းကာ ရှေ့သို့ ချီတက်လာနေသည်။ စစ်ထရပ်ကား ၁၂ စီး ဆူးလေပန်းခြံရှေ့ ရပ်ထားပြီး မီးသတ်ကား ၇ စီးလည်း ပါဝင်သည်။
မြန်မာစံတော်ချိန် ၁၁း၃၀ရန်ကုန် ဘုန်းကြီးကျောင်းများကို စစ်တပ်ဝင်စီး၊ သံဃာတော်အပါး ၂ဝဝ ကျော်အဖမ်းခံရ

တောင်ဥက္ကလာပမြို့နယ် ငွေကြာရံ ကျောင်းတိုက် အပါအဝင် ရန်ကုန်ရှိ ဘုန်းကြီးကျောင်း အနည်းဆုံး ၅ ကျောင်းကို စစ်တပ်က ယနေ့ နံနက်အစောပိုင်း ဝင်ရောက် စီးနင်းပြီး သံဃာတော်အပါး ၂ဝဝ ကျော်ကို ဖမ်းဆီးခဲ့သည်။
ငွေကြာရံ ကျောင်းတိုက်ကို နံနက် ဝဝး၁၅ နာရီ အချိန်တွင် နံရံ ဖြိုဝင်ရောက်ရာ သံဃာတော်များနှင့် စစ်တပ်တို့ ထိပ်တိုက် ရင်ဆိုင် တွေ့ကြပြီး သံဃာတော် အများအပြား ထိခိုက်ဒဏ်ရာ ရသွားခဲ့သည်။
“သွေးသံရဲရဲနဲ့ပဲ။ ကားတစီးက ဦးဇင်းတွေဆိုရင် အောက်ကဟာတွေပါ ပေါ်တာ။” ဟု ရန်ကုန်မြို့ခံ တဦးက မဇ္ဈိမကို ပြောပြသည်။
၂ နာရီခန့်ကြာ စီးနင်းမှုအတွင်း သံဃာတော်များက တုန်းမောင်းများ ခေါက်၍ အော်ဟစ် အသိပေးရာ ရပ်ကွက် လူထုများ အကူအညီပေးရန် ကြိုးပမ်းသော်လည်း အရပ်သားများကို ပစ်မည်ဟု စစ်တပ်က အမိန့် ထုတ်ပြန်သဖြင့် အကူအညီ မရခဲ့ပေ။
“ရိုက်လို့ အော်သံ၊ ဟစ်သံ တွေ ပွက်လော ရိုက်သွားတာပဲ” ဟု ကျောင်းတိုက်အနီး နေသူတဦးက မဇ္ဈိမ သို့ တယ်လီဖုန်းဖြင့် ပြောပြသည်။
တပြိုင်နက်တည်း လိုလိုပင် နောက်ထပ် အနည်းဆုံး ဘုန်းကြီးကျောင်း ၄ ကျောင်းကို စစ်တပ်က ဝင်စီးပြီး သံဃာတော် အချို့ကို ဖမ်းဆီးသွားခဲ့သည်။

ခြောက်ထပ်ကြီးရှိ သာသနာ့ သိပ္ပံကျောင်း၊ ရန်ကင်းရှိ မိုးကောင်းကျောင်း၊ သင်္ကန်းကျွန်းရှိ မဂ္ဂင်ကျောင်း၊ သိမ်ဖြူရှိ သိမ်ဖြူကျောင်းတို့မှ သံဃာတော်များ အဖမ်းခံရသည်ဟု မဇ္ဈိမ က အတည်ပြုချက် ရရှိသည်။

မြန်မာစံတော်ချိန် ၁၁း၀၀
ယမန်နေ့ ဆန္ဒပြမှုကို အင်အားသုံး ဖြိုခွင်းရာတွင် အမျိုးသားတယောက် သေဆုံးပြီး ၃ ဦး ဒဏ်ရာ ရရှိခဲ့သည်ဟု စစ်အစိုးရက ထုတ်ပြန် ကြေညာထားသည်။

အေအက်ဖ်ပီ သတင်းတရပ် အရ လူ ၃ ဦးသေဆုံးကြောင်း အမည်မဖော်လိုသော အစိုးရ တာဝန်ရှိသူ တဦးက ပြောကြားသည်ဟု ပါရှိသည်။